THEA
Simula nang magising ako dahil sa masamang panaginip ko, hindi na ako nakatulog. Pero kung kailan maliwanag na, saka naman ako dinadalaw ng antok. Sabagay, mamayang gabi pa naman magaganap ang engagement party, kaya pwede pa akong bumawi ng tulog. Ayoko naman pumunta sa party na nangingitim ang ilalim ng mata ko.
Alas nuwebe pa lang ng umaga, kaya pwede pa akong matulog. Pumikit ako, pero kaagad din akong nagmulat ng mata nang muling bumalik sa balintataw ko ang panaginip ko. Minabuti ko na lang na bumangon sa higaan.
Nag-almusal muna ako bago naligo. Pagkatapos, lumabas ako at pumunta sa pinakamalapit na salon. Kailangan ay maging presentable akong tingnan kapag hinarap ako ni Aiden sa mga bisita nilang may sinasabi sa buhay. Nakakahiyang humarap na kahit buhok ko ay parang isan
