"Nasaan si papa?" tanong ko nang mabungaran ko si Kathlene sa kusina habang gumagawa ng juice. Napatuon doon ang aking pansin ng mapansin kong tila napakapresentable ng pagkaka-ayos nito sa tray na hindi normal kung ito lamang ang iinom.
"O, hi! Nandito ka pala. Hindi ko alam na dumating ka." Sa halip ay turan nito at hindi sinagot ang aking tanong na agad ko namang ikinadama ng inis dahil para bang hindi ito isang kasambahay kung umasta sa harapan ko. Bago lamang ito sa pamamahay namin bilang kasambahay. Mahigit limang buwan pa lamang ito sa amin. Dinala ito rito ng aking ama mula sa resto bar at sinabing dito na sa bahay namin magtatrabaho bilang isang kasambahay. Isa itong waitress sa resto bar ng aking ama at sa puntong iyon ay hindi ko maisip kung bakit mas pinili nitong ipagpalit an
