"Panalong-panalo talaga itong longganisa mo, Alexis. Amoy pa lang, nakakatakam na." Pagpuri ni Joy sa tinda kong longganisa. Isa rin siya sa naging close ko sa ilang taon ko na sa trabaho. Nasa Human Resources Department naman siya kung saan nakatoka si Erica.
Bukod kasi sa tinitinda kong hilaw na mga longganisa ay naisip ko rin na magtinda ng luto na at ready to eat na kasama ang isang cup ng kanin.
Pwedeng almusal, tanghalian o kahit pa meryenda.
Fifty pesos ang isang order na swak na swak na rin sa mga kapos sa budget. Kaysa nga naman kakain pala sila sa canteen na ubod ng mahal ang presyo ng mga pagpipilian na pagkain. Ganun din sa mga fast food sa malapit at halos nagkalat lang sa paligid nitong building.
Kaso nga lang ay bawal ako magtinda na marami ang nakakakita o nakakaalam. B
