Wiilder's P.O.V.
Habang nagmamaneho ako patungo sa motel kung saan tutuparin ko ang hiling ni Carla na isang gabi, gusto kong maiyak dahil magagawa kong pagtaksilan ang pinakamamahal kong si Monica. Ayoko talagang gawin ang hiling ni Carla dahil ayokong magtaksil kay Monica pero kailangan kong tuparin ang pangako ko kay Carla dahil tinupad niya ang kaniya.
"Mabuti naman at nakarating ka. Kanina pa kita hinihintay dito," malanding sabi ni Carla nang makarating ako sa motel na pagkikitaan namin.
Hindi na ako umimik at naglakad na ko papasok. Akma niya pa sana kong yayakapin pero agad akong umiwas at saka siya tinulak.
"Tigil- tigilan mo ako sa kalandian mo, Carla. Baka nakakalimutan mo na hindi naman tayo. Walang namamagitan sa atin kaya huwag kang umakto na parang magkasintahan tayo o
