وجع الثأر

2184 Words

الرجل الذي يفكر دوماً بالانتقام هو شخص يبقي جراحه مفتوحة فرانسيس بيكون وقيل الغضب هو حمض يؤذي الوعاء الذي يحويه أكثر من أي شيء أخر يتم سكبه عليه ، مارك توين وقيل عندما يتزوج الغضب من الثأر ينجبان الشراسة. مثل روسي، الحب نعمة والنسيان نعمتان، لكن الذي يحب ولاينسى هو الذي يمتزج عنده الحب ورغبة الانتقام حتة تمحي كل شئ جميل فيه، بعد مطلعت من السجن، وشفت الي صار بااهلي عرفت رباب رح تاخذ نصيبها من اهلها اكيد، وصلت لشارعهم دگيت عليها عسى ولعل ترد، ردتلي اختها وگالتلي رباب تگلك بعد لاتتصل بيه ، انساني اني رح اتزوج ، وانت هم شوف نصيبك وانساني،،، هيچ وبكل سهولة واني دمرت حياتي بسببها، تجي بكلمتين وبجبن تخلي اختها تحچي مكانها، وتنهي البينة، صوت الزفة دگ براسي ، ومرت سيارة العرس وشفتهة لابسة البدلة لغيري، نار وشعلت جوايا، ردت اهجم وا**ر بس لزمني محمد ورجعني للبيت،،، محمد شفتها، شفتها لابسة الابيض لغيري، محمد: رائد استهدي برحمانك، كلمن يروح نصيبة، ولك محمد باوع هاي الگالت للموت مااعوفك ماالبس الابيض الا الك باوع ، باوع شون لبستة وخانتني، راح التعب وسهر الليالي، ليل ويا نهار افكر شون اسو ي اليرضيهة، باوع شون تحچي وشون توعد، عذابي ولك محمد گلبي اشتعل نار، ولك خووووية شون بيه اني،،، محمد: امشي نروح للشقة، اروح للموت برجليه ولك محمد، هاي الشقة الهة سويتهة ،، هذا المكان الي جمعنا هيج معقولة تمثل لااخر دقيقة هي حابتني،،، كافي رائد ارحم نفسك، انت رجال مو مرة تهزك خ تولي، خ تولي راحت لاامثالها،، عادل:سيدي ، سيادة الضابط رائد، واگف يريد يحچي وياك،، الضابط هشام :دخلي يفوت حركات الادب والاخلاق هاي متلوگلة، رائد:هلة شونك هشام،،، هاي شنو البارحة،،،، جايب جماعة، ومتوصي بيهم، هههه، الله عليك هشام عطلهم على گد متگدر، ها ،، لازم بينك وبينهم حساب،، رائد: ثار واني اخوك ذولة لعبو بية طوبة بزمن صدام،، هشام: شتريد حاضر،، بس احجيلي للقصة اول،،، رائد: ماشي ، بس حچي بيناتنا،،،،،،، هشام : ايا ولد،،،،، صدگ ذاك الوكت جگد علسو ناس،، زين شتريد هسة انت ذبيتهم بتهلكة، مايطلعون منها،،، لا هشام،، وياهم طفل مالة ذنب، ياطفل قصدك،، المتهم ليث عمرة 18سنة مالة ذنب ،، چان طفل،، وكتها،،، واذا مو اخوهم، هذا تربات ايدهم، يعني تفكيرة مثلهم،، اني سويت وياهم الواجب،، بس اني رايد اختهم،،، المدمنة! گول غيرها رائد شجيب روحك، هاي بلوة، هشام بيني وبينها حساب لازم يصفى،، هشام:رائد ،، اني ةياك بس هاي مرة ومو صاحية شتگول لااهلك لمرتك، شتگللهم، انت،، معليك لا بمرتي ولا بااهلي اني احلها،، خلص جيبلي زوجهة وعوفني اني ويا نتصافى، شنو، ولك رائد انت مگتلي متزوجة،، رائد:متزوجة ، بس لو رجال ميخلي مرتة بهالحالة، اوووف، يا رائد والله دذب روحك بتهلكة، رايح چيب رجلهة خ نشوف تاليتك،،، عاااادل،،، جيب المتهم فائز مهنا،،، حاضر سيدي،،، ايي رائد شناوي تسوي،،، اصبر وهسة تشوف، بس انت حقق ويا هشام وفهمة شرح يصير بي اذا مااتعاون،،، ماشي، تدلل، لما افضالك علية فلا اقبل،،، عادل:هذا فائز سيدي،،، رائد: بس شفتة احس نار شعلت جواية هذا الاخذ مني اعز مااملك كل مااتخيلة لمسهة حضنهة باسهة، احس نار تشعل جواية،، وكل شويةافور اريد اضربه ويهديني هشام،،، هشام: اي فائز احچينا ،،هاي الاسلحة مين جبتها،،، فاىز: سيدي ،،يااسلحة يابة،، اني جاي خطار،،، چنت مسافر،،، جيت اطلگ واطلع، رائد:شفت بيهة سجن گلت انفذ بجلدي واخليهةبرگبةوليد واخو،، سيدي،،الجواز مالي موجود ، والتذكرة هم اني مقيم باامريكا صار سنين، خابروني ،،عمود كم شغلة،، واطلگ وارجع واذا سمعو بيه شغلةاسلحة بعد ميدخلوني، فدوةاروحلك سيدي لابيهةولاعليهة، والمرة الماخذهة مريضة، ولما احداث سوريا چان بعدها بالمصحة،،، رائد: يامصحة ،،تتبلى ع زوجتك، هي هاي الغيرة مالتك،، يابة اوراقهة موجودة واذا مصدگ اسال اخوتها خ يجيبولك تقارير اني من زوجتها هي مو صاحية،، رائد: ايااا جبان،،ياجبان انت،، هشام:سيادة الضابط اهدا، يعني انت جاي هنا تطلگ صح، اي سيدي،،، خلص وقع على اقوالك وكمل الي جيت عمودة،،، واذا عرفت بيك جذاب اجيبك بالانتربول،، يابة سيدي گدامكم دا اگولها ، مرتي طالگ بالثلاث، ورح ادزلهة ورقتها للبيت اهلها، رائد:ايا،،،، لو باايدي الا امردة باايدي ،، الغيرة سز هذا هشام: احتمال حچية صح،،، رائد:هشام هاي البنية عرفتها سنتين، وعقلها يوزن بلد، اكيد يچذب،، هشام: انت بعدك تحبها،،، رائد: ياحب هشام، بس اني اعرفها وعشت وياها ، مستحيل الحچي الي كالة،الا اذا الهم ايد بلي صار الهة، چانت جكارة متقبل ادخن تگلي تضر صحتك، تروح تدمن م**رات وادوية، هشام: كتلك تحبها ، لهذا مرح صدك اي كلمة عليها، المهم هاي زوجها وطلگها، بقو اخوانها، رائد:وليد آلعكرة، هذا بعثي، ووتعرف ذولة يموتون وميسلمون، لا چان زمان، من اول يوم سجن نام مستشفى ذولة ممتعلمين عالبهذلة،،، اصلا يمكن يگلك گبع واخذ ، يخلص من مصيبة براسة ، بس انت شرح تستفاد،،رائد،،، متفيدك ترة،، وتتبهذل من وراها،،، رائد:اطفي ناري بس، واذلها مثل ماذلتني،،، اطلق سراح فائز ،وصدك مشى بالاجراات، وطلگ رباب وسافر، وليد رجع من المستشفى ، وليث هو الوحيد الي تبهذل بالسجن، صار موعد ينقلون رباب مركزادمان الي بمدينة الطب، بس اهلها مقبلو، وقررو يطلعوهة،، ظلت شهر تقريبا بالمستشفى ، عندها مضاعفات ،وجفاف ، التهابات بص*رهة، عما عالجوها دمرت الحواليهة كلهم ، وكل زيارة مني تسوءحالتها اكثر، ولمن دينقلوها للبيت ، مرة اخوها توسلت بيه اطلع رجلها ، وليث مجابتة بالطاري،،، عرفت هو الوحيد الي رح يشيل التهمةومالة ذنب،،، واتفقت وياها اخذ رباب يطلع وليد ،،،وليث،، المفاجاة انو وليد مقبل يزوجني اختةواختار السجن على انو يقبل تتزوجني، قابليات بشر للكره والنظرة الدونية للبشرية مرض يعاني منة ناس هواي وبعدهم عايشين بدور احنا الاسياد وانتو اولاد العامة،،، والمفاجاة الاكبر انو رباب بس سمعت موضوع الزواج تخبلت اكثر، وصار وقت استخدم سلطتي واجبرها بالاكراه تقبل بية عمود تذوق نصيبها،،، چانت اخر زيارة الهة قبل لاتطلع،،، رائد: طلعي برة عندي حچي ويا رباب، رباب: محاسن لاتطلعين،،، طلعي دا اگلچ،،، جريت كرسي وگعدت،، باعي ،، رباب،،، رح احچي وياچ كلمتين،، تريدين تردين متردين بكيفچ، تذكرين من چنتي تگولين الي إلي ميصير لغيري، هسةدا اكلچ ياها، انتي الي ومصيرين لغيري رضيتي ولا مرضيتي، والا ليوثي يروح ورا الشمس، ومحد يتبهذل غيرة ، وانتي بكيفچ بعد،،، مع السلامة،،، رباب: انت واحد خسيس،،، رائد: بعدچ مشفتي الخسة مالتي يارباب ، اذا مدفعتج ثمن عشر سنين من عمري راحت ، انتظري ، بقالچ شهرين و10ايام وتخلص العدة مالتچ، نسيت اگلج،، فآئز ،،طلگج وسافر حبيت ابشرچ،،، رباب:كلكم نفس الصنف،،، مشفتهة انقهرت او يمكن هي هاي رباب تموت ومتبين م**ورة،، عفتها وطلعت،، وراها باايام، الظاهر بعد ضغوطات مرة اخوها قبلت، بس الي استغربتة هدوئهة، بااخر ايام ، مچانت تهوس وتتهستر عمود جرعة، معقول ،ممكن تكون استجاب جسمهة للعلاج، چنت اشوف نظرات ازهار ، وهي تگلي اخذهة من هسة اخذهة لاتبقيهة،، هاي الفترة مچنت طايق الهدوم الي عليا ، تعاركت ويا مرتي ،وزعلت واخذت حسين وراحت لااهلها ورجعت بيت اهلي البيت فرغ، شلت غراضي القديمة ونصبت وحدة جديدة، ام رائد: ها يمة شنو، شايفتك صبغت وغرفة جديدة شنو ناوي تجون ترجعون يمي، فاطمة تقبل،،والله احسن انوم حسوني بحضني،،، رائد: لايمة رح ازوج،،، ضربت ع ص*رهة ،، عزة العزاك رائد، لايمة لا ابنك بعدة صغير وفاطمة ترضى وترجع، لا تهچم بيتك ، يمة شااهجم بيتي ،،، هذا بيت وذاك وبيت واذا متريدين اگعد يمج اروح اشوفلي مكان ثاني، ولك يمة لاتستعجل، خطية مرتك بعدها عروس، وانت يوميةمزعلها وجيبلهة ضرة منو يرضاها،،، اني ارضاها، واذا ماعاجبها خليهة بيت ابوهة تروح مرة تجي عشرة،،، زين المرةرايد جايبهة ماعدهة اهل مسالو ع اهلك، ميحتاج يسالون،،، زين تدري متزوج وعندك طفل، يمة،على شنو هالملحة تعرف ولا متعرف رح تجي هنا، وتصيرمرتي، منو هاية متقهمني منوتقبل بخراب البيوت،،، رباب،،، رباب، ذيچ ماغيرها، عزة العزاني،ولك رائد ناوي تموتني ناقصة عمر، مكفاك الصار بينه، يمة لاتخافين ارجعلكم حقكم، واذلهم المذلة ذلوها النا، ولك يمة صار يومين گلبي لاعب عرفت اكو مصيبة وراك، لك هاي شجابها شرجعهة مو زوجت ،، وطلگت يمة،،، عزة العزاك رائد يمة،،ولك يمةانت كبرت ماعدت شاب طايش ليش ت**ر بينا وجيب الچانت سبب ب**رة ابوك متسوة يمة متسوة،،، رائد:يوم كلها شهر وتخلص العدة مالتها، واجيبها هنا، يمة انتي الوحيدة الي تعرفين جگد جنت رايدهة لات**رين خاطري يمة، فدوةاروحلك، لاتخليهة بنفسي، وراها اخوتي كلهم اجتمعو وخواتي ،وصارت هوسة، المهم طلعو زعلانين ، ليث طلع وبقة بس وليد بالسجن الشهر مر بسرعة واجة اليوم الي المفروض اخذ رباب للبيت ، جبت سيد ويايا عقدلنا، گوة طلعت كلمة نعم منها، خلصت الاجراات اثنينة مو فرحانين ، داخلي رغبة بالانتقام،، ومااعرف الكره داخلهة من شنو اختفت ملامح وجهة عيونهة غايرة وجسمهة ضعفان حيل ،وجهة شاحب ،ماكو روح بيهة، رائد: يلة صعدي، كدامي،،، ليث: ربااااب، صاحها،،، وحضنهة وهي حتى ماعدهة قوة ترفعهة وتحضن اخوها اعرف قبلت بيه عمود ليث ، وازهار حضنتها هم صعدت بالسيارة ومسمعت الها صوت، ولاعدهة رغبة حتة تباوع بوجهي، رباب ،رح نفوت منطقتنة حطي هذا الشال فوگ راسچ، مردت حطت حجاب ورجعت التفتت عالجامة،، رائد:رح توصلين للبيت ، تسلمين على امي وتبوسين ايديهة، وتسلمين على ابوية، وحسچ عينچ اسمع صوتچ يطلع، فهمتي،، ربااااب،،،جريتها من ايديها،،فهمتي،،، باوعت بعيوني ودنگت،،، كانها بعالم ثاني غير عالمنا،،،، شنو جواج حچي محچيتي يارباب ، شنو معنى سكوتچ، فوت السيارة جوا،،، فتحت الباب ، شكلها خايفة مو رايدة تنزل، فتحت الباب،، يلا نزلي،،،، مقبلت ،، جريتهة من ايديهة ، يلا نزلي رح نظل نتوسل،،، امشي،،يلا،،، فتت للمطبخ، چانت امي دتطبخ اول مشافت رباب انصدمت،، دفعتها قوي يلة روحي سلمي على امي ، ام رائد:اول مشفت رباب انصدمت ، وينها هاي الوردة المفتحة، وضحگتها الحلوة،،، ها يمة شنو رايچ ،،،شنو راي يمة تخبل فدوة الله يحفظچ خالة، يمة فدوة للخالة طالعة من حلگج، تعرفين رائد لمن گلي طرت من الفرح ، ولمن شفتچ فرحت اكثر،، ابني مالة سيرةغيرج، واني هم خالةمالي سيرة غيرة ، احبة موبيدي واذا مزوجتة يمكن اكتل روحي وانتو تحملو،،، رائد: مو گتلج يوم رباب مثلنا تحب تتشاقى وتضحك،،، اي والله يوم مثل العسل ربي يحفظچ ويحفظج خالة ايدج ابوسهة،،، خاااالة،،خالة،،، رائد: يوم رباب تحچي وياچ،،، ام رائد: لايمة، لا مااريد تبوسين ايدي اخذي رجلچ وصعدو،،، رباب:لا ،،خالة خليني يمچ،،، مااروح،، رائد :امشي گدامي ،،، جريتهة وهي مچلبة باايد امي ، الي حتة هي من شافتهة انقهرت عليهة ،،، دفعتها ،،يلة امشي عاد ،،كل خطوة اسحلچ بيهة،،،، فاتت واول مسديت الباب فزت ، ضلت سارحة ،،،، رائد:هو هذا اليوم الي چنة ننتظرةونتمنى تذكرين،،، رباب: لا، مچنت اتمنى هيچ،،، رائد: نسيت،، مو هاي الحياة الي تتمنيهة،، رباب: اني تعبانة رح انام،،، رائد:اني جايبچ هنا تنامين،،، گعدت وضحكت بسخرية،،، رباب ليكون عبالك مثل الافلام يجي البطل ويخطف البطلة واول ميفوتون يذكرون حبهم وترجع المشاعر الجياشة،، تقربت الها،،، وتواجهت عيونة،،، رباب: اذا اكو شي احسة اتجاهك فهو الكره وبس،،، وتعرفني اذا كرهت بشر مااحبة لو اموت،،، رائد: لاعبالج اني رائد القديم، اني واحد ثاني،،، رباب:دا اشوف،،الي يمكن ماشفتة قبل،،، انت واحدظالم واستغلالي وحچيك كلة چذب،، رائد:منو الچذاب ولچ انتي على منو تحچين، اني اعلمچ بنت،،،، جريتهة دفعتها قوي ،،محاولة مني اتقربلها،،، وسمعنا صوت صياح جوا فاطمة وامهة جايين، عدلت هدومي ، ونزلت ، فاطمة:وينها، وينها هاي هجامة البيوت،، وينها بواگة الرياجيل خ تشوفني طولها،،، رائد: فااااااطمة،،، تعال عيني تعال يالعريس اسفين قطعنا عليك خلوتك،،، هاي انت طردتني بيت اهلي عمود تاخذ راحتك وياها،،، نزلها، نزلها ،،،خ نشوفها للعروس،، ام رائد: ام فاطمة **ري الشر واخذي بنتچ وروحي،،، ام فاطمة:يعني انتي راضية بالي صار ببنتي،،، لا مراضية،،، رائد:وشبيهة بنتچ معززة مكرمة بيتها ،رادت عزلة عزلناهة اكل وشرب ودلال زعلانة ويوصل الهة مصرف،،، واذا ماعاجبها الباب يفوت جمل،، وروحة بلا ردة،، فاطمة: هاي علية اني ، علية، خطوتين انداريت صعدت فاطمة لغرفة رباب تريد تكتلهة،،، رباب چنت نايمة ،هذا طبعي من احس هوسة ،وهذا رائد طلع مزوج وعندة عائلة اني عمري راح بسبب وعد قطعتة على روحي ،،ومااگدر ارجع بي، خل اعرفكم على نفسي اسمي رباب عمري 33سنة من اسرة عسكرية ابوية كان امر لواء وحالو عالتقاعد لااسباب صحية اخواني 2بالخارجية ووليد الجبير ظابط بالامن العامة، ورا ماسقطت بغداد، احنا سافرنا سوريا طبعا لوضعي الصحي الي دهور بسبب وفاة ابوية والي صار بية، بعد وفاة امي ابوية نقلني لبغداد، عندي 3اخوة من ابوية واخت ازهار اكبر مني مطلقة او اخواني جبرو زوجهة يطلگهة ، واني وياها علاقتنا كلش قوية حتة بمحنتي مااتخلت عني ، وچانت كاتمة اسراري وتعرف كل شي عني، حتى لمن اتفقنا اني ورائد ننهزم هي تعرف بية ، لمن اخواني رفضو رائد، حبيت اخليهم گدام الامر الواقع واگللهم اني ورائد مزوجين، بس جان رد فعلهم ممتوقعتة حبسوني بالبيت وقررو يطلگوني من رائد ومدارة للفضيحة ابن عمي يزوجني ، بعدها اتفقنا اني ورائد ننهزم للموصل ومناك نطلع تهريب تركيا، واتفقنا نتشاوف بالشقة ، اول موصلت سمعت حچي وسوالف رجال مرة نايمين سوا ، لحد هاي اللحظة صوتهم بااذني عرفت ساعتها رائد دي**ني بشقتناالي اتفقنانبدي حياتنا بيها، طلعت مصدومة، وماعندي مكان ارجعلة رجعت لبيت اهلي واستلموني اخواني ضرب وتهديد بنص العركة ابوية يريد يفكني ، بهالاثناء ابوية تخربط ولحظاتة الاخيرة جانت بين ايدية، مات ابوية من حرگة گلبه لان نزلت راسة، ازهار گالتلي اخوتچ دفعو فلوس رائد وهو قبل يطلگج ويروح ، ظليت ادگ عليه كلة مغلق عرفت رائد غدرني ، وباعني بالفلوس واني وثقت بي ، ورا 6اشهر من وفاة ابوية اخواني رادو يزوجوني بالغصب ، رشو القاضي وقدمولة تقرير مزور انو عقلي مو سليم، وبليلة زواجي مااتحملت جبت سچين وگطعت شرايني وتحول العرس الى مآتم وثبت علية مو سليمة عقليا دخلوني مصح وراالسقوط نقلوني م**رة لمصح ثاني بااطراف دمشق وهناك ذقت انواع العذاب على ايد الاطباء والممرضين الي چانو يسكتوني بالابر المهدئة والتىرامدول، والبروزاك، لحد موصلت مرحلة امد ايدي الهم عمود ينطوني الجرعة الم**رة عمود ارتاح، ورا الاحداث بسوريا المصح انسد ورجعنا لبغداد من بيت لبيت لحد مااستقرينا بغداد ، بسالمشكلة صار بصعوبة يحصلون ادوية الي ، وميطلعوني خوفا من الفضيحة وبدت نوبات عندي لحد مااجة اليوم الي شفت رائد فوگ راسي،،، فاطمة،دفرت الباب وانصدمت لمن شافتني،، رائد:هي هاي الفضلتهة علية وحدة طالعة من الگبر، ابتسمت لحچيهة ،،، وتضحك بوجهي،،،اليوم اموتچ بااايدي،، هزتني هزتين دخت ووگعت،،، رائد: فاطمة،، طلعي برة، امداك وامداهة،،، رائد:فاااااطمة انتي طالگ،،، للحكاية بقية،،، ??????? لاتنسون سمعوني تعليقاتكم وارائكم عالبارت اذا اعجبكم عمود القصة تصعد

Free reading for new users

Scan code to download app

App Store Google Play

Facebookexpand_more