LUISEE
Mahigit dalawang oras na ako sa internet shop ay hindi parin ako tapos sa aking ginagawa. Kinakabahan ako dahil baka hindi magkasya ang perang dala ko. Sapat lang iyon pambayad sa tatlong oras na kalkula ko para matapos ang research na ginagawa ko.
Humugot ako ng malalim na buntong-hininga. Nakapangalumbaba na bahagya kong nilapit ang mukha sa screen ng computer. Kinurap-kurap ko ang aking mga mata. Medyo humahapdi na rin ang mata ko dahil sa dalawang oras na pagtutok sa computer.
Naisip ko bigla si nanay. Marahil kung nandito siya ay tutulungan niya ako. Pero dahil ito ang pinili kong kurso ay kailangan kayanin ko ito ng mag-isa. Mahirap pero alang-alang sa pangarap ay kakayanin ko.
Tumuwid ako ng upo at bumuga ng hangin. Tinutok kong muli ang aking atensyon sa ginagawa. Mab
