THEA
“O, anak. Nandito ka na pala.” Naglakad siya palapit kay Tita Cassandra. Hindi ako nakagalaw nang dumaan siya sa tabi ko. Muntik na akong pumikit nang nanuot sa ilong ko ang amoy niya. I miss his scent. “Sandali na lang ito.”
Hindi ko mapigilan ang panginginig ng kamay ko habang binababa ang baso sa mesa. Ngayon ko na lang siya ulit nakita, pero ganito naman ang nararamdaman ko. Hindi ko alam kung nahihiya ako. Parang ang hirap gumalaw sa harap niya, lalo na ngayon na alam na niya kung ano ang tunay na nararamdaman ko. Alam kaya niya na pupunta ako? Pero kung sakaling alam niya, siguradong hindi siya pupunta. Malamang, iisipin na naman niya ang sinabi ni Daddy.
Huminga ako ng malalim at nilakasan ang loob na humarap sa kanila ni Tita Cassandra. Kailangan ay maging natural pa rin a
