HULING gabi na nina Xander at Lianne sa Cebu, bukas pagkatapos ng convention ay dideretso na sila sa airport pabalik sa Maynila. Mag-a-alas-nuwebe pa lang, maaga silang naghapunan kanina at pagkatapos ay umuwi na sila. Niyaya ni Xander si Lianne na mamasyal kanina bago sila umuwi pero tumanggi ang babae at sinabing mas gusto nitong umuwi na lang at magpahinga.
Bumangon si Xander sa kama at naisabunot ang mga kamay sa kanyang buhok. Nahihirapan siyang makatulog dahil hindi naman siya sanay na maagang nagpapahinga. Maingat siyang lumabas ng kanyang silid upang hindi maabala si Lianne na nasa katapat lang ng silid niya. Nagpunta siya sa terrace, bitbit ang kanyang laptop. Doon na lang siya magpapalipas ng oras habang binabasa ang mga report na ipinadala sa kanya through e-mail ng mga tauhan
