Adelina's Point of View
Halos mabingi ako sa lakas ng kabog ng aking dibdib. Kulang na lang ay lumabas ang puso ko sa mismong bibig ko. Kanina pa tila may kung anong nakabara sa lalamunan ko na kahit anong lunok ang aking gawin ay hindi maalis-alis.
Gusto kong bumangon at magtungo sa kung nasaan si Amadeo ngayon, pero hindi ko magawa-gawa dahil sa pesteng sugat sa tiyan ko.
Hindi ko alam kung anong pakay ni Boss Maximo rito pero masama ang kutob ko. Hindi ako mapakali.
Paano kung pangunahan niya ako?
Paano kung siya mismo ang magsabi kay Amadeo tungkol sa pagkatao ko?
Pero hindi niya naman siguro ibubuking ang sarili niya, 'di ba?
Pero may posibilidad din na ibahin niya ang storya. Siya lang ang nakakakilala sa akin. Pwede niyang sabihin kay Amadeo na isa akong assassin pero wala
