"Miss Gabriella?" Nilingon ako ng drayber nina Ric na nakilala kong si Kuya Allan. "Nandito na po tayo. May nakalimutan po ba kayo?" tanong pa n’ya nang makitang nakaupo pa rin ako.
Bahagya akong umiling. " Wala naman po."
Dalawang minuto na buhat nang makarating kami rito sa mansyon nina Ric pero hanggang ngayon ay kinakalma ko pa rin ang sarili ko.
Dapat nga yata ay pinag-aralan ko kung paano ko haharapin ang lalaki. Alam ko namang s’ya itong bumabawi sa akin pero matapos kong malaman ang mga ginawa n’ya para sa akin ay sinundot na ako ng konsensya ko.
Lumabas na ng sasakyan si Kuya Allan at maya-maya pa ay bumukas na ang pinto sa gilid ko. "Kayo na po ang bahala kay Ric, Miss Gabriella. Noong isang araw pa masama ang pakiramdam ng batang iyon pero nagpilit pang pumunta sa school at
