ISANG mabigat na buntong-hininga ang pinakawalan ni Henri habang nakatitig sa kasintahanang mahimbing nang natutulog.
Buong ingat niyang hinaplos ang makinis at magandang mukha nito. Hanggang sa bigyan niya ito ng marahang halik sa tuktok ng noo.
Sa kabila nang kagaguhang ipinadala sa kanya ni Joven, hinding-hindi niya ito paniniwalaan - may tiwala siya kay Elena na hindi ito magluluko sa kanya.
Alam niya at ramdam niya kung gaano siya nito kamahal. Hindi niya hahayaang masira ang relasyon nilang dalawa, dahil sa walang k'wentang litratong ipinadala nito sa kanya!
Sa sobrang galit ni Henri dahil sa ipinadalang mensahe nito, walang takot na sinugod niya ito sa mismong pamamahay nito.
Bugbog saradong iniwan niya itong nakahandusay sa sahig kasama ang mga walang k'wentang tauhan nito.
