ANALYN’s POV
“Kumusta ang tulog mo, hija?” nandito na kami sa dining table at magkakasabay na mag-breakfast.
“Okay naman po. Medyo maaga lang po nagising dahil ang aga pong nag-set ng alarm si A—Shador,” tiningnan ko pa itong katabi ko. Antipatiko sana ang sasabihin ko kaya lang masyadong kabastusan na kapag sa harapan ng kanyang magulang. Pasalamat siya at malaki respeto ko sa parents niya.
“Anong oras naka-set?” nag-alalang tanong nito.
“Alas kwatro po. Tapos nag-banyo po one and half hours po. Hindi ko po alam kung nanood po ng Netflix sa loob kaya dala pa ang phone,” nagtawanan sila sa sinabi ko.
“Baka naman may ka-video call,” tukso ni Ninong Shadon.
“Ah, pwede rin po. Kasi may tumatawag po kanina sa kanya si Samira po. Tama, Samira po ang name,” tugon ko sa sinabi ni Ninong Sh
