THEA
Magkatabi kaming nakaupo ni Aiden sa sofa habang nanonood ng movie. Simula nang sinabi ko na pumapayag na akong pakasalan siya, hindi na niya binitawan ang kamay ko. Hindi na rin siya umaalis sa tabi ko. Galing pa siya sa biyahe, pero ayaw pa niyang umalis. Nawala raw ang pagod niya nang makita ako.
Sinulyapan ko ang orasan na nakasabit sa pader. Pasado alas dose na ng gabi. Nakakaawa naman kung pauwiin ko pa siya ng ganitong oras. Kanina pa siya tahimik, kaya pasimple ko siyang tinapunan ng tingin. Nakahilig ang ulo niya sa balikat ko, kaya bahagya kong binaba ang ulo ko para silipin siya. Mahina akong natawa nang makita ko na mahimbing na pala siyang natutulog.
Hinawakan ko ang ulo niya at maingat akong umalis sa tabi niya. Kumuha ako ng isang throw pillow bago ko siya dahan-da
