Monica's P.O.V.
Dalawang linggo ang makalipas, nakapagsimula na si aling Modta sa bago niyang kainan. At ito ang unang araw kung saan nagsimula na siyang magtinda ng kaniyang masasarap na ulam. Masaya akong tumutulong sa kaniya dahil pakiramdam ko, nandoon kami sa probinsya kagaya ng dati. Iyon bang masaya si aling Modta sa kaniyang ginagawa.
"Nakakatuwa naman at may kumakain kaagad dito sa bago kong kainan," nakangiting sambit ni aling Modta habang nakatingin sa mga taong maganang kumakain.
Ang mga taong kumakain ngayon sa munting kaininan ni aling Modta ay ang mga empleyado sa kabilang gusali, ang iba ay mga driver at construction worker. Mabuti na lang talaga at tabing kalsada ito kaya pansinin ng bawat taong dumadaan.
"Talaga po kasing masarap ang luto niyo, aling Modta. Kaya naman
