"Ano bang iniisip n'yo!?" bulyaw ni Prof. Jocelle Zamora. "Bakit kayo nagpunta roon at hinarap n'yo pa talaga ang suspek?" Bumaling sa kaniya ang nakapamaywang na propesora, "Mia, gusto kong makausap ang kuya mo. Naturingan siyang pulis, my gosh! Hindi ba siya nag-iisip?"
Iyon ang ibinungad sa kanila ng kanilang club advisor sa pagbabalik nito. Lahat sila na nasa computer lab, hindi nakatakas sa panenermon nito. Nakatayo ang core members at nakapalibot sa propesora.
Napapayuko man dahil sa pagkapahiya, may hindi naman nakatakas sa paningin ni Mia. Siniko niya si Angel at itinuro 'yon. Isang bagay na mukhang itinatago ni Proj. Jocelle sa suot nitong mahabang cardigan at scarf.
Napansin naman 'yon ng batang propesora. "Bakit, Mia?"
Si Angel ang sumagot, "Prof, tumaba ba ka
