***
Sakay ng mobile van, papasikat na ang ang haring araw habang binabagtas nila ang daan palabas ng Pulang-lupa. Si Francis ang nagmamaneho. Katabi nito si Rachel na mukhang tulog pa rin sa unahan. Kausap niya kanina si Angel pero tinulugan na siya nito. Naroon din si Nick at nahihimbing sa pinakadulo.
Normal ang pagkakaayos ng mga upuan sa van, kaya ngayon ay narito si Mia nakaupo sa likod ng driver's seat at nakatingin sa labas ng bintana.
Parang napakamatiwasay ng lahat. Malayang lumilipad ang grupo ng mga ibon sa himpapawid, sa ibaba mismo ng malawak na palayan. Katulad ng mga tao sa probinsiya, wala ring kaalam-alam ang mga ito sa trahedyang naganap kagabi at nitong mga nagdaang gabi.
Ngayong nagkaroon na ng pagkakakilanlan ang babaeng natagpuan sa Canava River--walang iba kundi
