Monica's P. O. V.
Taimtim akong nagdadasal habang hinihintay na magising si aling Modta. Nakausap ko ang isa sa tindera niya sa kaniyang munting kainan. Sinabi niya na madalas na raw mahilo si aling Modta at manghina. May isang beses pa ngang nahimatay ito pero sinabi ni aling Modta na huwag ipaalam sa akin dahil ayaw niyang mag- alala ako.
"Kaano- ano niyo po ang pasyente?" tanong sa akin ng doktor na pumasok dito.
Napatayo ako. "Bale po nanay- nanayan ko po siya."
"Ah okay so hindi kayo blood related? Wala na ba siyang ibang kamag- anak pa?"
"Nasa ibang bansa po yata ang mga anak niya... kaya po ako itong parang anak na rin niya ang nandiyan po para sa kaniya," sagot ko naman.
Bumuntong hininga ang doktor. "Okay... so nakausap ko ang babaeng nagdala sa kaniya dito na nagpakilalang
