"Anong nangyari?" usal ng tinig ni Angel mula sa earpiece.
Hindi naman makatugon sina Mia at Francis nang matanaw nilang nagsidatingan ang ilang police mobile car at isang motorsiklo. Kaagad 'yong pumarada sa tapat ng ancestral house at mula roon, nasibabaan ang mga pulis na bitbit ang kanilang mga baril.
Maliksi ngunit maingat ang kilos ng mga ito. At ayon sa nasisilip ni Mia mula sa binoculars na may night vision, pinangungunahan ang mga ito ng kapatid.
"Hoy, bakit ayaw n'yong sumagot? May nangyari ba?" wika ni Rachel sa iritableng tinig.
"May narinig kaming putok ng baril," tugon ni Francis.
"Ano!?" bulalas ni Angel.
"Francis, bumalik na kayo rito," pahayag ni Rachel na mukhang naghuhurumentado na naman.
Dahil wala na silang magagawa roon, mukhang kaila
