Monica's P.O.V.
Gusto kong matawa sa mga ginagawa ni Wilder. Kapag gusto niya akong bigyan ng pagkain, ipinaabot niya ito kay Janine. Habang si Janine naman ay kinikilig habang binibigay ang mga pagkaing binibili sa akin ni Wilder. At kapag nandyan naman si Daniel, bigla na lamang nagiging malahalimaw ang itsura niya. Na kulang na lang ay patayin niya sa titig si Daniel.
"Alam mo ba...ang sabi sa akin ni Daniel, hindi siya papayag na hindi niya magantihan si Wilder dahil sa ginawa niyang pagbugbog..." biglang sabi ni Janine habang naglalakad kami patungo sa palengke.
Tumaas naman ang kilay ko. "Ha? Hindi naman binugbog ni Wilder si Daniel. Sinuntok niya lang ng dalawang beses sa mukha pero hindi iyong bugbog talaga."
"Oo nga. Eh kaso parang nabugbog na rin kasi grabe ang pagkakasuntok
