مجموعه قصص

الجزء الثالث

مع كان البررررد .. و تخشاات فنموسيتها و فرااشها ..تن*دااات و داااز كووولشي من جديد قداام عينيهاااا .. تفكرات سميتو .. او لقبو!! «الكوبرا» الهيبة و الترعيدة لي ترعدوووها قداام وقفتوو غريييبة .. حسات بييه ملك فمملكتوو شي حاجة بزااف على السلطة و الجبروووت كوولشي ترعععد منوو .. تفكرات فاش قال لها اتصلي بيا.. هزات تيليفوونها ركبات فيه لاكارط .. و شعلاتو

سجلات رقمو وتصلات بييه ..

أحلام ..الو خويا السلام عليكم

الكوبرا.... عليكم السلام شكون معايا!؟ " كان جالس في كرسو وفجنبوو كلب من نووع بيتبوول " ..

احلام .. انا د*ك البنت اللي رجعتي ليها التيليفون اليوم !

الكوبرا.... ااه اهلا ختي وصلتي مزيان !؟ وصلك حتال الدار!؟

أحلام ..اه بيخير الحمد لله ربي يخليك ..وي وصلني كيف قلتي ليه ..

الكوبرا ..احم زيان .. "سكت شوية ورجع دوا "..باقا فيك شي خلعة..

احلام ..ههه مانعاودش ليك مت بالخلعة الصراحة كون ما نتا معرفتش شنو كنت اندير .. حتى البوليس ما عتقووني ..كي مشات عندهم قالو لي نتي لي تتعيقي بيه و هضرة اوخرى خلاص بلا منقولها ..

الكوبرا .. بيادق ..ولاد الكلب هادوك يهوود مارانااش عايشين مع مسلمين ..

أحلام..اودي الله يسمح ليهم ..تيتخلصو و مديرينش خدمتهم ....

الكوبرا ....لقيتي داار مخلووعين حيت تعطلتي

احلام... ... بزااف و بابا كثرر قال لي اذا تعطلت مرة اخراا غايحبسني من الخدمة .. اصلا كون قلت ليهم هادشي لي وقع ليا اليووم مستحيل كانو يخلووني نعتب باب د*ك الخدمة ابداا .. ...

الكوبرا .. من حقهم يخافو عليك ..صعيب الحال .. الوقت خيابت هانتي تتشوفي اش طرا ليك اليوم ..و اصلا نتي ااش دخلك لدرب الطاليان .. ماعارفاش اش تيطرا تم ولا كيفاش ..!

أحلام .. لا .. انا راه مكنتش عارفة داك الدرب اصلا .. انا تشفرت فالشااريع .. و داك الدري لي لي عندو اعااقة هو لي وصلني لعندكم ..

كوبرا .. مهم حاولي ماتخرجيش بوحدك فد*ك الوقت .. و الى كااع وليتي تعطلتي كان عليك تعيطي لباك يد*ك ..

أحلام .. بصح عندك الحق .. المهم بغيت نشكرك بزاااف حيت لي درتيه معايا مااشي اي واحد يديرو ..

الكوبرا .. مكين لاش تشكريني .. واجب عليا... نشوف الظلم و نسكت هادي ماشي من عوايد الكوبرا .. الى بغا يتقااوا يتقاواا على گرانو .. ماشي على البناات ..ولكن ااش غانقولو مراجلش ..

احلام .. المهم تيليفوني رجع هه .بعد هادشي كامل عشتو ليوم..."تن*دات ".. و كون ما نتا كانو يقطعوني لداك الدرب ..

الكوبرا .. " قهقه برجولية" .. داك الدرب مدامني حاكموو دخلي و تخرجي ليه ملكة حد ما يوصلك ولا يقول ليك شحال فالساعة ..

أحلام .. ههه ربي يخلييك ..

الكوبرا ..لدابا مزال ما عرفت سميتك!!

احلام .. امم سميتي احلام .. و نتا!؟

الكوبرا .. سليماان .. متشرفين احلام ..

احلام ..الشرف ليا الصراحة ..

الكوبرا... فين تتسكني احلام ؟؟

أحلام .. انا ساكنة فسيدي عثمان .. .. بعيدة على الخدمة ديالي داكشي علاش تنلقى مشكل فالطرونسبور ..

الكوبرا .. اممم فين خدامة

أحلام .. خدامة فدارة الثقافة

الكوبرا .. امم مزيان الالة ..

.....

على هذا النحو كمل التعارف ديال ابطالنا و استمر حذيثهم حتال ٤:٠٠ تالصبااح .. مع انها خداامة و غاتفيق بكري لكن مملاتش من الحذيث معاه ... يمكن حيت هو داك البطل المغواار لي رد لها التيليفون ديالها .. يمكن حيت لقات الأمان فاللحظة لي كانت فيها معاه .. كولشي ممكن ..

مزال الخير القدام ومزال معرفنا كيفاش غتكون حياة هاد الزووج ..واكيد جاي الخير اللي من وراه الشر هووما وحظهم شكون يغلب الخيير او الشر ..

كيقوولو عيش صباحك على انك شخص سعيد ..افرح و لا تفكر فالذي مضى .. اصنع من الصبااح غيمة رضا تحوطك و تنسيك كل شيء يوجع ... داكشي لي دارت بطلتنااا .. فااقت و خذاات جرعة السعاادة كيف تنسميوها .. و لي هي القهوة .. قررااات ان دااكشي لي وقع الباارح ماخصوووش يأثر عليها بالع** خصها تحط بين عينيها ان لولى الله عز وجل لي وقف ليها ولاد الحلال قدامها كاانت ماغاترجعش التيليفون ديالها .. ابتسمات وهبطات عند الام ديالها لي كانت مدهية فالفطور ..

أحلام .. صباح الحب يا نبع الحب .."حتات عليها ببوووسة لراسها"

الأم ... صباح الخييير ابنتي .. سيري تفطري بقا الحليب يفيض و نجيبو ليك ..

أحلام ... ماعليش انا غادي نكمل القهوة ديالي مافياا لي يغلق ..

الأم .. علاش ماغاداش للخدمة!!!

أحلام .. ويلي اماما على ماغادااش .. غادية فير بغيت نبقى خفيفة .." هزات شوية تالباريزيان دهناتو بالشكلاط و كلاتو بالقنوة ديالها ." .. بابا فينو!! شفتو مافاقش ..

الأم .. لالا فاق و خرج قبل ماتفيقي نتي ..

أحلام ..امم واخة .. نمشي نغسل سناني ..و نبدل عليا ..

الام .. سيري الله يرضي عليك ..

اتجهات احلام للدوش حكات سنيناتها عاد خرجات لبيتها .. لبسات عليها سروال أ**د و تريكو صوف لاسقة عليها بالكول تا هي بالأ**د ..معااهم مونطو فالبيج ..و لاحت على عنقها شال بنفس لون .. هنا تفكرات الشاال لي رمى عليها الكوبرا .. طلعات عينها للعلاقة و مشات قاستو .. ابتسماات و رجعات لبسات مونطو و ف*جليها بوط طوال فوق الركبة فالأ**د بلا حلفااات لا مزال لبسات الطاالون .. شعرها خلاتو مطلوق و دارت نضيضرات لونهم اورونج بارد ..خلات وجهها طبيعي كيف ما هو ما زادت عليهوحتى حاجة ..

هزات صاكها دارت فيه تيليفونها و مستلزماتها ..رشات بارفانها و ونزلات لعند الأم ديالها ..

أحلام ..ماما هاني مشيت ..

الأم .. الله يعاونك ابنتي و يرضي عليك ..عنداك تعطلي تاني ..

أحلام ..واخة حبيبتي ..

مشات باستها و خرجات ديريكت شدات طا**ي لخدمتها .. مشات لبوسطها بقات خدامة تاا تماات جاية عندها سهام ..

سهام .. صبااح النوور .." تسالمو بالحناك .."

أحلام .. صباح الحب يا الحب ..

سهام ..كي ديرة ..! ..يا ختي منعاااودش ليك على التكرفيصة و كي مشيت الباارح لداار كي القط .. كلي نقطر يخليييها خدمة ..

أحلام ..الى ماعشتيش فييلم كيف لي عشت انا متقووليييش لراسك راك تكرفصتي ..عرفتي شنو هو فيييلم وااافيييلم ميريكااني مزال

سهام...ويلي اش طرا ؟؟

أحلام ..علاه يا الحبيبة ماشي الباارح تشفر ليا تيليفون ..

سهام ..اويليييي" شافت فيديها" .. و داك لي شادة فيد*ك شناهو؟؟

احلام ..هاني جايااك للهضرة يا ختي

سهام ..اوا دوييي خلااص..

أحلام.. اوا يا لالة ..الباارح فاش كنت تنتسنى الطرونسبوور .. واحد الشمكاار طير ليا التيليفون .. مشيت لبوسط البوليس بغيت ند*كلاري .. خلاو فياا غا لي نساو قالك حقا ما حقااا نتووما تتجبدووه باغيين تعيقوو و فاش تگريساو تجيو تبرزطونا حنا .. لا حقااا لابسة الرووومي ..

سهام ... ويلي حي يغرق لبووهم الشقف اواا!!

احلام .. اوا ..مشيت تكوانيت فشي كراساا كنبكي و نووح على موصيبتي و شوية هاهو واحد الولد جاي عندي .. عندو شي اعاقة المهم ممزگيش سوا فالمشية ولا حتى النطق و الحركات .. المهم سولني مالك وعودت ليه اش طراا وهو يجرني معاه تال درب الطالياان

سهام...."خرجات عينيها "...شناهوااا

احلام ......ايااه و غيير صفر ياختي تجمعو كاع الشمااكرية ديال كازاا تما بلت فسرواالي .. حق الله الى بلت ديال بصح تخلللعت يا ختي هنا قلت صاافي هادي ااخرة الطيراان ديالي اليووم يغتصبووني و يقطعووني طراااف ..

سهام .." ندبت حناكها " اويييلي على درب الطالياان .. غا سيدي و مولاي لي تيدخل ليه و يخرج ساالم .. من نيتك تي غا لي جرك تبعييه ..

احلام ..تي سكتي خليني ندوي ..

سهام..." حطات يدها على فمها"..هاهي ساكته ..احلام .. اييييواا ما غايجي غيير واحد المگلضم .. اي غانقوول ليك .. طوول بعرض بارتفاع .. بحال داكشي دالافلام الامريكية .. داكشي ديال المافيااا يديه كااع واشمهم .. انا بقيت غا كنشووف .. عيني تقلبوو .. لابس سورفيت كحلة و دير القب غير حيد القب باان ليا وجهو مزياان .. على مزيناتو راجل ..و ملقبيينو الكووبرا مكين غا هز الكوبرا حط الكووبرا.. جا عندي قال ليا مالك .. و الصووت يا حرش من الصوورة ..

سهام .. "حلات فمها " واش تطنزي عليا!! ولا من نيتك ..

احلام يعطيني موصيبة ماكادبة عليك .. ويلي و الله تا بصح ..

سهام.... اوا كملي ..."حطات يدها على خدها" ..

عودت ليه مالي قربل دنيا وجلسها .. و ر باشاارة منوو جاابو الشفاار تال عندو و عطاني التيليفوون ديالي ..

سهام .. هاااحح. .. هادشي مجهاااد

احلام ..بلاتي نزيدك و خرجني من الدرب شد ليا طا**ي وخلصو ووصاه و قبل من هادشي قال لي شدي نمرتي و اذا وصلتي صوني عليا طمنيني عليك .. اوا يا الحبيبة كي وصلت لقيت بابا و ماما ديريين عليا حااالة بقاتت لهم غااا مختفوون ..فكيت معااهم و مشيت اتصلت بيه بقيتا بالهضرة حتى للربعة تالصبااح ضرييف مسكيين ..

سهام .. يا ختي ولد الناااس .. على سلااامتك انا بلاصتك نموووت عرفتي د*ك الدرب الحفيييض الله و صاافي .. ربي ستر ..

احلام ..وايه يا ختي ..الحمد لله ..ربي وقف ليا داك ولد الحلال قداامي كونوما هو كون مشا تيليفووون و تا انا كون راني مشيت ..

سهام .." ناضت وقفات" .. هاي هاييي .. يا ختي مابقيناش ساهلين ..عندااك تولي تبغييه اشويطينه ..

احلام .. ويلي السيد عاوني واش غا لي عاوني نبغيييه

سعام .. اممم اوا انا غادية نكمل خدمتي ..

أحلام ...سيري سيري..

خرجات سهام و خلاتها تتفكر حتى الخدمة مابقاتش ركزات فيها بسبب أحذااث الباارح كل شوية تيرجع ليها داكشي وقع لبين عينيها .. شافت السااعة لقااتها قربات تناش هزات تيليفونها و كتبات ليه ميساج ..

«صباح النور .. نتمنى تكون بيخير »......

#يتبع

#الجزء_الثالث

خرجات سهام وخلاتها تتفکر حتی الخدمه مبقاتش رکزاات فیها بسبب احذاث البارح کل شویه کیرجع السیناریو بین عینیها شافت السااعه لقااتها قرباات التناش هزات تلیفوونهاا وکتبات لیه میسااج ..

" صباح النوور ، نتمنی تکون بیخیر ".....

شافت المسااج وحطاات تلیفوونها حداها ورجعاات کملات خدمتهاا مااهي الا دقایق ورجع لیهاا ال SMS

" نحمدووا ونتي لباس علیک !! کي بقیتي من الخلعه "

ابتسمات لا ارادیااا وجوباتو..

" الخلعه البارح فااتتنی ..والفضل یرجع لیک "...

بقاات شااده تلیفون وکل مره تشعلوو مستنیااه یجااوبهاا ...

" هادشی لی بغیینا...رااک فالخدمه ؟"..

- " ااه ..عاد کملت دابا عندي بريك غنمشي نتغذى ونرجع تاني نخدم...." ..

- " ممكن نتشااوفو ملي تسالي خدمتك ، نديرو شي كافي نطمن عليك بنفسي كيبقيتي من لبارح "

عضات على شفتها و حطات التيليفون .. ناضت وقفات و تقابلات مع السرجم ماعرفات ما تقول ليه .. !! واش تقبل ولا ماتقبلش خصوصا انوو شخص غريييب علييها .. يعني اول لقااء ليهم الباارح من الطبيعي تخااف .. ولكن ااينفوا تفكراات ردود فعلو الباارح وهو غرييب لكن أمن عليها و ما خلا تاوحد يقرب ليها .. و دار لي مكانش ملزوون انو يديرو .. بدوون تردد رجعات هزات التيليفوون..

-"داكوغ ..نتلاقاو فاش نخرج بالعشية من ااخدمة ."

-«وا عليه .. مشات .. العشية تلقايني تنتسنااك »

سالااات معااه الهضرة و رجعات لخدمتها .....اما هو كان مزالو في فرااشو لاح عليه المانطة ولبس في رجليه دخل الحمام غسل ورجع لبیتو هز جواان کماااه تاا سمع دقان ومن وراه تحل لباب ...

- سلیماااان وااش مزاال نااعس .." قربات من جهه بیتو لقااتو جالس کیکمی..."...صباح لخیرر ...

الکووبرا....." طفی جوان بایدیه ".....اش خاصک الوالیده دیک سااع عیطی غا فی تلیفوون لاش طاالعه تاال لفووق....

ملییکة......" نفساات الشرجم وحیدات الخامیه مخلیه البرد یدخل ".....فین عمرک جاوبتی علییه بعدا ، نزل تفطر راه علاین لغدااا ...

الکووبرا...." وقف بدا یجبد فی حواایجو "...لوالید نزل المحل

ملیکة......گول قرب یسدو یالله الله رضی علی ولدي نزل راني مطیبه لیک دجاج بزیتوون کیف کتبغي ..

الکوبرا......متجي فین توصلي لتحت الوالیده تلقاینی حدااک ...

الدار ديال العائلة كانت على شكل زوج ديور حدا بعض ومتکونین من ثلاث طبقات کانو على شكل باطيمة .. و كااملة وحدة مفتووحة على الأوخرى و وااخدة شكل دار وحدة .. الطبقة الاولی کانت تاع الاب دیالو وخواتاتو وهی طبقه لی کیجلسو فیها بزااف.....اما الثاانیه فهي ديال الكووبرااا .. كيريح فيها يتستوونا و يااخد راحتو و ينعس فيها طبعا ..الطبقة الخرة كاااملة على شكل صالوناات مفتووحين على بعض داار تقلييدية و شكلها غريب نوعا ماا لأنهم فاتحينها كاملة .. الصاالوناات ديريينهم بالتقلييدي و اللفرااش على حقوو و طرييقو . لي شااف د*ك الداار يقوول هادي محاال تكوون فهاد المكاان ..ااش جااب لجاااب و هي يرمح فييها الخيييل .

" نزلات موو ووراها بدل حواایجوو ونزل تبعهاا کب لیه کاس اتاي هزو فی ایدو وهبط عند باه لمحل خداا كرسيه وجلس...

الکووبرا...."دایر رجل علی رجل "....کیغاادا الخدمه الحاج....!

عبد العزیز.....مزیاانه اولدي ميلقاوش حسن منا هناا...

الكوبرا...." حرك ليه راسو بمعنى مزياان ...

عبد العزيز .....ونتااا اشنو عفا الله عما سلف ..

الكوبرا.... هادا جهد الواليد تناش العام تاع الغربة باراكا عليا...نرجع نقابل مشرووعي ونجيبوو دراهم بالحلال ...

عبد العزيز......طلعات ليك طااليان في رااسك...

الكوبرا...." شعل گاروه "....سمح لیا ابا عزوز غنتکیف حدااک ولکن هاد الموضووع بذات ضروري ماندوزو بجوان....

عبد العزیز...."مد ایدیه "...ارا معاک شی واحد...." شعلو نثر منو نثرات وعطا لیه "

الکووبرا .....فاش کنا کنهضرو الوالید ...

عبد العزیز....فی الغربه اولدي...

الکوبرا...."کحکح وتکلم "... شتي الغربه بحر كحل معندو ساس ماليه راس..... وحنش طوييييييبل كل ما كتقول قربت نوصل لراسو كيخرج ليك طرف براس جديد ومكاين غير حل واحد لبغيتي تفوتو وتركب عليه... يا المافيا والغبره لحشيش الشراب ... يا الارهاب وداعش

عبد العزیز........ لهاد درجه اولدي هیا گاع لی مشاو تما ودارو لباس من طریق لعوجه...

الكوبرا......"قوس عینیه "...مااشی کلشی وانما اغلبیتهم وانا منهم .....

" قاطع کلامهم ختو منزله بلاطو فیه طبسیل مرقه والخبز مداتو لباها "...

صفااء....." الأخت الصغرى للكووبرا "...هاک ابابا وقالت ليكم ماما طلعو تغداو ...

الكوبرا......"وقف لاح كتافو على ختوو " ...معااش دااخلة نتي ...

صفااء....تال ربعة اخوويا ..." عندها الباكالوريا هاد لعام "....

الکوبرا ....کاینه شی قراایا ولا واالو ?...

" نطق باه ".....هادیک هی ولقراایا خاطاان متقاطعاان....

صفاء ...."بدات تنثر "...واصافي ابا معندي مندیر بشي قراایة اخرتهاا نهبط عندک لمحل نخدم معاااک ....

" هربات کتجری انفوا شافت سلیمان هز ایدیه "...

الکوبرا...."بدا یضحک "....هانتا کنتي باغي دري اخور من غیري عطاه لیک الله فصفة بنتک ...

عبد العزیز......ههههه اخرة المسران اش ندیرو لیها...زید زید طلع قبل متلووح مک الغدا من شرجم راک عارفها الا طلع لیها طونسیوو.....

صفااء ااخر العنقوود .. تمنطاش عام .. كاتقرا فالبااك .. شخصية مرحة و غا كتنقز وااخة غليووضة ...و تابعااها شيمااء .. كبر منها .. عندها خمسة و عشرين سنة .. و مخطووبة براجل خداام مع الأب ديالها فالمحل ديالووو ..أما سمااح لكووبراا تيجي بعد منها .. هي الكبييرة فعمرها ثلاثين سنة .. عايشة فامرييكااا و مزوجة أجنبي لباااااس عليه هادي هي اسرتو الصغيره بعد مو وباه ....سلیماان کانو هو الابن الوحید لییهم کان ملک اسرتهم وهو كلشي عندهم

دازت دیك العشية عندها غير خدمة فخدمة .. حتى وصلا 18:30 .. خرجات هي و صاحبتها مشااديين بحكم انه شهر ١١ كين البرد بزااف و الشتاا تتنقطط .. ديجا كانت خبراتها طبعا انه الكوبرا غايكوون تيتسنااها .. .. يالله وقفات فالشااريع كان مقاابل معاااها .. سينا عليهم بالهاامر دياللوو صغرات عينيها تتحقق فييه حتى قشعااتو واش هو لابس قبية كحلة و دير القب كيف العادة و فووقها كويرة .. شير لها براسو كان خرج وقف قدام اللوطو كروازاا رجليه و تيشوووووف فيها سااارح حتى وصلو للبلاصة فين غايقطعوو ..و هو يشير ليها بيديه باش تبقى .. قطع لعندها .. و مكشر كيف عادتوو لكن نضرات عيوونو كانت هاديية ...

الكوبرا . احلام .." مد ليها يديه يسلم عليها ..

احلام.."بابتساامة عريييضة على وجهها كي شافتو .

سلماات " ..صافااا اخويااا لباس علييك

الكوبرا ..بيخير عاد الساعة.." شاف جهة سهام لي كانت سااهية و تترمش فيه عينيها" ..

احلام....احم.. " نغزاتها"..هادي صاحبتي سهام ..

الكوبرا .." شافیها بالنص "..متشرفين ..يالله طلعو قبل متتجهد شتا

احلام ..اوكي ..

تحركو معاه ركباات هي حداه و سهاام اللور ..كان غاادي مكالمي و حاضيها بنص عين و السقييل حتى نطق اخييرا ..

الكوبرا .. نمشيو نشربو شي كافي!!

احلام .. امم .. واخة .. بالحق منوعطلوش عافااك ..

الكوبرا .." غمزها " ماشي قهوة لي غاتعطلنا .. غانوصلك تال باب داركم ..

احلام .. واخة خويا .. ?

اتجهوو لفينيزيا أيس لي كانت نيت على طريقهم جلسو فالكافي .. طلبات هي هووت تشوكليط و صاحبتها بحالها اما هو خدا ليه كاافي نواار .. بقاو كيدويو عادي و اغلب هضرتهم على الباارح كيف دااز .. و خصووصا انو مكانش مرتااح فوجوود صاحبتها واخة قال لها الدنيا هادنية بالحق كاان باغي يتلاقاا بيها بووحدهاا ..

..؟..

مشات د*ك الليلة للداار نااشطة .. هاد المقاابلة معااه جاتها بفايدة ..عجبها الحال بزااف ..تتشوف فيه هو تيهضر فيه بزااف تالحواايج مختلفين .. ردات البال للوشم لي مغطي يديه .. هاذا غير لي بااين فييه اما لي مغطي ربي عاالم بييه .. بعد ما وصلو سهااام .. وصلها حتى هي و ما مشااا حتى اطمأن عليها انها دخلات و سداات الباب و هاد الليلة حتى هي فحال لي قبل منها ..بقات معااه على الايسيميس .. حتاااال وقت متأخر من الليل .. و هكذا طول يووم كيفوووت .. كل نهارتيتكرر نفس الشيء ..ولات عادة معتاادة عندها انها تصيفط لييه SMS فاااخر الليل ولا يتصل بيها تعااود لييه على نهاارها و دائمة جملة وحدة على لساانو .. واش تعرض ليك شي حد؟؟ ياكما دوا معااك شي حد!! ياكما ضسر عليك شي حد!!؟

غرقققها باهتامامو بيها .. و هي طوووول هاد المدة لي كانت شهر تقرييبا .. و هي تتعااملو كأخ .. بالنسبة ليها هو داك الشخص لي ماغايتعووضش و مابااغااش تخسرو .. دائما على لساانها فكل مكاالمة .. وي خويا .. نعاام خوياا .. خويا فكل ميساااج .. لمدة شهر و هووما مشااعرهم تتحرك فالخفااء .. هو الكووبرا .. لي مكيرحمش .. اي حاجة عندو مبااحة ..الرحمة ماعارفااش طريق لقلبوو .. لكن بالرغم من هادشي كاامل .. مع احلام تيولي سليماان الحنين ..!! مكيبقااش ليييه علااقة بالكووبرا نهائياااا .. بداا قلبوو يتحرك بعد ما كاان سااكن .. بداا قلبو يحس بنبضاات و خفقاات مختلفة على لي كيحتوووه على العيش.. بداا قلبوو كيعرف معنى الاشتياااق لشخص معين..بعد ما كاان كيشتااق فغربتوو للام ديالو فقط ..و هذااا هوو لب كانقووولو علييه تيدخل للقلووب بدوون استأذاان ..

كلمة خويااا مرضاتو بالبيااان خصوصاا انو كيحااول يضهر مشاعروو .بقاا صااابر حتاال النهاار لي قرر يسولها و يقدم خطوة للقداام ...اتصل بيها كان الليل و يالله تخشاات فبلاصتها ..هزات التيليفوون و جاوبااتو ..

أحلام ..اهلاا ..كي دير اخااي. صافا ..

الكوبرا .." سمع خاي و كشر ..هاد الكلمة تتقتلو ..تتمرضوو ..تتعصبووو" ....الحمدلله و نتي صافا!!

احلام.. الحمد لله..

الكوبرا ..احم.

اش بان ليك نتلاقاو شحال ماتشاوفناا ..شهر و الزيادة ..

احلام .. امم ااش انقوول لييك اخووويااا ..

الكوبرا.. "بان الانفعال من صوتو" مااخوووكش انا..افف .. احلام واش بصح تتشووفيني غيييير خووك !؟

احلام ..اا .." شوكاها بالسؤال ديالو .."

الكوبرا ..جاااوبي معاك داوي .

احلام ..ااااش غانقوول ليك معرفتش ..علاش تتسول نتا هاد الأسئلة

الكوبرا .. جاوبي على هضرتي !!!

احلام ..اش غانقوول ليك ..نتا واحد الانساان لي عندو معزة كبيييرة فقلبي هكذا علاش تنقول ليك خوويااا ..

الكوبرا ....اوووووك سيري تنعسي اختيييي ... " قالها معصب و ض*ب تيليفونو مع الأرض تا تشتت " ..

اما احلام بقات غا تتشووف و ضووور فعينيها .. حيداات التيليفوون من ودنيها و شاافت فيه موووووووودة عاد حطااتو فوق الكوافوز .. و جمعات شعرها بيديها للور ..تن*دات و تخشاات فبلاصتها تكمشاات على وضعية الجنين من البرد لي كاان .. و من حتى برد مشااعرها لي حساات بيه .. جاها سلووك سليماان غرييب .. كيفاش كان مزياان معاها هاد المدة كااملة حتى جا دقة وحدة كيسولها وااش تيعني لييها غيير أخ فقط .. و هي بماا انها شاافت فييه الأخ و الحاامي لييها بقااات على دااك المنوااال ماغاديش تنكر انوو تيعجبها .. اي وحدة ممكن تعجب بييه .. كاريزما و حضوور قوووي .. وساامة و شخصية تخ*ف .. اكيد غايعجبها .. غمضااات عينيها و غفااات بدوون ماتحااول تتصل بييه مرة اخرى .. حيت حسااتو تعصب و لقات انها تخلييه مع رااسو حتى بيرك و تتكلم معاه الغد لييه ..

....

في اليووم الثاالي فااقت احلاام .. دارت روتينها الصبااحي .. غسلات وجهها و توضاات صلااات و لبسات حوايجها لي كانو عباارة عن سورفيت كلاس فالأ**د مع سباادري تا هي فالأ**د فيها نجيمات بالفضي .. و لبسات عليهم جاكيط ديال الكوري قصيرة .. جمعات شعرها ذ*ل حصاان و خلاات وجهها طبييعي بدوون اي مكياااج لأنها من عشاااقي الطبييعي .. ماعندهااش مع الميك اب بزاااف .. هزات صااكها و نزلات فطرات ودعات الأم ديالهااا و اتجهاات ديريكت لخدمتها ..تلاقاات بسهااام ..بدااو تاني حت حت كيف القعييدة .. عاد مشااو يشووفو خدمتهم .. الصبااح كاملوو دوزاااتو ممرتاحاااش كانت ضاانة انه غايرجع يتكلم معاها. لكن خااب ضنها .. ماحاشااهاش لبها بالمفهووم ديالنا ..خلاها منشوورة .. حتى ميساج هو اللخر ماا وصلها منوو هادشي كلوو داااز فبااالها و هي غااافلة على انوو هرس التيليفووون و حتى لا پيييس تا هي .. فوقت الغداا خرجات تغداات مع سهاام عاوداات ليها شنوو طرااا ..

أحلام ..اوا اااش باان ليك فهادشي لي عاودت ليك!!

سهام .. لي باان ليا احبيبتي هو انه هاد الأخ الملقب بالكوبرا مزعووط فييك بالعربية التاااعراابت طااح فييك ..

احلام .. ههههننن مم نيتك؟؟ ويلي على طاااح فيا .. يشويني فييك .. فهاد المدة القصيرة طااح فيا؟؟؟

سهام .. شهر!!! شهر كاامل و مدة قصيييرة يا مفترية حرااام عليييكيي ..

احلام ..ههه معرفتش .. زعما ممكن!؟

سهام .. " تتاااكل و تدوي" .. ممكن و نص احبيبة و علاش لي ميطييحش .. زين هاهو .. لاطااي هاهي.. اوا تواتيتوو ..

أحلام .. تطنزي علياا ياااك!! كيفاش تواااتينااا شفتيني مزوجة بييه .. السيد عااوني .. و صاافي الله يعااون العاونااات لاش غانبرزط راسي بييه هو الى بغا يدوي معايا راه غايتصل!! شنو لي غايقلقووو؟؟ اني نقوول ليه خوووياا!! اااش غانقوول ليه مثلااا؟؟

سهام .." طيحاات راسها .."يخوي ليك الضرااس و الجناااب مع الركااابي .. اختي دااك السيد لي نتي تتقوولي ليييه خويااا وحدة اخرااا تشد فيييه شدة العماا فالظلمة و تجيييب الطباالة و الغياااطة و تقووول لهم كاان هنااا ..تي نعلي شيييطااان و دوي مع السيد ..

احلام... " عضات على شفتها " .. زعما ندوي معاه عادي!!!

سهام .. حبيبة احلام ..عطيني نمرتو ؟؟

احلام .." ههههههههههه " هزلت الصااك بغات تشير عليها بلعاني" .. اوا الله يمسخك ههه" ..

سهام .. اوا مابغيتيييهش اختي صدقة صدقة في الأقربين اولى!!

احلام .. دابا الى اتصلت بييه ااش غانقووول ليه؟؟

سهاام .. هو لي غايقوول ليك ابب ..

احلام ..عرفتي شنووو ..." هزات تيليفووونها .." ..انا غانصيفط لو ميساااج .. نقوولو صبااح الخير .. و كأن شيئا لم يكن ..

سهام ..هانتي بديتي تتفكري العشرة ....

خذات تيليفووونها و كتباات لوو ميسااج كيف كل صباااح ..

«صباح الخير سليماان .. كي صبحتي!!»...

صيفطاات ميسااج و حطات الفوون قداامها ..كل شوية تتطللل علييه وااش جااوب ولا لااا ..عياااات تتسنى و الكووبرا عمروو دارها و تعطل على شي ميساااج من احلااام ..بدااا يطلللع ليها الدم .. كي رجعااات لخدمتها .. ضوراات لنمرتووو ولكن تصدمااات من العلبة الصوتية .. اتصلااات مرة و زوووج و ثلاااثة .. ولكن لااا مجيييب غير صوووت العلبة ..

" مخاطبكم مشغوول أو خااارج نطااق التغطية "

احلام .." فنفسها" .. زعما يكوون تقلق مني!!! زعماا يكووون تقلق حيت تنقووول لييه خويااا!!! .. ولكن من ديييما كنت تنقوولها لييه اش لي تغير دابا!!! ولكن هو من اول لقااء حبسسس كلمة ختي من فموو!!! زعما يكوون معجب بيااا!!!

نفخااات و صاااطت بدااات تتهز فالكتوووبة و تحط و ض*ب بالستيلووياااات بين صباااعها و كل شوية تتحااول تتصل بييه و وااالو .. لااا مجيييب .. تيليفووونو طاافي .. مادااازت د*ك العشية حتى غفر ليها ربي ما تقدم من ذنبها و ما تاخر .. مشات منرفزة و طاالع ليها الدم يوم كاامل بدوون ميسااج من الكووبرااا بدوون اتصااال منووو كانوشي حاااجة لي ولفااتها فهاد الأيااام و تسلباات منها في يوووم واااحد ..

اتجهاات ديريكت لدارهم طااالع ليها الدم و مكشكشة بالبياان .. و مع الدخلة .. القت السلام و كانت ماشية ديريييكت لبيييتها حتى وقفها باهااا بكلاامو

محمد .." الأب " .. أحلام .. اجي ابنتي عندي موضووع بااغي ندوي معااك فييه ..

حناات الرااس و اتجهات لعندو باست ليه يدو ...ريحاات حدااه و علام الاستفهااام على وجهها ..

أحلام .. نعام ابابا!؟

#يتبع ..

يا ترىىىى يااا هل تررىىىىى فاااش بغاهااا باهااا?#توقعاتكم....

#الجزء_الرابع

أحلام.... نعام أبابا ..!! فاش بغيتيني

محمد .. المهم ابنتي .. خصك توجدي راسك .. و توجدي مع مامتك الرحيل من غدا غاتبداو تجمعوه .. مابقى لينا والو و نخويو هاد الدار ..

احلام: " عينيها خرجووو من الصدمه" .. كيفااااشش!!؟ ياك قلتي ليا عندنا عام عاد نرحلو!!

محمد: هادشي لي عط الله .."هز يديه للفوق" .. مور ما توفى الحاج .. الورثة عطاونا مهلة علم .. ولكن ولدهم جاي من فرانسا ق**ح .. و مكيتفاهمش .. بغا دار رااه اش نقول ليه ماعنديش؟! و نتي عارفاني كااري غا بالكلمة من الحاج الله يرحمو .. ما ممكاتب معاه ماعاطيني توصيل ..

احلام: ويلي ابابا فين غانمشيو و الدار مزال ما كملات ..

فاطمة: "الام" .. غانمشيو عند خوك .. راك عارفة حدا الدار ديالنا ..

احلام: "شدات فراسها".. الله يعطيه موصيبة مالو زربان.. مزال ما مستعدين نرحلو ..

محمد: اش عندك ما توجدي غاتجلسي مع ماماك تجمعو الرحيل و هذا ما كان و أنا غانخلص الناس لي غايهزوه و نخلص الكاميو و يعلم الله شحال من فياج غايهز و الطريق بعيدة ..

احلام: ولكن ابابا انا راه خدامة داكشي علاش ممستعداش للرحيل .. الخدمة مزيرة عندي مااشي وقت ما بغيتش نمنك..

محمد: د*ك الخدمة غير نساايها .. ماتبقايش ذكريها ليا حنا فين و الخدمة فين ..

احلام .."كأنه دلق عليها دلو مااء" .. كيي.. كيفاش .. لالا ميمكنش ابابا.. ميمكنش تحبسني من الخدمة ..!! انا مابااغاش نجلس فالدار ..

محمد: "ناض وقف".. الهضرة لي عندي راكي قلتها .. المشيا للخدمة من اليوم نسايها مسحيها من بالك ..

احلام .. ولكن ..

قبل ما تكمل كلامها انصرف و خلاها منشورة ..تتشوف فين حتى غبر و هي تشوف فالام ديالها ..

احلام .. واش بابا من نيتو!!!

فاطمة: احلام .. بنتي غاتلقاي خدمة فبلاصة اخرى قريبة و حسن من هاااد*ك كااع.. مكين لااش تقلقي .. حنا غانمشيو لدارنا خصك تفرحيي ملكنا و حد ما يتجمل علينا .. نوضي تعشاي نوضي ..

احلام: نتي مافاهمة والو اماما والو .. ماباغاش نتعشا العشا لي بقى لطاسيلتي ..

ناضت لبيتها تنطر و تنفخ و تصوط.. ما عاجبها حال هي نيت كاانت معصبة و كمل عليها باها بهاد الخبر ديالو.. هزات تيليفونها و اتصلات بسهام بكات عليها حتى تفشات .. و كي قطعات معاها دورات للنمرة ديال سليمان ولكن نفس الرد .. لا مجيبد .. غير العلبة الصوتية .. حطات تيليفونها و بدلات حوايجها عاد مشات تنعس بلا خاطر ...

......

داكشي لي بغا الاب ديالها هو لي كان .. ماتلاتش عتبات د*ك الخدمة .. تدهات هي و الأم ديالها فالرحيل و كييف اي وحدة تتبغي ترحل تتجبد الماعن كااملين تغسلهم ..داكشي لي دارت فاطمة .. تعاونوو على المااعن كاع غسلووهم و غلفوو ديال الزاج و لي غايتهرسو بالجورنال .. و الباقي جمعووه فالكراطن .. ثلااث أياام كااملة دوزااتهاا احلااام فالرحيل و الشقا دياللو .. و مرة مرة .. تهز التيليفون و تتصل بيه لكن لا مجيب .. تقلقات علييه بزاف ولكن ماكرهاتش يبان يقول ليها واخا غا السلام و يمشي .. و مع ذلك ما يأساتش و كل نهار تتصيفط ليه لي مييساج ..واخة متيجاوبش ..

كملو الرحيل و داه الأب ديالها سد عليه فالگراج ديال دارهم ..عاد رجع دااهم بالاوطو ديالووو لدار خوها ..لي كاان تيسكن فالقدس .. جنب الدار نيت ديالهم لي بناو.. كي دخلو لقاو .." مريم " الزوجة ديال خالد محضرة ليهم ما لد و طاب من الشهيوات .. تعشاو و جلسو فالصالون كيشربو اتاي ..

مريم: " حطات الصينية".. مرحبا بيكم.. شحال هادي ماتجمعنا ..من العيد يمكن ..

خالد: وايه من العيد ..

فاطمة: ههههه دابااا مطلعو لكم فالراس و تجريو علينا غا بلاتي ..

خالد: حاشى الواليدة .. ماعاش لي يجري عليك و ولدك فالحياة.. الى مهزااتك الارض نهزك فوق الراس ..

فاطمة: الله يرضي عليك اولدي.. يرضي علييكم كاملين يا ربي ..

محمد: انا قلت ليكم ندخلو لدارنا مابقى ليها والو و تكمل غير الفينيسيون .. ماكاملة تا خمسطااش يوم.. و مابغيتوش.. هههههه

خالد: وايلي الواليد تا نتا ما هضرة ما والو هادي ..لاش والدينا حنا

فاطمة: اوا هانتاا سمع على ودنيك قلت ليك انا ولدي ميفوتنيش ..

محمد: اوا الله يرضي عليك اولدي.. تا حنا ماغانتقلوش عليكم بزاف ..

خالد .. اودي غير تقلو براحتكم .."مد يدو عنكش لأحلام شعرها .. ياك لبااس !! مالك ساكتة .. و نافخة علينا قناانفك .. !!

احلام: "ابتسمات ليه بلا خاطر".. والو غير العيا

محمد: هاد*ك غضبانه حيت حبستها من الخدمة ..

خالد: وايلي!!

محمد: البعد بزاف و كيخرجونم معطلين .. منقدرش نغامر ببنتي راك عارف ااش كيطراا ..

احلام: راني كبيرة و بعقلي ابابا ..

محمد .. ماقلناشااي .. نتي بعقلك .. كين لي مابعقلوش .. و متهور ..

فاطمة: " طبطبات على كتفها".. الوقت خيابت ابنتي ..

خالد: "جرها لعندو باس ليها راسها" ..انا نضبر ليك الخايبة على خدمة حداك.. ياك بغيت غا تخدمي ..!!

احلام: "عنقاتو و زيرااات عليه".. الله يخليك ليا خويا حبيبي ..

مريم: اوا هانتي شكون بحالك يا لالة.. الخدمة غاتجيك تال عندك ..

احلام: هههه واييه ولكن خصني وقت طوييل باش نتأقلم مع الوضع .. هنا فالقدس ..

مريم: احبيبة هنا منطقة زينة و نقية دغيا غايعجبك الحال ..

فاطمة: قوليها ليها ..يا ختي انا رتاحيت مع الدخلة ..

مريم: اوا حلومة .. كين شي عريس شي راجل فالطريق ..?..

احلام: "زنگاتها قدام خوها و باها" .. لا مكين والو ..ناشفة

مريم .."حطات يد على يد" .. اوا يعطييهم العما هاد الرجال..

احلام .. هههههه غير خليهم ..ماخاصنيش اختي .. لا اريد من ذلك ..عييت .. بغيت نعس .. عطيني شي بيت نحط فيه عضامي الله يسهل عليك اختي ..

مريم: و حنا عاد بغينا نسهرو ويلي ويلي على الشيبانية ..

احلام: احياني مدازش عليك مداز عليا يا ختي .. دارت ليا فاطمة العقوبة ..

مريم .. ولاش تصلاحي هههه ..زيدي زيدي ..

جرات الفاليز ديالها و طلعات تبعات أحلام للطبقة الثانية حيت الداار كانت فيها زوج طبقات عاد السطح .. طبقة ساكنين فيها. و طبقة تيخليوها للضيااف سوا عائلتو سوا عائلتها ..ديما د*ك الدار مفرشة و مقادة .. دخلات احلام للغرفة لي موالفة تيعطيوها ليها فاش تتجي تبات عندهم ولا تزورهم .. و كيف بدلات حوايجها و ت**لات فووق النموسية تتفكر فحياتها لي تقلباات من نهار تشفر ليها الفون و من نهار بان الكووبرا.. ولات فشي شكل على عوايدها ..ولفاتو لدرجة هاد الأيام لي غبر عليها فيهم .. ولات عصبية و موحشاه بزاف. . موحشة كلامو و هضرتو ..أسئلتو ليها و خوفو عليها لي كيبان من نبرة صوتو .. الغبرة لي غبر عليها خلاتها تولي بلا خاطر .. يا ترى هل طرق الحب باب قلبها ام خلعه .. !؟

.........