Gulat na gulat ang lalaki nang makita si Zhoey. Nakakunot ang noo niya habang nakatitig sa towel na hawak nito. Agad niyang hinablot ang towel mula sa kamay ni Zhoey. "This is my towel!"
Nabigla rin si Zhoey sa lakas ng paghablot, kaya't napasama siya sa towel. Dahil mahigpit niyang hinawakan ito, nawalan siya ng balanse, natulak niya ang lalaki at sabay silang nahulog sa tubig.
Nanlaki ang mga mata ng lalaki nang papunta sa kanya si Zhoey. Dahil sa lakas ng paghablot niya sa towel, wala siyang nagawa kundi bumagsak muli sa tubig. Sa bilis ng mga pangyayari, napaibabaw si Zhoey sa kanya. Dahil sa biglaang kilos, nakainom ng tubig si Zhoey at nabilaukan. Napuno ang ilong niya ng malamig na tubig, dahilan para tuluy-tuloy siyang napaubo.
Lumangoy si Zhoey palayo, dumistansya ng kaunti sa
