الفصل الثامن
3842 Words
= كنت خايفة ومرعوبة من أنه شاف إيدي ومسكها، قلبي كان بيتنفض جوايا ومشاعر كتير بتحصلي ومش عارفة سبب كل ده معقول ده يكون الحب الِ بيقولوا عليه؟، أول لمسة من الشخص الِ هتكملي معاه أحساس تاني، أول لمسة وكلمة ليها شعور مُختلف للقلب والروح، كنت خايفة فمعرفتش أرد عليه اكتفيت بس بهزة رأسي وسكت..
- بعد اذنك ي عمي هأخد سماء مشوار كده بسرعة.
° ماشي ي ابني هي زوجتك حاليًا بس أوعوا تتأخروا.
- مسك إيدي فقلبي أترعش، متقلقش ي عمي.
= نزلنا وركبنا العربية وهو ساكت مش بيتكلم، سكوته خوفني وخوفني أكتر أننا ماشيين في شارع ضلمة ومفيش حد،، إحنا رايحين فين؟، متكلمش،، لو سمحت رد.
- وقف بالعربية مرة واحدة وأتكلم،، أنزلي..
= نزلت من العربية وأنا لسه خايفة ، هيقتلني ويأخد أعضائي ويتأوي جسمي هنا !!.
- بطلي هبل إنتِ زوجتي وبعدين حد قالك أني قاتل كمان!
= إيه ده إنت سمعت.!
- مشكلتلك و إنتِ بتتكلمي مش بتأخدي بالك من الناس حواليكِ.
= ده صحيح فعلًا.
كنا وصلنا لمكان بين شجرتين كُبار، افتكرت ده المكان الِ كنت بقعد فيها وأنا صغيرة بعيط بسبب تنمر زمايلي في المدرسة ..
- فاكرة المكان ده ..؟
= حطيت إيدي علي الشجرة و أبتسمت،، طبعًا ده مكاني المُفضل وأنا صغيرة، كنت برتاح هنا من تنمر الناس عليا.
- بس ..؟
= ألتفت ليه ،، قصدك ايه.؟
- رفع إيده لنقابي وحاول يشيله،، يعني ده مكان راحتك من تنمر الناس عليكِ وبس .!
= كان شال النقاب من علي وشي وأنا ساكته وباصة لعيوني وبس،، لا شوفت حد هنا قبل كده وقالي..
- إنتِ جميلة مش مهم الشكل المهم جمال الروح، جمال الروح باقي بس الشكل بيروح.
= بصتله بصدمة وهو بيتكلم كده ،، إنت إنت..؟؟
- أبتسم ومشي إيده علي وشي،، أيوة أنا.
= الطيف ..؟
- طيفك وبس.
= إزاي و و و بعدين عرف*ني إزاي.؟
- كح وبعد إيده شوية،، بصراحة شوفتك و إنتِ بتشيلي النقاب من علي وشك في المسجد لصحبتك.
= ي حيواااااان
- الله !!، ما أنا صلحت غلطتي اهه يست واتزوجتك.!
= صلحت غلطتك. ؟
- مش قصدي مش قصدي بس .
= بس بس ي دكتور الله يكرمك .
- مسك إيدي تاني، دكتور !!، حد يقول لزوجه ي دكتور.
= بصيت في الأرض وأبتسمت بخجل فيه فراشات بتطير جوا معدتي وقلبي بيرفرف كده معرفش ليه!، لسه مش متعودة ي دك.
- طيف.
= إيه.!
- لسه مش متعودة ي طيف ..
= لسه مش متعودة ي ط أحم ي طيف.
- دي أحلي طيف سمعتها في حياتي..
= بصيت لعيونه مليانة امان وحب وطمأنينة بس قلبي خاف يبعد زي الكُل ما بعد عني،، يعني مش هتبعد عني ي طيف.؟
- أنا؟، مستحيل !، ده أنا مصدقت لقيتك تقولي اسيبك أنا أبقي مجنون بقي.
= يعني مش هتكون طيف عابر في حياتي بالصدفة.
- اخدني في حضنه وسند علي الشجرة وراه،، هكون ظلك..
= كلبشت في حضنه وأبتسمت..
★ قلبك كان موطن الأمان فَـهل أُجازف وأترُك هذا القلب ..!
(((((ماعرفتش الحب الا علي ايد*ك))))
قفلت البلكونة بسُرعة وجريت..
• بتجري كده ليه هتوقعيني.!
= ماما بصي، لو حمزة سأل عليا قوليلو هاجر ماتت، قصدي أنتحرت يوووه قصدي نامت نامت.
• عملتي ايه ي مصيبة جديد يخليكِ تقولي كده .!
= كنت لسه هرد بس سمعت الباب بيخبط والجرس بيض*ب معاه مش مستاهلة يعني افتح الباب ما هو معروف مين.
• روحي أفتحي.
= عيب عليكِ أنا هدخل أوضتي، و إنتِ أتصرفي مع الطور ده، وجريت علي أوضتي بسُرعة وقفلت الباب و وقفت وراه..
- مساء الخير ي خالتي فين بنتك.!
• مساء النور ي حبيبي، أدخل أقعد الاول طيب .
- أنا مش جاي أقعد، فين بنتك.؟
• نايمة ي حمزة، خير في حاجة .!
- رفع حاجبه وحط إيده في وسطه، هي خلتك تكذبي زيها ي خالتي.!، إنتِ ي زفتة ي هاجر أطلعي، أنا عارف انك صاحية و واقفة ورا الباب أطلعي أحسنلك..
= حطيت إيدي علي قلبي و وطيت صوتي، هو عرف إزاي .؟
- متكلميش نفسك وأطلعي أعرفك.!
= بصيت حواليا بخوف، هو حاطط كاميرات هنا والا إيه .؟
- أطلعي ي مجنونة من عندك مش حاطط حاجة.
= لا بقي ده كده كتير.!، لبست إسدال الصلاة وعدلت الطرحة وخرجت.
= ممكن افهم في إيه بتزعق ليه كده قلقت نومي.!
- قرب مني وهو بيصغط علي شفايفه، أنا مش قولت متقفيش في البلكونة ب*عرك.!
= أهدي بس كده و قول هديت..
- ردي عليا مش قولت كده .؟
= أيوة قولت.
- طب بتتنيلي تطلعي ليه !، ينفع يعني تطلعي ب*عرك الشارع.؟
= البلكونة بتاعتنا ي حمزة بس الشارع مش بتاعنا ..!، قولتها ببراءة كانت هتشله..
- لف وشد شعره وهو بيزعق،، يا صبر أيوب.
• أهدي ي حمزة ومتزعلش نفسك علشانها دي عيلة ي حبيبي، تعالي أعملك حاجة تهد*ك بس .
- لا ي خالتي هي مش صغيرة، هي كبيرة بما فيه الكفاية علشان تفهم الصح من الغلط مش كده ي أستاذة هاجر.!
= مطيت شفايفي زي الاطفال، أيوة صح، ممكن بقي اتنيل ادخل أنام.
- آخر مرة أشوفك واقفة في البلكونة دي.!
= يووه لا ده ظلم بقي.
= مُمكن افهم بقالك ساعة بتضحكي ليه.؟
~ أصل حمزة قالي علي الِ عملوه معاكِ.
= اه و إنتِ نازلة تحفلي صح.!
~ طبعًا، قصدي لا يعني أنا جاية أواسيكِ.
= ي شيخة أدعي عليكِ بإيه و إنتِ فيكي كل العبر إنتِ و أخوكِ اللوح ده .!
~ صحيح مش حمزة هيسافر .!
= أتخضيت وقلبي وقع، نعم؟، هيسافر.!، يسافر فين.؟
~ أهدي ي نحنوحة ده مسافر إسكندرية يومين عند صحابه..
= أووف ي شيخة خضتيني.
~ نينينييني، وتتخضي ليه بقي .!
= علشان علشان يوووه ما إنتِ عارفة ي هيام أني بتنيل علي عينه وبحبه.
~ وتتنيلي ليه !، أنا أخويا قمر وألف مين يتمناه ..
= نينينينينيننييي علشان أخلع عيونهم، أنا مش عارفة هو إزاي مش حاسس بيا كل ده بقالي سنين بحبه وهو ولا هنا..
~ طبطبت علي إيدي، متقلقيش بكرة يحس..
أتن*دت بتعب، هو الحُب صعب ليه؟، يعني ليه مقولش أنا بحب شخص بعينه ومحدش يقربلُه، ليه مروحش أعترفله أني بحبه وخلاص والموضوع خلص !.
الحُب صعب وكبير ومش إيه حد يقدر ينجح فيه، هو مش كلمة وانتهي الموضوع لا هو أكبر من كده، هي ممكن تكون كلمة بس هتجيب معاها مسؤلية و أهتمام كبير فلو مش قد المسؤلية دي يبقي أحسنلك متتكلمش..
- هاجر..!
= ثبت مكاني علي السلم ومتحركتش..
- تعالي هنا .!
= ضميت شفايفي لبعضهم علشان ميشوفش الروج الِ حطاها و ألتفت ببطء ليه.
- رايحة فين .؟
= ضغط علي شفايفي أكتر وبأكل فيهم بتوتر..
- بزيادة أكل في بؤقك وردي..!
= إحم رايحة عيد ميلاد صحبتي .
- نعم يختي ؟، عيد ميلاد .!
= أيوة، وبعدين هو مش إنت المفروض تكون سافرت .؟
- لا متزفتش، عيد ميلاد مين بقي ؟
= ي حمزة واحدة زميلتي في الكلية عيد ميلادها النهاردة عزمتني عليه .
- و مقولتيش ليه علشان أروح معاكِ.؟
= فكرتك سافرت، وبعدين أنا مبقش صغيرة و أقدر أخرج لوحدي علي فكرة .
- أقسم بالله ما يتكرر تاني ي هاجر لهتشوفي وش مش هيعحبك، اتزفتي استني لم ألبس.
= ضحكت، جوزي أوي ..
- يلااا.
= بصيت عليه لقيته لابس قميص أ**د وبنطلون أ**د وحاطط برفان قمر وشكله قمرين، إنت مُتخيل أني هأخدك معايا بشكلك ده !، ده يبقي ي نهار شقط.!
- سرحانة في إيه خلصي .!
= هه ماشي يلاا.
= صحيح إنت هتوصلني وترجع مش كده .؟
- لا قاعد معاكِ.
= مش عندك شغل.!
- إبتسم بأستفزاز، تؤ ، قاعدلك ي عماد ي حلو.
= اااه، ده يبقي أنا هرجع من غيرك أو هرجع وأنت مشقوط مني وأنا هقعد أبكي علي الأطلال.
- بتبرطممي تقولي ايه.؟
= أتنرفزت، مببرطمش..
- وصلنا أنزلي يلاا..
= كل سنة و إنتِ طيبة ي وعد.
• و إنتِ طيبة ي هاجر، شكرًا علي إنك جيتي..
= إبتسمت وسكت ..
• إحم هاجر هو مين الحيلوة الِ داخلة معاه ده .!
= أممم بدأنا،، ده ابن خالتي ي وعد ابن خالتي.
• وياتري مُرتبط.؟
= كنت لسه هرد عليها وأقولها أيوة بس لقيته جاي من ورايا وييتكلم..
- لا مش مُرتبط، كل سنة و إنتِ طيبة.
• إبتسمت إبتسامة تنحة،، و إنت طيب .
= وقفوا يتكلموا سوا وأنا واقفة أتف*ج وكنت حاسة أني هعيط بس مسكت نفسي وحاسة بحد ماسك قلبي بيعصره بين إيديه .
= أتنحنحت بهدوء،، ممكن نمشي ي حمزة لأني تعبت، بعد أذنك ي وعد.
- طيب يلا، هنتكلم أكيد باي.
• أكيد باي..
= بلعت ريقي بصعوبة وأنا شيفاها بتسلم عليه وكانت هتحضنه بس هو وقفها..
- مالك ي هاجر.؟
= كنت ساندة رأسي علي الشباك وبفكر،، مفيش.
- مفيش إزاي إنتِ من وقت خروجنا من الحفلة و إنتِ شكلك مش مظبوط..!
= أتعدلت وبصتله، حمزة هو أنا لو بحب حد وعايزة أقوله أقوله إزاي .؟
- وقف العربية مرة واحدة لدرجة رأسي كانت هتخبط في الزجاج وألتفت بسرعة وأتكلم،، بتحبي ؟؟، وبتحبي إزاي يعني .؟
= إيه هو الِ بحب إزاي.!، هو أنا مش بنت وعندي قلب ومشاعر وإلا إيه.؟؟
- مختلفناش بس يعني ايه تحبي حد غيري!، قصدي يعني إيه تحبي إنتِ لسه صغيرة و وراكِ دراستك، ثم إنتِ مينفعش تروحي تقولي لأي شاب إنك بتحبيه مهما كان مين.!، إنتِ غالية قوي ي هاجر ولازم تتصاني والِ عايزك يجيلك إنتِ متروحيش لحد، فهمتي.؟
= أتن*دت ورجعت سندت رأسي علي الشباك وبصيت للشارع..
~ مالك ي هاجر بقالك فترة مش مظبوطة كده .؟
= أخدت نفس طويل ورديت،، أنا بفكر أسافر أكمل دراستي برة.
~ وقفت بخضة،، نعم ؟؟، يعني إيه تسافري .!!، و لوحدك .؟
= أكيد لوحدي، وبعدين عادي يعني أسافر أنا مش صغيرة.
~ إنتِ شكلك أتجننتي والا إيه.!، يعني إيه تسافري.!، وايه الِ طلعها في دماغك دلوقت .؟
= عادي ما حمزة سافر وبيسافر كل شوية أشمعنا أنا.؟
~ حمزة شاب ي هاجر، يعني براحته يخرج ويتأخر براحته بس إنتِ بنت مينفعش تتبهدلي كده .!
= مليش فيه أنا هسافر يعني هسافر..
- ممكن أفهم يعني إيه هتسافري لوحدك.!
= كنت واقفة علي السطح وماسكة كوباية شاي بنعناع في إيدي وبفكر فيه فجأة فوقت علي صوته..
- بُصيلي هنا وردي يعني إيه هتسافري لوحدك بلد غريبة.؟
= ركنت كوباية الشاي علي السور قدامي وبصتله،، فيها إيه يعني ي حمزة لمٕ أسافر لوحدي هو أنا صغيرة يعني .؟
- إنتِ بتهربي من إيه؟؟، فيكِ حاجة متغيرة مش إنتِ هاجر الِ مربيها علي إيدي..!
= أرتبكت شوية ،، مبهربش من حاجة وأنا مش متغيرة عادي يعني.
- قرب مني شوية ورفع صباعه بتهديد في وشي،، مش هتسافري ي هاجر وعد مني مش هخليكِ تتحركي من هنا.
= زعقت فيه،، ما أسافر براحتي ي أخي إنت مالك بيا..!
- زعق أكتر مني،، لأني بحبك ومش هسيبك تروحي مني.
= بصتله بصدمة كبيرة لأنه مش الشخص الجرئ إطلاقًا علشان يقول حاجة زي دي !، وبعدين هو إزاي بيحبني يعني مش فاهمة!، و إزاي يقولي حاجة زي دي قليل الأدب ده.!، بصتله شوية وبعدين جريت بسُرعة من قُدامه..
- إبتسم وشرب باقي الشاي الِ في الكوباية بإستمتاع..
= نزلت جري ودخلت أوضتي وأنا حاطة إيدي علي قلبي من الخضة، مسحت وشي كذا مرة بتوتر قومت وقعدت كذا مرة مش فاهمة إيه الهبل الِ بعمله ده بس يمكن أهدي شوية ..
• هاجر جهازي نفسك المغرب في ضيوف جايين..
= قلبي أتقبض قوي وقتها، كنت حاسة أنه هو حسيت بمغص في بطني وقلبي كان واجعني قوي وحاسة أنه هيغمي عليا وجسمي كان بيرتعش جامد أتكلمت بتوتر، ضيوف مين ي ماما.!
• بالليل هتعرفي..
= يعني لسه هستني .!، ياربييي وحطيت إيدي علي قلبي، إنت بتدق بسُرعة كده ليه إنت كمان .؟
- إبتسم بإستفزاز، إزيك ي خطيبتي..؟
= كان قلبي بيرفرف جوايا وأنا شيفاه قاعد قصادي بحلاوته دي كلها بس أتعاملت ببرود علشان ميقولش عليا واقعة،، أنا مش خطيبة حد علي فكرة.!
- غمز، هتكوني ومش خطيبة بس لا هتكوني زوجتي ي حلوة.
= كتمت إبتسامتي بالعافية، ومين قالك أني هوافق أصلًا.!
- غمز تاني وهو قايم،، هنشوف.
= قومت أتنططت مكاني بفرح وأنا بضحك..
- لا واضح فعلًا إنك مش موافقة..!
= كان ساند كتفه علي الباب و واقف باصصلي وهو مُبتسم إبتسامته الِ خاطفة قلبي دي!، وقفت مكاني كأني عسكري في الجيش ومعرفتش أتحرك من صدمتي..
- قرب و أخد موبايله من علي الترابيزة الِ قدامي وبعدين قرب من ودني بس بحدود وهمس،، كتب الكتاب الخميس الجاي جهازي نفسك بقي.، ومشي بهدوء و وقار مُناسب ليه ولشخصيته وطوله القمر.
= قعدت مكاني وأنا مُبتسمة زي الهُبل بالظبط .
"بارك الله لكما وبارك عليكما وجمع بينكما في خير..
~ زوجة أخيييي، وحضنتني جامد..
= ضحكت وأنا بضُمها ليا، هيام تُعتبر أختي عمري ما أتعاملت معاها علي أساس أنها بنت خالتي كانت ديمًا معايا في إيه حاجة عارفة أصغر تفاصيلي وحفظاها، كانت الوحيدة الِ عارفة قد إيه أنا بحب اللوح أخوها وهو عامل نفسه من بنها..
- إحم
= بصتله وأنا رافعة حاجبي،، نعمين.!
- قرب مني وهو بيبتسم، لا نحترم بعض إحنا بقينا زوجين وكده.
= نينينينينيننيييي، أمشي ي بتاع البنات ي بتاع وعد.
- ضحك و صوته عِلي،، نينينني وكمان بتاع بنات، الله يسامحك ده أنا غلبان..
= ضحكت عليه وهو بيقولها وبيحاول يقلد عادل امام، وحشة علي فكرة..
- اه علشان كده ضحكتي.
= إبتسمت أكتر بس إبتسامتي أختفت لمَ لقيته بيقرب مني أكتر..
- باس جبيني بعمق وأتن*د،، مبارك عليا أنتِ.
= قلبي كان بيرجف جوايا وحاسة بفراشات في بطني، الشخص الوحيد الِ قلبي دقله والوحيد الِ اسمه كان ديمًا بدعي بيه في صلاتي أخيرًا بقيت ليه.!
★ وحاوط علي قلبي بسور حُبك أنا معرفتش الحُب إلا علي يدك..?"
((((((( عوض قلبي )))))
كُنت ساندة ضهري علي ص*ره وهو قاعد ورايا ومحاوطني بإيده وأنا بلعب في إيده الِ عروقها بارزة وصوابعه الطويلة.
= أمم أكتر سورة بحبها.!
- مريم.
= أكتر أكلة بحبها.!
- مكرونة بشاميل .
= أكتر اسم بحبه.!
- رد وهو مُبتسم، يونس.
= أكتر شخص بحبه في الدُنيا.؟
- باباكِ.
= و .؟
- لعب في شعري ، ومامتك.
= رديت بضيق، و.؟
- وأخوكِ.
= فكيت إيده من عليَّ وبصتله، بس .!
- رفع حاجبه، بتحبي حد غيرهم .؟
= يونس.!
- رد وهو بيغمز، يا قلب يونس.
= أبتسمت بس درايت أبتسامتي، أكتر شخص بحبه .!
- قرب مني، مين.!
= أتوترت، أنا بسألك.؟
- قرب أكتر، وأنا معرفش .!
= رديت وأنا بتهته من قُربه ليَّ، يونس.!
- قرب أكتر، يا قلب يونس.
= المنبه ض*ب وصحيت مخضوضة، يا نهارأسوح يا نهار أسوح إيه الحلم ده ياربييي!، أنا كل شوية هحلم كده إشحال مكنتش سنجل !، مني لله أنا ويونس، الحمدلله أني صحيت.
• مالك يا شذا.؟
= إحم مفيش يا ماما كُنت بحلم حلم غريب شوية.!
• طب متحكيش بقي ليتحقق، و قومي كده صلي الضحي وشوفي شُغلك يلا.
= كل يوم شغل شغل أنا زهقت.!
• ردت بحزن، معلش يا بنتي علي عيني تشتغلي والله بس أد*كِ شايفة الحال، باباكِ من وقت وفاته والحال ضاق علينا وأخوكِ الله يصلح حاله ويهديه ويرجع يارب، أنا لو ينفع كُنت نزلت أشتغل بس
= قاطعتها وحضنتها بسُرعة، بس يا ماما تشتغلي إيه بس .!، وبعدين مش كفاية إنك أشتغلتي لحد ما أنا أتخرجت ومكنتش بترضي تخليني أشتغل، ربنا يباركلي فيكِ يارب، وأنا كنت بهزر أنا بحب شُغلي أصلًا، يلا بقي يا ماما يا قمر أعمليلي قهوة لحد ما أصلي.!
• ماشي يا حبييتي.
= رميت نفسي علي السرير بتعب، يارب بقي..
= أيوة يا صفا، أنا جاية، اه نزلت من البيت والله هركب وأجي علي طول، ضحكت، حاضر هجبلك، سلام.
= أتن*دت وأنا بحط الموبايل في الشنطة، صفا هي صحبتي في الشُغل، أنا شغالة في معمل تحاليل، بمّ أني خريجة علوم، بس نظرًا لضيق حالتي المادية بعد وفاة بابا معرفتش أفتح معمل علشان كده أشتغلت في معمل تبع واحدة معرفة وهناك أتعرفت علي صفا.
~ أتاخرتي.!
= ضحكت عليها وهي بتنفخ في إيدها من البرد، معلش يا ستي حقك علي قلبي بس كنت بتأكد أن العيش سُخن.
~ أكلت حتة منه وردت، أمم جميل، هعمل شاي بسُرعة عقبال ما تدفي شوية.
= قعدت علي المكتب وأنا بحاول أدّفي إيدي، حطيت رأسي علي الترابيزة قُدامي وحاوطت كتفي بإيدي بحماية.
- لو سمحتِ، قالها وهو بيخبط علي الباب.
= رفعت رأسي بسُرعة، أتفضل حضرتك.
- كُنت عايز أعمل تحاليل دم بعد إذنك!
= طبعًا يا أفندم أتفضل
~ الشاي يا شذا، أستاذ يونس أزيك.؟
- أبتسم فظهرت غمازتين محفورين في خده، الحمدلله يا صفا أنتِ عاملة إيه .؟
~ أنا كويسة.
= ممكن ترفع كُم القميص.!
- رفع الكُم، كان دراعه عضلي كده وعروقه بارزة، شكله شخص رياضي، أصلًا باين علي جسمه أنه بيهتم بالرياضة.
= حطيت قطنة مكان الحقنة علي طول، خليك ضاغط عليها شوية كده.
- ماشي شكرًا ليكِ، أقدر أخده أمتا.؟
~ أنا ممكن أجيبه لحضرتك وأنا مروحة يا بشمن*دس.!
- لو مش هتعبك يا صفا لأني عندي شُغل.!
~ خلاص ميهمكش أنا هجيبه معايا.
= ماشي، سلام عليكم.
~ وعليكم السلام..
= أستنيته خرج ومشيت لصفا وبصتلها وأنا مضيقة عيوني، قري وأعترفي مين ده .؟، وتعرفيه منين.!
~ ضحكت، طب أقعدي يا مجنونة وأنا هقولك، ده يا ستي بشمهندس يونس، جاري في العمارة، راجل محترم جدًا، عايش مع باباه ومامته، غمزتلي، ومش خاطب علي فكرة.
= بصتلها وأنا رافعة حاجبي، وبتقوليلي كل ده ليه يعني .؟
~ لا أنا بعرفك بس.!
= متعرفنيش.
= قومت وأنا واخدة الشاي في إيدك وروحت أحلل الدم بتاعه وأنا سرحانة فيه وفي شكله، هو ليه أغلب المُهندسين بيكونوا حلوين كده !، It's not fair والله.!
= هزيت رأسي يمين وشمال علشان أفوق من الهبل الِ بفكر فيه ده، وقلبي ودقاته الِ بيقولي أن يونس ده خاص بيكِ أنتِ، ده يونس أحلامك ..
~ تحليل يونس خلص .؟
= معرفش ليه لمَ قالت يونس بس من غير ألقاب أتضايقت أنا أكيد مش هحب حد من مُجرد نظرة!، ولا لان عروق إيده بارزة وحلوة وأنا بحب الناس دي ولا لأن شكله حلو وملامحه مُريحة للقلب قبل العين لا أبسلوتلي لا..
= اه خلص، أتفضلي.
~ عنده إيه.؟
= رفعت حاجبي وضغطت علي سناني، و أنتِ يهمك في ايه يعني يا صفا ها.؟
~ الاه.!، مش جاري.!
= مش جاري نينينينينيننيييي.
سمعت صوت ضحكة عالية من ورايا، بصيت لقيته واقف بطوله وضحكته الِ رجفت قلبي وغمازته المحفورة في خده الِ علي الرغم من دقنه وطولها إلا أنها مخبتش جمال غمازته، حطيت وشي في الأرض وعضيت علي شفايفي بخجل من تصرفي وأنه شافني..
- آسف ، بس شكلك كان يضحك.؟
= رفعت رأسي وبصتله بغيظ، إيه شكلك يضحك شايفني مُهرج.؟
- لا مقصدش.
= والا تُقصد، صفا أنا ماشية ياريت تبقي تقفلي الباب كويس بقي، وأخدته شنطتي وموبايلي ومشيت وأنا هاين عليَّ أديه بالشنطة علي رأسه اللوح الحلو القمر ا****ر ده .!
= يا ست الكُل، نبع الحنان يا طيبة.!
• ردت بتعب، أيوة يا قلب نبع الحنان.
= بوست رأسها، عاملة إيه يا حبيبتي.؟
• كويسة يا حبيبتي، روحي صلي وتعالي عقبال ما أسخن الأكل
= لا أقعدي أنتِ يا ماما وأنا هصلي وأجهز الأكل بسُرعة، وسبتها ورحت أصلي.
• ربنا يكرمك يا بنتي، ربنا يسترك في الدُنيا والآخرة ويرزقك ما تتمنيه
= ماما يا ست الكُل، نمتي دلوقت ليه بس !، أصحي يا ماما أنا حضرت الأكل، قربت منها أهزها لمَ ملقتش منها رد، ماما أصحي، هزيتها بقوة لمَ ملقتش منها وأنا بنادي عليها بأرتجاف وقلب بينبض بخوف، ماما أصحي علشان خاطري، بالله تصحي يا ماما، لا حرام مش أنتِ كمان يا ماما، أصحي بالله عليكِ يا ماما، يا مااااااااامااا.
= سمعت الباب بيخبط جريت بسُرعة علشان حد ينقذني، مروان، قولتها بشهقة وأنا حاطة إيدي علي بؤقي.
^ أيوة يا حبيبتي أنا رجعت يا شذا ومش هسيبكم تاني.
= رميت نفسي في حضنها وأنا بعيط بشهقة، ماما ماتت يا مروان..
^ نزل دراعاته الِ كان محاوطني بيهم بخذلان، إيه.!
= بعدت عنه ومسكت إيده ودخلت بيه أوضة ماما، ماما ماتت يا مروان .
^ رمي نفسه في حضنها وبكي بندم، ماما حبييتي أصحي أنا رجعت مش كنتِ بتقولي أرجع أنا رجعت اهه ومش مسافر تاني هفضل معاكم يا حبيبتي، أصحي يا ماما علشان خاطري، أضحي وأنا والله هسمع كلامك ومش هسافر وهقعد معاكي وهحمي شذا بس خليكِ معانا إحنا من غيرك منسواش يا ماما..
*عدي شهرين علي وفاة ماما، شهرين وأنا مش مُتخيلة أنها مبقتش معانا، مش مُتخيلة أنها مشيت وسابتني لوحدي، مروان رجع ومعايا بس هي وجودها غير، مش قادرة أستوعب أني هخرج من غير ما أبوس إيدها، فكرة أني أخرج وأرجع ملاقهاش مستنياني زي كلل مرة بتوجع قلبي، أني هتأخر ومش هلاقي حد يرن يطمن عليَّ ويطمن أني أكلت والا لا بتخلي روحي تعيط مش بس عيوني، كل شوية أدخل أوضتها وأحضن مخدتها وانام علي سريرها علشان أحس بوجودها جمبي، كان نفسي تفضل معايا شوية كمان بس للأسف هي مشيت بدري، بدري قوي..
^ حبيتي مش هترجعي شُغلك بقي.؟، صحبتك كُل شوية تيجي وتقولك ارجعي.
= رديت بصوت مبحوح وعيون مُرهقة، هنزل بكرة يا مروان.
^ ماشي يا حبيبتي وأنا أن شاء الله قريب هفتحلك معمل بإسمك .
= أبتسمت بسمة صغيرة وهزيت رأسي وقومت دخلت أوضتي.
~ المعمل رجع نور تاني، حمدالله على سلامتك.
= طبطبت علي كتفها وهي حضناني، الله يسلمك يا صفا.
~ بقيتِ كويسة دلوقت.؟
= هزيت رأسي، أيوة الحمدلله أحسن.
~ طب هقوم أعملك شاي.
= شكرًا، بصيت للاب قدامي وأنا بشوف تقارير وكده.
- السلام عليكم.!
= أتنفضت بخضة لمَ شوفته تاني، المرة دي قلبي دق بسُرعة ودقاته كان بتبخط في ضلوعي بقوة، وعليكم السلام، قولتها وأنا بحاول أبقي هادية.
- مد إيده يسلم عليَّ، البقاء لله صفا قالتلي علي وفاة مامتك.
= آسفة مش بسلم، البقاء لله وحده شكرًا..
- مسح علي شعره بخجل، ولا يهمك، المهم أنتِ بخير.!
= أتن*دت، كويسة.
- طب أنا ماشي، محتاجة حاجة.!
= شكرًا لحضرتك.
= نعم .؟، يخطبني.!!
~ أيوة يا شذا، يونس عايز يخطبك، هو كان هييجي يتقدم قبل وفاة مامتك علي فكرة بس حصلت معاه شوية مشاكل في الشغل.
= وهو يعرفني أساسًا علشان يخطبني.!، قولتها علي الرغم من تمرد قلبي علي كلامي.
~ اتن*دت، هو مُكتفي بالِ عارفه عنك ومُقتنع بيه جدًا ومستني فرصة منك ومن مروان وييجي يتعرف بالأصول.
= فركت إيدي ببعضهم.
~ طبطبت علي ركبتي، متخافيش يونس والله شخص كويس، وعلي فكرة هو يعتبر أخويا في الرضاعة، هو وأخويا إسلام راضعين علي بعض علشان كده كان بيتعامل معايا بطريقة عادية.
= اتن*دت بتأفف، أنا معنديش طاقة ولا فيَّ حيل أني أدخل في علاقة دلوقت، أنا باهتة من جوايا وفاضية ومُرهقة علي الآخر بس قولت اديله فرصة تدروا ليش ! لأنه دخل البيت من بابه..
^ نوروتنا والله يا بشمهندس يونس وحضرتك كمان يا أستاذ محمود.
° البيت منور بأهله يا ابني، والبقاء لله في وفاة والدتك.
^ البقاء لله يا عمي.
° العروسة الحلوة بتاعتنا فين بقي .؟
^ أبتسم، ثواني أناديها تيجي.
° ماشاءالله جميلة يا بنتي، زوقك حلو يا يونس.
= إبتسمت بقلق وأنا بفرك في إيدي بتوتر وأنا شايفة نظراته ليَّ .
- هو ممكن نعمل كتب كتاب علي طول من غير خطوبة.!
= إيه.؟، قولتها بصدمة من طلبه.
^ بشمهندس يونس بس .!
- متقلقش عليها هي في قلبي مش عيوني بس.
^ مروان بصلي لاقاني متوترة وخايفة، يومين طيب نفكر ونرد عليكم..
~ نقول مبروك.؟
= قالتهالي بعد أسبوع من مُقابلتهم بعد أسبوع صلاة أستخارة وراحة ملهاش مثيل، أبتسمت ب**وف، نقول مب**ك.
~ حضنتني،، صدقيني عمرك ما هتندمي يونس راجل فعلًا وهيصونك.
= أتن*دت براحة وإبتسامة مرسومة علي قلبي.
* بارك الله لكما وبارك عليكما وجمع بينكما في خير..
قرب وحضني وباس جبيني وإيدي وأتكلم بعيون بتلمع و إبتسامة جميلة، مُبارك إنتِ عليَّ
= كُنت ساندة ضهري علي ص*ره وهو محاوطني بإيد والأيد التانية علي بطني المنفوخة بسبب حملي في الشهر السابع، تعرف أني ديمًا كُنت بحلم أني قاعدة القعدة معاك.!
- مسد علي بطني بهدوء، والله.!
= هزيت رأسي، اه، وكنت بسألك أسئلة .!
- وياتري كنت برد صح.؟
= رديت كله صح إلا سؤال واحد.؟
- إيه هو.؟
= شلت إيده من علي بطني وألتفت ليه، مين أكتر حد بحبه ؟
- حرك عيونه يمين وشمال مع إبتسامة ماكرة، مين .؟
= يووونس.!
- قرب مني وغمز، يا قلب يونس..!
★ كُنت عوض قلبي عن مرار الأيام .."
- Writer
