┈┈┈┈◦•✩•◦┈┈┈┈
Nagpaalam muna si Amy kay Calix na uuwi siya sandali para kuhanin ang mga gamit nila ng anak niya. Bago siya umalis, iniwan muna niya si Calixto sa ama nito, pero napag-usapan na nila nang maayos ng kanyang anak kagabi pa na huwag na huwag nitong babanggitin kahit ano kay Calix tungkol sa kanyang Lolo Wilbert, sa Tita Terra niya, o sa mga Tito Papa niya. Gusto niyang manatiling tahimik muna ang lahat hanggang sa ang pinuno na niya mismo ang magpakilala sa mga ito... at kung kailan 'yon mangyayari ay hindi niya alam. Sumusunod lamang siya na hindi pa dapat malaman ng mga taga Venum kung ano ang ugnayan niya sa Black Serpents.
Hindi naman niya masyadong poproblemahin ang tungkol sa Antipolo dahil alam naman kasi niya na wala pa namang gaanong alam si Calixto tungkol sa mga l
