MAGDAMAG halos hindi rin nakatulog si Bella nang sa dahil mahihina at walang tigil na pagkatok ni Shawn sa kanilang pintuan. Alam niyang kailangan din niyang magpahinga para sa batang nasa sinapupunan niya. Alam niyang hindi nila masu-solusyonan ang problemang iyon kung hindi siya makikipag-usap ng maayos sa asawa ngunit kahit na anong gawin niya ay hindi niya ito kayang kausapin.
Pagbukas niya ng pintuan ng kanilang silid ay doon nakahiga si Shawn. Kaya maagang nasira ang kaniyang araw.
"Pwede ba, Shawn, tumayo ka riyan! Huwag mo akong dramahan ng ganiyan dahil hindi bagay sa 'yo!" galit na sigaw niya rito. Bumangon naman ito at agad na lumuhod sa kaniyang harapan.
"Bella, please naman! Alam ko sobrang laki ng kasalanan ko sa 'yo! Alam ko mahirap ibigay yung hinihingi ko pero pakiusap.
