"Nakita mo ba kung sino ang pumatay sa mag-ama mo?"
Wala sa sarili kong hinarap ang mga kapulisan. Sinusubukan nila akong kunan ng statement pero hindi ko magawang sumagot nang maayos dahil lumilipad kung saan ang isipan ko. Hindi ko pa rin matanggap ang nangyari sa mag-ama ko. My mind refuses to accept their death. Sa isip ko'y buhay pa sila; na natutulog lang sila.
"Misis, kailangan naming makuha ang statement mo para mapabilis ang imbestigasyon," tila inip at inis na sabi ng nag-i-interview sa akin. "Sabihin mo sa amin kung alam mo ba kung sino ang pumatay sa asawa't anak mo."
"Hindi," tipid kong sagot.
Pakiramdam ko'y mahihilo ako. Nabibingi ako sa tunog ng sirena ng ambulansya at ng police mobile. Nabibingi ako sa mga boses sa isipan ko; sa sigaw at hinagpis ng puso ko.
"Hindi
