THEA
Umiiyak ako habang paulit-ulit kong hinahampas ang dibdib niya. Wala na akong pakialam kung ano ang isipin niya. Ang gusto ko lang ay ilabas ang lahat ng emosyon na matagal kong kinimkim nang hindi siya nagpakita sa akin pagkatapos na may nangyari sa amin.
Ang dami kong gustong itanong, pero wala akong lakas ng loob na sabihin sa kanya dahil natatakot ako sa posibleng isagot niya. Kapag sinagot niya ako, makakaya ko pa ba ang sakit?
Hinayaan niya ako sa ginagawa ko. Tinanggap niya ang bigat ng kamay ko. Hanggang sa unti-unti itong humina. Mayamaya lang ay binaon ko ang mukha sa dibdib niya.
“G-gago ka, Clark. Gago ka…” paulit-ulit na sambit ko sa kanya habang pahina nang pahina ang boses ko. Para akong naubusan ng lakas sa ginawa ko.
“I know, at tanggap kong gago ako, Thea,” san
