***
Mataas na ang sikat ng araw. Malaki ang pasasalamat ni Mia dahil sa kabila nito, naliliman siya ng matayog na puno ng Salibobog. Nang mapatingala siya, napansin niya ang pakikipagsayaw nito sa hangin. Gayondin ang pagdapo ng maliliit na ibon sa mga sanga nito.
Narito siya at nakaupo sa bench kung saan niya nakita si Kuya Eric noong nakaraan. Nagbabakasakali lang siyang muli itong makita roon.
Napalingon siya dahil sa mga napadaang estudyante. "I feel so bad about him. Napag-interesan na naman si Eric ng terror prof. na 'yon," wika ng babaeng estudyante na may bitbit na libro.
"Si Prof. Perez naman kasi, kahit sino ay pag-iinteresan. Mabuti, hindi ko na siya prof. dahil kapag nagkataon, mag-da-drop na lang ako. Hindi ko para tiisin ang ma-stress sa kanya," tugon ng k
