Nasa loob ako ng kotse ni Arthur at magkasama kami. Ngayon ay itinuloy namin ang napag-usapang date noong isang araw. Hawak ko ang cellphone ko dahil ka-text ko si Mom. Habang si Arthur ay busy sa pagmamaneho ng manibela ay palinga-linga ako sa bintana dahil hindi ko na alam ang tinatahak naming daan. Lalo na't madilim at hindi ako pamilyar sa kalsada. Napanguso na lang ako at ibinalik ang aking atensyon sa hawak kong cellphone.
Paminsan-minsan pa ay tinatapunan ko nang tingin si Arthur at nahuhuli ko siyang pasulyap-sulyap pa sa ‘kin nang nakangiti. Nakasuot ako ng kulay maroon na floral dress at high heels na kulay black. Natigilan ako nang huminto ang kotse na sinasakyan ko. Inangat ko ang tingin ko kay Arthur na puno ng pagtataka.
“Where are we?” Kaliwa't kanan ang paglinga ko
