┈┈┈┈◦•✩•◦┈┈┈┈
"Woah! Totoo? Nakaharap mo na ang iyong anak?" Gulat na gulat na tanong ni Josh. Ang ngiti ni Calix ay hindi mawala sa kanyang labi. Sobrang saya niya, at ang nangyari kahapon na maghapon niyang nakasama ang kanyang mag-ina, ay labis na kaligayahan ang dulot nito sa kanya.
"Oo bro, sobrang saya ko. Nagtungo ako ng Antipolo kahapon upang magdasal at humingi ng tawad sa mga nagawa ko kay Amy at sa pag-iwan ko sa kanya, pero si Calixto at si Amy ang isinagot sa akin ng Panginoon. Nanduon sila sa simbahan, kung saan ako nagpunta. Sa unang pagkakataon, nayakap ko ang anak ko. Nahalikan ko ang anak ko at tinawag niya akong papa. Kilala niya ako, kilalang-kilala ako ng anak ko, Josh." Naluluhang sabi ni Calix. Sa labis na katuwaan ni Josh ay niyakap niya ang matalik niyang kaibi
