"Sir, ayon sa report. Natanggal sila sa trabaho dahil sa pagnanakaw sa kumpanya niyo ng mga mamahaling sasakyan." At saka ibinaba ni Agaton ang report tungkol sa mga lalaking nanggulo sa lobby kanina.
Naalala ko nga na kailan lang ay may nakawan na nangyari sa isa sa mga kompanyang hawak ko.
Masusi kong pina imbestiga ang pangyayaring yon dahil ayokong basta na lang mambintang at magtanggal sa trabaho ng wala akong sapat na ebidensya.
"Iyong asawa po ng isa sa kanila at nanay naman ng isa iyong nagmakaawa sa inyo na huwag ipakulong ang dalawang lalaking yon." Dagdag pa ni Agaton.
Tumango-tango ako.
Natandaan ko rin kung paano lumuhod sa harap ko ang dalawang babae at makiusap na huwag kong ipakulong ang asawa at anak nila.
Pinagbigyan ko ang pakiusap sa akin ngunit ganito pa rin ang
