“SIGURADO ka bang gusto mong sundan ang babaeng ‘yan, Bella?” tanong sa kaniya ni Sheena habang nakasunod sila sa sinasakyan ng babaeng hinihinala niyang nagbigay ng mga litrato sa kaniya. Bahagyan silang nakadistansiya sa jeep na sinasakyan nito dahil pahinto-hinto iyon at nagsasakay ng mga pasahero.
“Oo, hindi ako maaaring magkamali sa kutob ko, Sheena, siya talaga ‘yan,” buong tiwalang wika niya rito.
“No. Hindi naman ‘yon ang ibig kong sabihin, Bella, ang sinasabi ko, kung sakaling marami ngang nalalaman ‘yang babaeng ‘yan, handa ka na bang harapin ang buong katotohanan kung sakali? Kaya mo bang tanggapin lahat ng maririnig mo?” Hindi siya kaagad nakasagot sa tanong nito ngunit tinimbang niya kung ano nga ba talaga ang kaniyang nararamdaman.
“Hindi ako sigurado, Sheena, pero alam ko
