**********
Timothy
**********
Dinala sila ng ginang sa may katamtamang laki na tanggapan. Maaliwalas sa lugar dahil sa mga bintanang salamin kung saan matatanaw ang napakagandang hardin sa labas. At base sa obserbasyon ni Timothy, nasisiguro niyang ang malawak na taniman ng bulaklak ay nakita na niya sa post ng isa sa mga biktima.
Matapos sabihan ang empleyado na dalhan sila ng maiinom, pinaupo na sila ng babae sa sopa para kausapin.
Hindi na nagpatumpik-tumpik si Timothy at ipinakita ang dalang larawan. "Sinabi po ng empleyado ninyo na may ganito kayong silid sa lugar na ito."
Tiningnan 'yon ng ginang at mapapansin ang pagkabigla sa mga mata nito. "Ito ang dating kuwarto ni Mama. Saan n'yo nakuha ito?"
"Natatandaan n'yo po ba sila? Sila po ang apat na biktimang nawa
