CLARK
Nakapwesto ulit ako dito sa balkonahe habang pinapanood siya sa katapata na gusali. Umiinom siya ng beer at mukhang malalim ang iniisip.
Binitawan ko muna ang binocular at bumaba ang mata ko kay Alta na mahimbing na natutulog sa kandungan ko. Nakangiting hinaplos ko ang balahibo niya.
“Sana magkasundo na kayo ni Nos. Bakit kasi ang maldita mo, Alta? Si Nos lang pa naman ang gusto kong lahian ka. Paano kita palalahian sa kanya kung lagi mo siyang inaaway?” sermon ko sa alaga ko, na animoy maiintindihan ako. Heto nga at nanatili itong natutulog. Mayamaya lang ay natagpuan ko ang sarili na tinatawagan si Thea.
“Are you home?” tanong ko kahit alam kong nasa condo na siya.
“Yes, limang canned beer na nga ang nainom ko,” natatawa na sagot niya.
Ang sarap sa tainga ng tawa niya. P
