THEA
Para akong naestatwa sa pwesto ko nang marinig ang sinabi niya. Nakilala ba niya ako kaya niya sinabi iyon? At saka, ano pala ang ginagawa niya dito? Hindi ba't nasa business trip siya? Alam ba ni Rosie na nandito siya?
Nanatili akong tahimik. Mayamaya lang ay tumingin ako sa gawi ng pasilyo. Pero nadismaya ako dahil wala man lang akong nakita na dumadaan. Kailangan kong makaalis sa harap niya sa lalong madaling panahon.
Hanggang sa napansin ko na parang may kinukuha siya sa ilalim ng suot niyang hoodie jacket. Naalarma ako, kaya tinulak ko siya. Pero sa kasamaang palad, para siyang pader na hindi natinag sa pwesto niya. Nang sulyapan ko siya, puno ng babala ang mga titig na binabato niya sa akin. Pinarating niya sa mga titig na iyon na ‘wag akong gagawa ng bagay na hindi niya magu
