إمرأه قوية

الجزء العشرون

بعد ماهبه اتكلمت مع قاسم في موضوع زميلها الي عايز يرتبط بيها وهو رحب ووافق لما لاقاها ليها الغرض محبش يرفض يحبطها وحب انها تجرب وتخوض التجربه مش هتخسر ولو خسرت اكيد هتتعلم .. فعلا خلص يومهم علي كده وهي دخلت اوضتها وأعدت تفكر في الي هي هببته وحست انها بتدبس وهتلبس في حيطه بس هي موجوعه من أحمد وجواها نار وحاسه ان ليها طار ومش هتاخدة الا بالطريقه دي .. نادية بتتكلم مع قاسم قولي بقي كان في ايه بينك وبين بنتك مخبينه عليا بقيت اخر من يعلم أنا صح مابقاش ليا لازمه شكرا دي اخرتها يعني .. لا ياست الكل والله ابدا انتي الخير كله بتاعتنا ربنا يخليكي وبعدين ما انتو بتقعدو سوا ومش بتكلم خالص بس عموما ياستي روحي اعملي لنا كوبايتين عصير نروق اعصابنا واقولك علي رواقه... ياسلام بس كده علي عيني ياخويا احلي كوبايه عصير تستاهل بؤك... وراحت نادية علي المطبخ وعملت عصير برتقال ليها وللبنات ولقاسم ودخلت لكل واحده اوضتها وطلعت لقاسم البلكونه اتفضل بقي ياسيدي العصير اهو ياريت اعرف في ايه ... بصي بقي بنتك كبرت وهتبقي عروسه كمان ... طب ما انا بنتي ست العرايس فعلا ايه الجديد ... لا الجديد هتبقي عروسه بجد وجايلها عريس كمان وجاي يوم الخميس يتكلم ويتفق ويتعرف عليهم ويتعرفو عليه... اخس عليك ياقاسم خبر زي ده ياخويا ما تقولش تفرحني كده والله زعلانه منك .. ياستي كنت هقولك اكيد وانتي هيستخبي عليكي حاجه يعني ههههه ده انتي زي أمن الدوله عارفة كل حاجه كبيره وصغيره .هههههه بتتريق عليا يا قاسم وهو انا يعني ليا مين غيركم عشان اعرف اخباره ما انتو عزوتي وأهلي وحته مني يهمني اطمن عليكم كلكم .. ربنا يخليكي ياست الستات وتعيشي لحد ما يبقي عندك الف سنه .. ويطولي في عمرك يا ابو البنات ويفرحك بيهم يارب وتطمن عليهم ... يارب نفسي والله الواحد ما يغطيش عنيه التراب الا لما يطمن علي البنات دي غلابه مالهمش حد وربنا يوعدهم برجاله تحافظ عليهم ... اه صدقت يا قاسم والله . يلا بينا ننام بقي عشان خلاص مش قادر افتح عنيا ... سلامه عنيك ياحبيبي ماشي يلا هدخل اطمن علي هبه وهاله واجيلك ... طيب لو صاحين خليهم ينامو عشان يصحو بدري ... حاضر... راحت تبص علي هبه لقيتها نايمه . لكن هي في الحقيقه مكنتش نايمه هي عامله نفسها نايمه غمضت عنيها اول ماحست الباب بيتفتح راحت نادية مقربه عليها غطتها كويس وباستها من راسها وطفت النور وطلعت

راحت تبص علي هاله كانت نايمه فعلا .. اتأكد من انها متغطيه كويس وراحت قافله الباب وطالعه راحت علي اوضتها ... لقيت قاسم نام غطته كويس وطبطبت عليه ودعيتله ولفت الناحيه التانيه من السرير عشان تنام طول عمرها بتخاف تنام من بره وبتحب تنام من جمي الحيطه حتي بعد ما كبرت ... عدا اليوم ونامو كلهم هما مبسوطين بأن بنتهم هتتخطب وبنتهم حزينه وقلبها موجوع وده كان أول احساس وحش يلمس قلبها او احساس يلوث قلبها النضيف ويسبب في شرخ هتفضل فكراه طول عمرها . هاله نايمه بتفكر في يوم دراستها لسه مافيش وراها غير المذاكرة والمدرسة وبس ... وطلع نهار يوم جديد علي بيت قاسم وكل واحد بيعمل الروتين اليومي بتاعه الي بياخد شاور عشان يروح الشغل والي بتجهز عشان باص المدرسه والي عايزه تنزل تلحق تا**ي قبل الزحمه عشان توصل الجامعه بدري هي بتحب تبقي ملتزمه ... قاسم نزل وركب عربيه الشغل لانه هو بينزل بدري عنهم هاله كانت بتلبس وبتحضر حاجتها ونادية بتجهز الفطار عشان ياكلو مع بعض قبل ما يمشو فطرت هاله والباص وصل وفضل يزمر لحد ما نزلت ومامتها واختها بصين عليها من البلكونه لحد ما مشيت .. ودخلو يكملو فطار لكن هبه سرحانه ... نادية سألتها مالك سرحانه في ايه الي واخد عقلك ... هاه بتكلميني ياماما .. هاه كمان ده انتي مش هنا خالص ده انا بتكلم بقالي ساعه يابنتي مالك مش عجباني انتي اليومين دول في حاجه مزعلاكي متضايقه من ايه يابنتي قوليلي يمكن اريحك انا ... راحت معيطة.. لا يابنتي دموعك غاليه اوعي تعيطي علي حد .. مش علي حد ... امال ايه الي انتي فيه ده ... علي نفسي ياماما زعلانه اني ع**طه ويضحك عليا وزعلانه اني هعمل الي هعملها ده وهوافق بزميلي.. ايه ده يعني انتي مش عايزاه وزميلك ده مش احمد الي حكيتي عنه ... لا ياأمي زميلي ده معايا طالب زي لكن احمد معيد بيدرسلنا ياماما طيب وراح فين احمد ... واحد ياماما جالي الجامعه ووراني صور لي مع بنات كتير ... وهو عامل محترم وانا صدقت ... هو وعدك بحاجه ياهبه .. لا ياماما بس كلامه كان تلميحات..وكان مستني ارد عليه لو عندي استعداد اقبل اننا نرتبط .. وانتي ياهبه حسيتي ايه وازي كل ده يدور بينكم اصلا وازي تخبي عني يابنتي انا امك انصحك اقولك اعملي ده صح وده غلط زعلتيني منك مش مفروض تعملي كده .... ماما انا اسفه وغلطانه لكن غصب عني في حاجه كانت بتشدني لي وحاسه قلبي مرتاح لكن الصور الي شوفتها قادت في قلبي نار .. بعد الشر علي قلبك من النار ياقلب امك ماتقوليش كده بس عايزه اقولك حاجه اوعي تصدقي اي حاجه تتقال او تشوفيها من غير ماتسمعي من صاحب المشكله هو انتي ضامنه الي قالك واثقه في تعرفيه اصلا ... لا ياماما والله ابدا .. ياحبيبتي مش بكدبك انا عارفه انتي ماتعرفيش عشان كده بقولك لازم تبقي واثقه في الي بينقلك الكلام ده حرام اوعي تظلمي الا اما تسمعي من الطرف التاني ... اصلا ياماما مش بيجي من يومها معرفش ليه وانا اكيد مش هسال عليه ويلا بقي مش هتفرق كده كده المنيسي هيجي هو وأهله يتعرفو .. ماتعمليش حاجه مش علي هواكي.. ياماما خلاص انا اتكلمت مع بابا عايزاني ارجع في كلامي ويقول عيله ولا بلعب بي ... خلاص خلي كل حاجه تمشي زي ماهي ولما يجو انا هتصرف .. ههههه ناويه علي ايه يانادية ... بس يابت يلا قومي هتتاخري اوعي يابنتي تعملي حاجه تندمي عليها ... ربنا معايا بقي ياماما يلا عايزه حاجه ... لا ياحبيبتي عايزه سلامتك علي مهلك ربنا يوصلك بالسلامه خدي بالك من نفسك يابنتي ... حاضر يا ماما يلا ياحبيبتي سلام .. وكانت متعوده تطلع تبص عليها من البلكونه.. وعملت لها باي باي وطلعت بره الشارع خالص .. عشان تطلع للعمومي وتركب تا**ي وهي واقفه مستنيه لقت المنيسي داخل عليها بعربيته.. بس هي رفضت تركب معاه وقالتله ماينفعش دلوقتي خالص بعدين لما تتم الخطوبه وبعدين كلها النهارده وبكره هتيجي عن اذنك بقي عشان هتأخر .. هبه ركبت اول تا**ي قا**ها وكان صاحبه راجل كبير شافها سرحانه وقلقانه وفجاءه قالها مالك يابنتي شايله هم كده ليه .. هاه ايه ياعمو بتقول حاجه .. ماتسرحيش يابنتي انتي لسه صغيره العمر والحياه قدامك طويله ماتتعبيش نفسك في التفكير من دلوقتي خلي كل حاجه لوقتها وكان راجل بشوش ومحترم وسنه اكبر من ابوها فا اتكلمت معاه طول الطريق ووسط كلامه كأنه بيقولها حلول لمشاكلها ..اوعي يا انسه تصدقي الناس وخلاص كدبي عنيكي وودانك لحد ماتتاكدي واوعي يابنتي تحاسبي حد علي ماضيه دايما ركزي في الحاضر كلنا عندنا ماضي سواء حلو او وحش لكن لا مفر منه هو جزء من حياتنا فا بلاش تبقي ودانيه عشان ماتخسريش مسيرك تكبري وتفتحي بيت وهتبقي مسئوله عن زوج واولاد مش لازم تسمحي لحد يدمر حياتك بكلامه .. انت صح ياعمو شكرا جدا ليك واسفه صدعتك .. لا يابنتي ربنا يريح قلبك وبالك انتي زي بناتي ربنا يسترها عليكي وعليهم ... يارب ياعمر شكرا اوووي اتفضل الحساب ... خلي طيب .. لا كتر الف خيرك عن اذن حضرتك .. اتفضلي يابنتي ربنا يبارك في تربيتك .. وصلت هبه قدام باب الجامعه ودخلت طوالي علي مدرجها دخل دكتور وشرح واتكلم كتير معاهم والي عنده سؤال قاله والدكتور رد عليه ودخل بعدها دكتور تاني وبرضه شرح وعملهم امتحان صغير مفاجئ ورغم كل الي هبه كانت في حلت كويس واجابتها كلها صح وخلصو وطلع الدكتور ده ودخلت دكتوره مكان احمد وعرفتهم بنفسها وانها مكانه لحد ما يرجع من الاجازه عشان والدته تعبانه .... هبه حاولت تتماسك وحاولت تدور علي رقم احمد مع اي حد او تعرف المستشفي فين في حاجه جواها قالتلها روحيله خليكي معاه ... وفعلا بعد وقت كتير عرفت توصل لمكان المستشفي وخلصت وراحت ركبت اقرب تا**ي وطول الطريق مش عارفه هي رايحه ليه وبصفه ايه اساسا لكن هي عايزه تطمن عليه... وفعلا وصلت ودخلت الريسبشن وسألت عن والده الدكتور أحمد جلال .. ووصفولها مكانه فين عند العنايه المركزه ... طلعت وهي كل حته فيها بتترعش ومش عارفه ايه هيتقال في المقا**ه دي ... دخلت عليه لقيته اعد في الاستراحه بتاعه العنايه وقدامه فنجان قهوة وساندوتش لسه ما جاش جمبه واعد سرحان ودقنه كبيره وبنفس هدومه الي مشي بيها اخر مره شافته فيها.. دخلت سحبت الكرسي وقعدت قدامه ... ازيك يادكتور الف سلامه علي ماما حضرتك... ايه ده هبه بجد انتي هنا انا مش مصدق نفسي ولا عنيا وفجاءه ابتسم ابتسامه لكن مليانه حزن علي حال مامته .. انا اسفه اني جيت لو ضايقتك... ضايقتيني ايه بس ده انا كنت محتاج النظره دي بقالي كام يوم محروم منها كنت محتاج طاقه عشان انا طاقتي خلصت ودموعه نزلت .. فجاءه بدون ماتشعر ولا تركز بالي بتعمله حركت ايديها وحطتها علي ايديه وطبطبت عليها بتحاول تطمنه والايد التانيه راحت ناحيه خده عشان تمسح دموعه حاولت تقوله اطمن بكره هتبقي زي الفل وكويسه ربنا كبير ومش هيزعلك مسك ايديها وطبع عليها بوسه صغيره لكنها فاقت وايديها علي شفايفه سحبت ايديها فجاءه وقامت ولسه هتقوله انا اسفه مش عارفه ازي ده حصل لكن جت الممرضه يا دكتور احمد يا دكتور احمد تعالي بسرعه هو فكر ان مامته جرالها حاجه اتخض وض*بات قلبه زادت من الخوف والرعب ان ممكن مامته تكون ماتت سالها بسرعه في ايه حصل ايه امي مالها .. تعالي يا دكتور الحاجه فاقت وبتسال عنك كمان . بتقولي ايه ماما فاقت واتكلمت وكمان سألت عليا بجد .. اه والله يا دكتور تعالي.. بدون مقدمات حضن هبه وقالها وشك حلو عليا انا بحبك اوي هي تنحت من الحضن المفاجئ ده

وفاقت علي الكلمه الي قالها بحبك اوي يا هبه . قالتله ايه بعدين سحب ايديها وجري بيها علي جوا العنايه يشوف مامته اول مادخل نزل علي ركبه لمستوى ايديها وباسها حمدالله علي سلامتك ياست الكل كل ده بعيد عني وحشتيني ... ياحبيبي وانت وحشتني هو حصل ايه يابني انا كنت كويسه مش فاكره غير اني كلمتك وبعد كده محستش بالدنيا ... ولا حاجه ياستي انسي بقي المهم انك بقيتي كويسه وفوقتي انا كنت هموت والله من غيرك .. بعد الشر يانور عيني ربنا يخليك وافرح بيك يارب ويطمن قلبي عليك ... بص لهبه وقالها يارب ياأمي. بعدين قالتله مين يا واد البنت الحلوه دي .. دي طالبه عندي ياماما هتبقي أشهر دكتوره ان شاء الله انا متوقع ده ... قربي يابنت ياحلوه انتي تعالي هنا . اسمك ايه .. اسمي هبه يا طنط ... اسمك جميل زيك .. ربنا يخليكي يا طنط ربنا يقومك بالسلامه وحمدالله انك فوقتي... صحيح ياماما اشكري ربنا واشكري هبه وشها حلو عليكي اول ماجت الممرضه قالتلي انك فوقتي ... هي وشها حلو يابني وبشوش وشكلها متربيه كويس ربنا يسعدك يابنتي .. شكرا يا طنط استأذن انا واسيبك ترتاحي واكيد هاجي اشوفك تاني .. تنوري يابنتي .. روح يا احمد وصلها هتسيبها لوحدها ... طلعو بره .. قالتله انا اسفه اني ممكن اكون سببتلك احراج مع طنط لكن جيت اطمن عليك قبل ما يبقي ماينفعش حتي أقف اسلم عليك.. ايه بتقولي ايه ليه الكلام ده انا كلها يومين وراجع بس اطمن علي ماما بقت كويسه وارجع ... لا انا قري فتحتي بكره ... ايه بتقولي ايه ياهبه ازي ده انتي اتجننتي .. لا انت الي كدبت عليا يا دكتور فكرتني عيله وهتضحك عليا وتفهمني انك بريئ ومالكش في حركات الشباب اليومين دول .. ايه الكلام ده مش فاهم حاجة ممكن توضحي كلامك انتي شايفه الوضع عامل ازي ... مش هينفع خلاص مش هيفيد بحاجه وهتسيبه وتمشي .. مسكها من دراعها لو سمحتي استني ماتسبنيش كده وتمشي .. احمد من فضلك عايزه امشي كفايه كده انا جيت وشوفتك اطمنت عليك عشان مش هينفع يحصل بعد كده .. هبه انا بكلمك وبقولك استني وبطلي شغل أطفال واعقلي تعالي نقعد في مكان جمب المستشفي نعرف نتكلم في .. مسك ايديها ومشي بيها وهي مستسلمه وماشيه معاه وصلو الكافتيريا الي جمب المستشفي وقعدو في ركن هادي عشان يعرفو يتكلمو.. ادينا اعدنا عايز ايه بقي معطلني علي فكره .. انتي الي الكلام عندك في ايه مخبيه ايه والكلام الي قولتيه جوا ده ايه وليه بتقولي كده فهميني .. انت كداب وعلاقاتك كتير وبتاع بنات والصور دي تشهد عليك ورمت الصور في وشه ... لكن هو نزل عليه هيستريا ضحك .. استغربت مفروض يضايق يبرر موقفه يدافع عن نفسه لكن رد فعله غريب ده بيضحك طب ليه ايه السبب.. للدرجه دي عقلك صغير وممكن حاجه زي دي تقلب كيانك ... دي صغيره ازي صغيره .. عشان دي صور قديمه جدا ياهبه لو ركزتي علي التواريخ الي ورا دي هتعرفي انها قديمه وشكلي متغير فيها انتي بجد صدمتيني بساذجتك دي ازي هتبقي دكتوره وداخله كليه زي دي وهبله بالشكل ده هههههه. انا اسف يعني بس مش عارف ما اقولش كده .. بتتريق عليا .. وحتي لو قديمه يعني ما انت ممكن تبقي زي ما انت .. لا ياهبه انا من بعد ما ابويا مات وانا شايل مسئوليه امي والبيت والشغل ومابقتش فاضي لاي حاجه وكبرت ومش زي زمان لسه كنت عيل طايش الفلوس في ايديه بالهبل مش فارق معاه حاجه ... بصي يا هبه هو مش وقته لكن هقولك كلمتين انا بحبك وجيتك هنا عشان تشوفيني خلتني احبك اكتر معرفش امته وازي بس حصل والحب والقلوب بأيد ربنا وانا سلمت قلبي لله وليكي اوعي تكوني لحد غيري وشوفي الي يعجبك .. مردتش عليه ومشيت من قدامه نطت في التا**ي الي قبلها من غير ماترد عليه وسابته حيران هي موافقه كلامه ولا رفضاه..