PABABA na si Bella ng hagdanan ng opisina nila Shawn ay nakaramdam siya muli ng pagkahilo, mabuti na lamang ay mabilis siyang nakahawak sa hawakan ng hagdanang iyon. Nanatili siyang nakahawak roon habang nakapikit hanggang sa tuluyang mawala ang kaniyang pagkahilo.
“Miss, okay ka lang?” narinig niyang tanong nang kung sino mula sa kaniyang likuran, itinaas lang niya ang kaniyang kanang kamay bilang sagot tanong nito na ayos lamang siya.
“Bella!” sa pagkakataong iyon tinig naman ni Sheena ang kaniyang narinig kaya dumilat siya at nag-angat ng tingin. “Okay ka lang ba?” nag-aalalang salubong nito sa kaniya. “Hindi na kasi ako sumunod sa loob, kaya bumaba na lang ako. Alam kong gusto mong makausap ng maayos ang babaeng iyon.”
“Nahilo lang ako, siguro dahil sa wala pa rin akong maayos na pa
