CLARK
“Kuya, gising. Ikaw muna ang maghatid sa akin sa school.” Niyugyog ni Chazzy ang balikat ko kahit nasa kasarapan pa ako ng tulog. Pumasok na naman sa kwarto ko ng walang paalam.
“Wala na akong privacy sa ‘yo. Basta ka na lang pumapasok sa kwarto ko,” sermon ko sa kapatid ko at nagtalukbong ng kumot. Alam nitong ayaw na ayaw kong may pumapasok sa kwarto ko, lalo na kapag nandito ako. Kaya kahit naka-boxer lang ako kapag natutulog, pinipili kong magsuot ng pajama dahil kilala ko na ang kapatid ko kapag dito ako sa bahay natutulog.
Tuwing Biyernes, pagkagaling sa opisina, dito ako dumidiretso sa bahay ng aking mga magulang. Weekly routine ko na ito dahil weekends lang kami nagsasama-sama. Simula kasi nang magtrabaho ako sa kumpanya namin, sa condo na ako umuuwi dahil malapit lang ito
