"Mommy ni Ric?" Sabina's eyes twinkled.
"Mother-in-law mo?" Maging ang mga mata ni Letti ay nasobrahan yata sa laki sa mga oras na ito.
"Kumalma nga kayo, sandali lang..." Nangangatog ang tuhod na naupo ako sa sofa.
Katatapos lang ng tawag pero pakiramdam ko ay hindi totoo iyon. Hindi ko pa rin mapaniwalaan na muli akong tinawagan ng Mommy ni Ric at siya pa talaga ang nakiusap sa akin na alagaan ko ang anak niya.
Wait... May sakit si Ric!?
Muntik ko nang makalimutan iyon. Kaya naman pala nawalan siya ng paramdam ay dahil inaapoy siya ng lagnat.
"Nasagot na ang mga tanong natin kung bakit hindi nagpaparamdam si Loverboy," ani Sab. "Pero itong katatapos pa lang na tawag na 'to, nanay ba talaga ni Ric iyong nakausap mo?"
Pinandilatan siya ng mga mata ni Letticia. "Rinig na rinig naman
