MAX
“Lapitan mo na. Suki na iyan dito. Malalaki magbigay ang matandang iyan, tiba-tiba ka riyan. kapag nagustuhan ka niya, maaari mo pa siyang maging regular na costumer,” sulsol sa akin ng babaeng lumapit sa akin.
Napatingin ako sa kaniya habang may dala akong bilog na tray, pero wala naman na iyong lamang alak dahil kabibigay ko pa lang naman sa isang table. Makapal ang lipstick nito, medyo mababa at maganda ang katawan, iyon nga lang, gaya ni Suzy, kulang na lang ay maghubad na lang din ito sa suot niya.
Alam kong hindi normal na bar o club itong pinasok ko ngayong gabi. Dahil nakita ko kanina na may cards na kailangan kang ipakita bago makapasok. Malaki ang lugar at maraming VIP room, at halatang mayayaman at kilalang mga tao ang nandito. Hindi nga ako sigurado kung legal ba ito, pe
