ALTHEA'S P.O.V
PAIKOT-IKOT ako sa buong bahay at hindi mapakali sa naiisip. Hanggang ngayon ay hindi pa ako nakakaisip ng magandang gawin para mapigilan ang pakikipagkita ni Alfie kay Barbie para sa dinner.
Napahinto naman ako bigla nang maisip na hindi pa iyon pinal. Tiyak na magpapaalam si Alfie sa Kuya niya bago ito sasama sa malanding babae na 'yon. Nasabi na kaya ni Barbie ang plano niya? Alam na kaya ni Kuya Andrie ang bagay na ito?
"Tala!" Napalingon ako sa tumawag sa akin. Kasalukuyang nasa gilid ako ng garden at nalilinis. Lumapit si Dads na may bitbit na isang regalo. Nakabihis pa ito at pormang-porma na tila aakyat ng ligaw.
"Dads, ayos ang porma natin ah! Saan ang lakad mo?"
Puring-puri pa ako sa butiting ito. Paano ba naman sa lakas lumamon e' nauuna palagi ang tiyan
