Azriel's PoV
Makalipas ang dalawang araw pagkaalis ni Alette ay nanatili kami sa loob ng bahay. At ngayong araw ang oras nang aming pag-alis. Sabay sabay kaming tatlo na babalik sa Litri. Hindi ko man tanungin si Vera ay alam kong nais rin niyang bumalik roon lalo pa't nalaman niyang buhay pa ang kanyang ate at nais niya itong ipaalam kay Sin, ang matalik niyang kaibigan sa Litri.
Habang si Rini naman ay nais ring makita ang kapatid na si Denn na kasalukuyang nakatira ngayon sa Litri. Sa totoo lang ay nakakamangha ang tadhana na magkapatid ang dalawa. Hindi ko naisip na may kapatid pala si Rini.
Hindi rin kami nagtagal at lumabas na rin upang sumakay ng flying taxi. Habang nasa byahe ay nakatanaw lamang ako sa ibaba.Eto rin ang kaparehong tanawin na nakita ni Alette matapos niyang uma
