"Pinagkamalan pa ata tayong mga rapist! Bakit ba hindi ka nag-iisip?! Paano kung tumawag ng pulis ang mga 'yon!" Sermon ni Rigo kay Frost.
Kasalukuyang nasa isang high end club ang dalawa. Dito sila dumiretso pagkatapos ng kanilang failed mission. Kumaripas kasi ng takbo ang mga minamanmanan nila.
Inisang lagok ni Frost ang kopitang may lamang whiskey. He didn't know, what's got into his head to do that.
Hindi naman siya ang tipong seloso, pero nag-init talaga ang ulo niya nang makitang kumapit sa braso ng lalaking 'yon ang dalagang hindi pa rin niya nakilala— habang sinisipat ang mukha nito.
"Ano ba kasing atraso sa 'yo nung babae at halos daigin mo pa ang mga psycho stalker sa mga series na napanood ko."
"Malaki." Nagtatagis ang bagang na tugon niya at muling humingi ng alak sa
