DMITRY
Gusto kong suntukin ang sarili ko dahil sa hindi ko maipaliwanag na dahilan. Ano ba itong nararamdaman ko na hindi naman dapat at wala naman sa plano? Hindi naman pinaplano ito ngunit ngayon lang ako nakaramdam ng ganito at hindi ko gusto. Hindi ko siya matiis at mas lalo lamang akong nahihirapan sa tuwing nagdedesisyon ako na iwasan siya. Nao bang mayroon ka Victoria na wala sa iba? Isang buwan at higit na kaming magkakilala ngunit hindi ko inaasahan na magiging ganito ang pakikitungo ko sa kaniya na una pa lang noon ay hindi naman kasama sa aking mga plano at tila ngayon ay ako pa mismo ang matatalisod sa mga ginawa kong mga hakbang.
Ako naman kasi ang nag-umpisa ng lahat na noong umpisa ay katuwaan lang naman ngunit ako rin pala ang naging katawa-tawa sa huli. Kung susumahin n
