فوضى الحواس

1571 Words

بين الّذين أهدروا ماضينا ، والّذين يُصرُّون على إهدار مُستقبلنا ، بين الّذين أفرغوا أرصدتنا ، وأولئك الّذين سطوا على أحلامنا ، نظلّ نحن أثرياء الحبّ أشرف من غيرنا . " فوضى الحواس " بعد ماطلعو فاطمة وراها رائد ظلت عيوني مفتوحة بالسگف ، اني وين معقولة متت وهي هاي الراحة، اول ماحسيت بخطوات رائد وصوته تقرب غمضت عيوني مااريد اشوفة، كل مااباوع بعيونة احس بغصة چبيرة محد يحسها بس المغدور ، بس الي اعرفة گلبي مو راضي يطلعة منة،، باقي هو مالة شريك ، متملكني بكل لحظة بكل عذاب چنت اتخيل وجهة وابتسامتة وانسى انو هو سبب عذابي، اني صرت انسانة عاجزة حتة رجلي اذا وگفت وگفة طويلة عليهة توجعني، وگلبي بي جروح محملة، اتمنى اغمض عيني وارتاح ،خلص تعبت،، رائد:رباب ،،،رباب ،، دسمعيني،، حط راسة على ص*ري ، وما حسيت گانو ردة روح مشلوعة مني فتحت عيوني دفعتة ورجعت اتچيت على الحايط وحاوطت ايدي رجلية،،، رائد: عبالي متي،، رباب: لا بعدني،،، ماخلصت طاري منچ،،، خلص، خلص،، شما تسوي بية ماعاد يفرق،،، انت نهيتني من زمان اول مفكرت،،، رائد:احچي ، يلة احچي شنو الفكرت بي، او چنت اضن فكرنة بي،،، سكتت وحطت راسهة بين ركبتهة،، ليش متحچين وين وعدچ الي،،، مو گلتي مااصير لغيرك والوعد وعدتي للموت، ماتعوفيني،، حطت ايدهة ع اذنهة ،، تقربت الهة وبعدت ايدهة ،، هااا، جاوبيني ،، جاوبيني، گعدت تبچي،،، كاااافي، عوفني بحالي،، شتريد مني،،، روح لمرتك وابنك وعوفني ، انت عايش حياتك شنو الگاعد تحاسبني عليه،،، عالنفس اليطلع مني ،،، اخذه ،، اخذه اذا يريحك،، يلا طلقة من مسدسك وانهي الموضوع،،، انتي شدتحچين،، انتظر رصاصة الرحمة الي تنهي معاناتي، يومية اتمنى الموت ومايجيني، تعرف شااتمنى رائد ، اتمنى اموت واخلص من عذابي ، اخلص من نار تاكلني يومية ومااموت،،، كلة بسببك انت، كلة بسببك انت ، دمرتني، دمرت حياتي،، رائد: رباب ،شدتحچين انتي ، انتي تعرفين شصار بية ، رباب،،، اتركني بحالي رائد ماافيدك بعد رجعني ،رجعني بروح غواليك مااگدر ،مااگدر اعيش وياك اختنگ،، اموت اني ،،، رائد:المن ترجعين ، المن ترجعين ولچ شلتچ حال الچلب حالچ ، اني طلعتچ من الموت باايدية،، ومنو گلك اريد اعيش،،، عوفني ،اريد ارجع مااگدر مااگدر،، المن ترجعين ،ولچ باعوچ عمود يطلعون،،، وانت شعليك ، شعليك بية،، اريد ارجع،،، اول مشفتهة فتحت الباب وركضت تطلع ركضت وراها، وهي تصيح عوفني،،، عوفني،،، جريتهة من شعرها ،،وامي تصيح علية،،، رائد،، يمعود رائد،،، تعالي ، شو تعالي دفعتهة وفووتتهة بالغرفة،، انتي ميفيد بيچ العيني والاغاتي، موتريدين حبس هين ظلي هيچ ، وخل اشوف اني لو انتي،، رباب: رائد ،،افتح الباب،، افتح الباب طلعني،،، مااريدك اني مااريدك كرهتك من زمان، عوفني الله ياخذك،، ربي ينتقم منك عالسويتة بية ربي ينتقم منك،، ظلت تصرخ نزلت،، تلگتني امي،،، يعني انت مجايبهة برضاتهة غصبا عنها، شنو جابرك يمة،، مشفتهة شصاير بيهة، ولك يمة الله ميرضى بالظلم لاتظلم احد تطلع ببخت خواتك،،، رائد:يمة رح اطلع شويةوارجع، لو تكلچ اموت لاتفتحيلهة، ام رائد:ولك يمة جبتلي بلوة وطالع،، يمة ممطول ، وعمود اريحچ رح اشوفلي مگبرة وانام بيها، عمود ست رباب، متعبني گبل للگبر،، ولك يمة من يمتة انت هيچ قاسي، معرفتك هيچ انت رائد ابو گلب الطيب،،، محد جنى علية غير طيبتي يمة ، محد جنة علية غير طيبتي،،، مع السلامة يوووم مثل موصيتچ،، رباب:كنت اظنك ملاذي ،حبيبي ملاكي الحارس اهرب من سجن الدنيا واختبئ بين اضلاعك لااجد حريتي واماني، مالذي حدث ، اين حبي واين وعودك اين حبك ،هل وقعت في شباك خداعك، وانتهيت واودع الان انفاسي الاخيرة،، تركت الباب ، لان صرخاتي مسمعها، ولارح يسمعها،، محاسن:باعي رباب ، ترة بالموت يلة حصلت هذي الحبوب، الصيدلي يگول يومية حباية ، مو تكثرين ، واول متخلصين اني اتحجج اسال عليچ واجيبلچ، بس اهم شي طلعي وليد،، جبت الشريط،،حطيت يمكن اربع حبايات ، وحطيتهم بحلگي ونمت، واني انتظر هاي الدقيقة الي رح تنخطف انفاسي الاخيرة،،، رائد،، نعم،، تعرف شنو انت بالنسبة الي، انت روحي ، انت الهوا الي اتنفسة، بيوم الي مااسمع صوتك اختنك ، رائد:والله،،، رائد، تعرفني من احچي شي مااچذب عليك،، اذا بيوم خنتني اونسيتني اموت، مااتحمل تخوني،، رائد:ماعشت ولاچنت اذا فكرت روحي بغيرچ، انتي الي بگلبي وحدچ ،،، بس خايف لاتنسيني او اهلچ يجبروچ،،، اوعدك جيب ايدك اسمع دگات گلبي رائد اني عمري مااحب احد غيرك، انت حبيبي وروحي واغلى ماعندي اوعدك وعد للموت ماانساك، وعد،،،، وعد،،، رائد: طلعت من البيت مختنگ،دنيا الليل بس جگارتي باايدي، اذكر ذيچ الايام الحلوة الجمعتني بيها ، ليش اتبدلت ليش الحلم بلحظة يتحول لكابوس، ليش كرهتني ، ليش،، دورت السيارةورجعت للبيت، ماانتبهت الليل شون هيچ فجآة اجة،، دخلت للبيت هدوء، ام رائد: هاي يمة جيت ، رائد: اي يمة ،، حضرتلكم عشا يمة اخذة وياك،، يمة ليش تعبتي روحچ، يمة البنية شكلها تعبانة ومماكلة شي حاضر يوم عشتي،،، صعدت ، حطيت الصينية على جهة،فتحت الباب ، نايمة،، رباب،،رباب،،، يلا گعدي اكلي،، هاي امي ذكرتچ،، گالت مماكلة،، رباب،، مو دا احچي وياچ، جريتهة من ايدهة ،وگعت جسمها بارد ، رباب ،رباب، ضربتهة ع وجهة ،،ماكو اي ردةفعل،،، يوووم،، يوووم،،،الحگيلي يمة،، ام رائد:خير يمة ، رباب ،مابيهة نفس،، شون بية رباب، رباب،،، فدوة ردي،،، يمة ، گوم شيلهة واطلع بيهة للطوارئ،، يمة تدري لما ابوك جان جيت وياك،، بس مااگدر اعوفة،، حاضر يووم، حاضر،، طمني يوم عود،،، اوف يايمةجبت روحك بلوة،، رائد:رباب، رباب حبيبتي وينج، لاتروحين، لاتروحين ، هسة، مصدگت لگيتچ، وين تردين تروحين،،، شلتهةفوتتهة طوارئ وميقبلون يستلمون الحالةالا ببلاغ من الشرطة، رائد:اني ضابط شرطة، بس انقذ زوجتي،، ها دكتور بشر،، شكو،،، سيادة الضابط،،مااعرف شااگلك،، بس ، بس شنو ؟ تعرف زوجتك تتعاطى،، هي مريضة ودتتعالج،، وتاركة صارشهر،، ياشهر،،سيدي،، زوجتك تاخذ جرعات ممتوقفة،، بس الظاهر هالمرة ثقلت بالجرعة ،، واتصور محاولة انتحار،، انت شدتحچي ، سيدي،،اني متاكد،،، محد يگدر يكون متاگد المدمن عندة طرقة الخاصة عمود يحصل الجرعة والظاهر اكو احد يساعدها عمود تحصلهم، طبعا لمكانة حضرتك ،،مرح افتح محضر بس زوجتك محتاجة موبس علاج من الادمان يحتاجلهة علاج نفسي،،، بالنهاية هاي محاولة انتحار ، وهاي مو اول مرة الظاهر محاولة تنتحر، اكو اثار قطع شراين باايدهة،، رباب ،،رادت تنتحر،، مستحيل سيدي ، اني ،،، سيادة الضابط اني علية گلتلك حاول تنتبه عالمريضة والي يزورها،، ماشي،،، تگدر تطلعها لان الصبح اذا شافها الطبيب رح يحيلها للشرطة،،، ماشي،، كملت اجراات شلتهة وطلعت ، رجعت للبيت لگيت امي نايمة وتنتظرنا خطية،، هاي يمة خيرها،،، روحي نامي يوم عدت سلامات،،، نومتها عالچرباية وشديتلها المغذي، نزعت هدومي ونمت بصفها، هي هاي الانسانة الي تمنيتهة من الدنيا ،، بين يوم وليلة كرهتني،، صارت تكره تشوفني حتى،،، حطيتهة بحضني، وبداخلي حتى لو كذب ، خل اقنع روحي ، تحبني، انسى كل ذيچ السنين واشتم عطرها بين ملابسي، طول الليل تفز وتحچي،، وتشد باايدهة ع ص*ري،،، والزم ايدهة،وتشد على ايدي اكثر،،، اي عذاب هذا العايشة ،، واتذكر ذيج الثواني، رباب: تعال هنا،، وين ،هنا جوا الشجرة عمود محد يشوفك،، وچ شبيج ، حرامي،، واختل،،، لا حلو ،،كلش،،خاف احد يشوفك،، لچ والله انتي مو صاحية،، واذا ماشافو شكو،، رائد لاتعاندني وصير حباب، شكو مبدل ، وكاشخ وعطرك واصل لراس الشارع وفاتح الدگم ومطلعلي ص*رك شنو،،،، كافي رباب ، ترة حيل ضحكيني انتي،، اكصة الچ اذا ميعجبچ،، لا بداعتي خلي ، رائد احبه،، غريبة انتي،،، شنو الغريب بالموضوع انت الرجال الاحبة والي رح يصير رجلي غير اگلك الاشياء الاحبهة ،، وشنو الاشياء التحبيهة بية ست رباب،،، رباب:تعرف اني مااحب الرياجيل الممسوحين متميزة مرة من رجال، شكلك هيبة ،وجسمك حلو مليان احس حضنك دافي،، تعاي احضنج لعد،،، رائد،، عيب ، شدسوي،، هو منو ديحرضني غيرچ انتي وحچيج هذا،،، بعد مااحچي،، لا احچي ،والله يصبرني،،، شواربك ، شبيهة محلوة،، لا تخبل لاتشيلهة،،، چنك ضابط بالداخلية هيبة وص*ر ديوان، مثل ميگولون،، دسكتي وستري علينا لحد يسمع،، يعني اقدم عسكرية شنو رايچ،،، لا رائد فدوة احنا يومية حروب واني مااريد افكر افقدك،،، شلون اهلچ يقبلون واحد مهتلف مثل حالتي،،، هم معليهم ، خل اتخرج ومحد الة علاقة بية، اني امي عدهة بيت بالموصل اول مااتخرج ناوية ابيعه وشوف شنسويلنا مشروع بي،،، رائد:لا ، رباب،، مااقبلها منچ،، اني مااحب اخذ فلوس مرة،،، ومنو گلك تاخذهة ،،،احنا رح نشغلها،، مو سيدتنا خديجة امنت رسول الله ع تجارتها،،، اني رح اامنك على مالي،، ورضيت بيك ،ومآمنة،، رائد:يعني انتي نسخة لامة كل شي، ساعة احسچ مخبلة،، خهههه، والله صدگي، ساعة رومانسية وحچي مال منحرفين،، هلو ،خلف الله عليك، وختمتيهة بحملة الايمانية،،حيرتيني،، رباب: مو صوچك ، صوجي اني،، حايرة بيك، تعالي ، تعالي حبيبتي لاتزعلين اني احبچ بكل تقلبااتچ، احبچ،،، جريت رباب وحظنتهة قوي، ونمت براحة وهي بين احضاني،،، رباب:گعدت الصبح لگيت روحي عايشة، ورائد گاعد يبدل ويمشط، زين شصار البارحة والحب البلعتة،،، رائد:واخيرا گعدتي،،، رباب:ردت اسوي روحي نايمة بس شافني بالمراية وانتبه،، ترة شفتچ بالمراية، ماكو داعي تضمين راسچ،،، ظليت ساكتة،،، رباب،،، منو انطاچ الحبوب،، انتي ليش سوين بروحچ هيچ،،اني جبتج هنا عمود تستعيدين حياتچ،، ورا مصيرين زينة اذا محبيتي ، تكملين وياي، براحتچ، ترة اني،،، رباب:اني ماانتظر عطف منك،،، منو گلچ اعطف عليچ،،، اني بس دا اكمل واجبي،، بس الخاطر الايام المضت،،، رباب: لسة مذكرها،، رائد:ومااگدر انساها ولاانسى العشتة بيهة، طلعت، وقفلت الباب وراية،،، نزلت ذكرت مااتريگت،،، امي خطية محضرة الهة،،، رجعت دا اصعد الصينية ، اول مفتحت الباب ، شفت باايدهة شي،، ربااااب، هاي شنو باايدچ، ولا شي ، شوفيني شنو باايدچ،، جريت ايدهة وشفت دتبلع حباية عوفني،، عوف ايدي ، لويت ايدهة،، مين جبتيهم، احچي،، معليك، بية،، دااسالج مين جبتيهم،، منو انطاج اياهم،، وبعد اكو ضامة ،، وين ضامة گلبت الغرفة لحد ملكيت اشرطة مضمومة بالكنتور،، لچ هاي شنو ،، ببيتي حاطة هذا السم واني اركض بنصاص الليالي، ولچ باعي احترمي روحچ ،لا وربچ ادخلچ الشماعية باايدي دتجيبيلي بلوة بيتي،، خرب بالحظ،،، رباب: رائد ،،رائد ،،،عوفهم الله يخليك مااگدر بلياهن،،، تگدرين،،، مااگدر فدوة رائد عوفهم الله يخليك ، ابوس ايدك، ابوس رجلك، عمري مشفتهة بهالذلة ابد اووف منچ يابنت الناس شسويتي بية،،، شسويتي بروحچ صار يومية نفس المنوال من اطلع ، وتظل تصيح وتضرب لحد ماتتعب وتنام وامي وابوية بدو يضايقون،، واني اروح شغلي تعبان وصار لازم اسوي اجراء احل هاي الازمة كلهة،،، للحكاية بقية،،،، ????? لاتنسون التصويت عالبارت واكيد اقرا تعليقاتكم وارائكم وكلي فرح عجبتكم

Free reading for new users

Scan code to download app

App Store Google Play

Facebookexpand_more