Napaungol ako nang masinghot ang masarap at mabangong amoy na pumupukaw sa natutulog kong diwa. Gusto ko pa nga sanang ipagpatuloy ang pagtulog kundi ko lang naamoy ang pinaghalong mint at strawberry. Nangingibabaw iyon sa ilong at nagawa niyong itaboy ang iba pang amoy na naaamoy ko. Kilalang-kilala ko na ang amoy na iyon.
Sobrang pamilyar sa akin at isang tao lang ang alam kong nagmamay-ari ng amoy na iyon. Ang amoy na naging paborito ko na.
Saglit pang nangunot ang noo ko bago dahan-dahan akong nagmulat ng mga mata. Napakurap pa ako nang masilayan ang pinakamagandang likha ng Diyos mula sa lahi ni Adan.
"Hi," Ric looked at me lovingly. "Mabuti at nagising ka na. Hindi ka pa nagdi-dinner at ayaw naman kitang gisingin dahil mukhang masarap ang tulog mo."
Sandali pa akong napakurap bag
