WARREN
Tumingin ako sa paligid. Nandito ako sa High Street Bar, kasalukuyan akong umiinom. Wala pang masyadong tao dahil maagap.
Pumasok ako sa isang room at doon ako uminom na mag-isa. Dati sama-sama kami rito pero busy na ang mga kaibigan ko, si Six sa pag-aalaga sa anak niya, si Enzo naman ay alam kong susulpot lang iyon kung kailan niya gusto habang si Winston, tatlong buwang walang malay.
Bukas ay babalik na sa bansa si Winston. Nagkamalay na siya at pinipilit niyang umuwi na kahit hindi pa siya magaling nang malaman niyang wala na si George.
Dinalaw ko siya sa Spain at talagang malala ang tama niya dahil sa aksidente. Hindi ko na rin sinabi kay Max ang kalagayan niya. Alam kong sinisi rin niya ang sarili niya sa pagkawala ni George at sigurado akong mag-aalala siya kapag nalaman
