TAHIMIK akong nakamasid sa daan na aming tinatahak. Hindi pamilyar sa akin ang daan. Tila malayo na ito sa siyudad. Mahigit dalawang oras na rin kaming nasa biyahe. Nararamdaman ko na rin ang gutom at pagod. Gustuhin ko mang magrekalmo ngunit hindi ko magawa dahil agad akong pinangungunahan ng hiya.
Mula pa kaninang umaga ay wala pa rin akong kinakain. Hindi ko na nagawa pang mag-almusal dahil sa mga taong dumating sa bahay. Hanggang sa dinala ako sa gusaling iyon ay hindi na ako nagkaroon pa ng pagkakataong kumain. At tanging tubig lamang ang sumayad sa aking sikmura.
Bahagya akong bumuntong hininga ng marinig ko ang pagkalam ng aking sikmura. Gutom na talaga ako. Pakiramdam ko nauubusan na rin ako ng lakas. Bakit ko ba kasi nararanasan ang lahat ng ito. Impit kong usal at manabuting ip
