الفصل السابع
4891 Words
= أت**فت وعضيت شفايفي، أحم شكلي حلو .؟
- حط أيده علي رأسي وظبط الخِمار شوية، قمر.
= المُريح في علاقتي ب يونس أنه طلع حنين بجد، يعني من وقت ما دخلت بيتهم وهو بيتعامل معايا كويس، يعني عمره ما أتكلم معايا بطريقة مش حلوة أو أتعامل معايا بطريقة مش لطيفة بالع** طلع مُسالم ع** ما توقعت تمامًا، أنا فكرتي عن الصعايدة أنهم بيخلو ستاتهم يلبسوا أ**د في أ**د ويحبسوهم في البيت بقي ومفيش خروج بس بالع** يونس عمره ما قالي متخرجيش بالع** كان كل شوية يقول لو حابة تروحي مكان عرفيني بس الفكرة أني من جوايا مش حابة حاسة أني حياتي بقيت مُقتصرة علي قعدتي في البلكونة وإني أشوف أمور ديني الِ أنا مُهملة فيه ده واتعلم حاجات جديدة، بقالنا خمس شهور متزوجين ويونس بيتعامل معايا بكل حنية وذوق علشان كده أنا مرتاحة والأهم من كل ده مطمنة معاه.
- ءاية تعالي أنا عازمك علي فُسحة حلوة برة.
= فرحت، بجد يا يونس.؟
- وه! وأنا هكذب عليكِ يعني، يلا بسُرعة ألبسي وأنا هستني برة.
= فوريرة.
حاجة حلوة جديدة انضافت لصحيفة أنه ألطف انسان في الكون، لمَ بيلاقيني أو يحس أني حزينة يحرجني برة أو حتي لو هيخرجني يحاول بشتي الطرق أنه يفرحني، أنا فاكرة من يومين حس أني زعلانة خرج برة أشتري فشار وبيبسي وتسالي كتير وفتح كارتون وقعد معايا نتف*ج سوا، طلع دافئ ودي حاجة أنا كُنت مُفتقداها أني أحس بريحة الدفي، ومامته أحن ست في الدُنيا يمكن محستش بدفي العيلة غير في البيت ده وبين ريحة التراب وهوا النيل.
- ممكن أعرف مالك .؟
= كان قاعد جمبي وساند ضهره علي الكرسي ومربع أيده فوق بعضها وباصصلي كويس، مش عارفة بس حاسة أني خايفة يا يونس، حاسة أني معملتش حاجة أقابل بيها ربنا، تعرف يا يونس من كام يوم شوفت فيديو لبنت مُتوفية الناس كُلها كانت فرحانة ليها أينعم أتوفت بس الناس فرحانة ماتت وهي بتصلي و وشها مُبتسم، كلمتها قالت إنها كانت ديمًا تتدعي أنها تموت وهي ساجدة وربنا استجاب ليها، وقفت للحظة كده وعيطت أنا عملت إيه علشان أموت موتة زيها كده ! أنا خايفة يا يونس ربنا يكون لسه زعلان مني ومش راضي عني، تفتكر ممكن يسامحني ويتجاوز عن أخطائي دي ! يونس أنا خايفة.
- قام من مكانه و وقفني وضمني ليه بكل قوته وطبطب علي ضهري وباس رأسي، شششششش أهدي، ءايتي ربنا غفور رحيم، ورحيم بينا بدرجة كبيرة، ديمًا هيسامحنا ويغفر لنا لأننا عباده وهو اسمه الغفار يعني مهما عملنا هيغفر ويسامح لأنه ربنا، و إنتِ بقيتِ أحسن من الأول بتصلي وحجابك بقي كويس وساتر، بتتعلمي أمور جديدة في الدين وبتصلحي من نفسك دي حاجة حلوة، ربنا كبير وجميل وديمًا هيسامحنا متخافيش.
= رفعت رأسي بس لسه في حضنه وبصتله بدموع، يونس أوعي تسبني في يوم، أنا بحبك ومقدرش أعيش من غيرك.
- أتنفس بعمق، أخيرًا، وأنا مقدرش أعيش من غيرك أصلًا. ورجع ضمني ليه تاني وبقوة أكبر..
من اليوم ده و يونس بقي أقرب ليّ من نفسي، بقي مُشاغب وظهر لُطف أكتر من الأول وحنية قادرة تراضي قلبي لسنين قُدام، بقي يقضي معايا أغلب وقته بنسمع كارتون سوا، اكتشفت أنه غيور، وعنده ضحكة أحلي ضحكة في العالم، قلبه طيب وفيه حنية تكفي وتفيض، بيخاف عليّ لدرجة بتخليني أعيط أني كُنت بقول عليه قاسي إزاي الحنية دي تبقي قاسية .!
= يونس يونس يونس يونس .
- صحي مخضوض، إيه مين حد مات .؟.
= ضحكت، لا محدش مات متخافش.
- رجع اترمي علي السرير تاني، يا شيخة خضتيني، بتصحيني ليه دلوقت والطريقة دي كمان .؟
= إحم طب قوم وأنا هقولك.
- قولي وأنا نايم يا ءاية لأني مش قادر.
= شديت أيدي من علي وشه وخليه يقوم يقعد قصادي، لا صحصح كده وفوق لأني عندي خير تحفة.
- اتن*د، خير يارب قولي.
= إبتسمت وحطيت أيدي علي بطني، أنا حامل.
- شد اللحاف واتغطي وهو بيتكلم، ماشي ألف مب**ك ..
- صحي مخضوض ورمي اللحاف علي الأرض، بتقولي ايه .؟
= ضحكت علي رد فعله، أنا حامل.
- يعني أنا هكون أم، قصدي أب.
= ضحكت وحطيت أيدي علي خده، وأحلي أب.
- ءاية ءاية يعني أنتِ بجد حامل يعني هيكون عندك كرش وتكعوري كده .؟
= ض*بت كتفه بغضب، يونس
- قام وقف وحضني، يا روح قلب وضي عيون يونس، أنا أسعد حد في الدنيا بسببك والله.
= يعني مش هكون بكرش وأبقي مكعبرة.؟
- ضحك وحضني، وأحلي كعبورة في الدُنيا والله.
★ صوت الجخ في الخلفية بيقول" والِ تخلي صعيدي يحبها يبقي يا غُلبها.."
((((ياسكري بين مر الايام))))
أتخض ورجع لورا وهو بيصرخ، عااااااا..
= رفعت إيدي في وشه بحاول أهديه، أهدي يا ابني إيه شوفت عفريت.!
• رد وهو مخضوض وعيونه واسعة من الخوف، لا أنيل، إيه الق*ف الِ علي وشك ده .؟
= مشيت إيدي علي وشي أشوف ماسك الكاكاو الِ حطاه ده نشف والا لسه، ده ماسك كاكاو يا أدهومي.
• الله يحرقك إنتِ وماسكاتك يارب، يا بنتي ما هي نفس الخلقة والله، بتغلبي نفسك وتحطي وتتعبي نفسك ليه ما هو مفيش تغيير ونفس الوجهه العِكر والله!
= بقي كده يا أدهم ماشي !، وبعدين يا جاهل يا الِ مش عارف حاجة أش فهمك إنت بحاجات السكين كير ده يا لوكل.!
• سكين إيه يختي !، ده سكين معجون قصدك .!
= غور يا أدهم غور أحسن أنادي علي جدو ييجي يطلع عينك دلوقت.
• فرد جسمه علي سريري وربع أيده تحت رأسه، نادي براحتك جدو مش هنا.
= فركت الماسك بإيدي ورديت، آمال فين.؟
• خرج معرفش فين.
= غسلت وشي وطلعت وبصتله وأنا رافعة حاجبي، سريرك الِ نايم عليه ده صح .؟
• حط إيده علي عيونه وغمضها، أعتبريه سريري وسبيني أنام لأني راجع من الكلية مفرهد..
= يعيني بيروح الكلية ، أخبار متهمنيش بتاتًا ..
• رمي المخدة الصغيرة عليَّ، مش علشان أتخرجتي يا أم مُلحق يا سقوطة تحفلي عليَّ..
= سقوطة!!، أنا سقوطة.؟؟
• أيوة، ولو مخرجتيش وطفيتِ النور هقول لجدو إنك طلعتي بمادتين في سنة تانية يا أم مُلحق.!
= إحم علي فكرة كنت هخرج أصلًا وأسبلك الأوضة إنت أخويا حبيبي برضو..
• رفع حاجبه، ناس مش بتيجي غير بالعين الحمرا..
= ضحكت وخرجت من الأوضة، أنا عارفة أنه عمره ما هيف*ن عليَّ ويقول أني سقوطة، أخويا وبعتبره تؤمي، ديمًا أسراري معاه، صديقي الصدوق موت من بعد موت بابا وماما في حادثة سير من أربع سنين،كنت وقتها في ثانوية عامة ومعرفش دخلت الأمتحانات إزاي أصلًا بس الحمد لله نجحت وعديت ودخلت كلية دار علوم أينعم هي مكنتش حلمي بس قولت أكيد ربنا شايلي حاجة أحسن فيها دخلت وطلعت اول سنة تمام تاني سنة نزلت بمادتين بسبب أني كنت تعبانة ونفسيتي زفت ، بعد وفاة أهلي وقتها جدو أصر أننا نعيش معاه بسبب أننا لسه صُغيرين وبحكم أن بابا كان بعيد عن بيت العيلة شوية مكنتش عايزة اروح بس مع أصرار جدو روحنا وعشنا هناك، الموضوع كان مُريح وحلو إلي حد كبير لأن أعمامي مش مخلفين غير بنات بس، عمي الأول معاه تلات بنات وأتنين منهم متزوجين كمان، وعمي التاني مع ست بنات بس كلهم لسه بيتعلموا يعني اصغر مني، ومفيش غيري أنا بس الِ أتخرجت وقاعدة في البيت زي القردة..
= هو جدو هيأخر يا عمي .؟
^ عيزاه في حاجة يا حبيبتي !
= لا بس يعني متعودة الوقت ده نقعد أنا وهو شوية واحنا بنشرب الشاي.
^ هو إحتمال يتأخر شوية.
= طب خلاص هروح أنام بقي، تصبح علي خير..
= أدهم اصحي إنت بقالك خمس ساعات هنا.!
• بس يا بت.
= بت في عينك اصحي يالا عايزة أنام.
• روحي نامي في أوضتك أنا مالي..!
= جيس وات الِ إنت نايم فيها دي أوضتي وده سريري..
•..
= شديت رجله، ده إنت رخم وأنا غلطانة أني خليتك تنام هنا،، ومشيت بغضب وروحت أوضتي الِ هي جمب أوضتي أصلًا ونمت فيها..
= عااااااا إنت مين .؟، قولتها وأنا بشد الطرحة من علي طرف السرير وبحطها علي شعري وبإيدي التانية بشد البطانية عليَّ.
- وقف بخضة وعطاني ضهره، أنا آسف بس همَّ قالولي أدخل الأوضة دي.
• هاجر مالك.؟،، ومين ده .؟
~ في إيه يولاد.؟
= زعقت، مين ده يا جدو وأزاي يدخل كده عليَّ.؟
~ ده مُصطفي حفيد أحمد صاحبي كان عايش في القاهرة وجاي يقعد معانا شوية لأن عنده شغل هنا..
= وأزاي يدخل عليَّ كده .؟
~ أنا قولتله أوضة أدهم ودي أوضة أدهم بتعملي إنتِ إيه هنا بقي .؟
= ما يا جدو.
• أنا نمت في أوضتها غصب عني يا جدو.
^ خبط بعصايته علي الأرض، خلاص كفاية كلام كده، و إنتِ يا هاجر قومي علي أوضتك، وأدهم مُصطفي هيقعد معاك هنا لحد ما ننضف أوضة ليه الصبح..
= ماشي يا جدو..
= وطيت بوست إيده، صباح الخير يا جدو.!
^ مسد علي رأسي، صباح النور يا حبيبة جدو.
= كده تأخر عليَّ إمبارح وتخليني مشربش الشاي بتاع الليل.
^ ضحك، معلش يا حبييتي بس كنت في مشوار وكمان أستنيت مُصطفي وجبته معايا.
= أممم ماشي يا سيدي هروح أعملنا كوبايتين شاي دلوقت ونقعد نرغي شوية.
= الشاي يا جد، إحم السلام عليكم.
- وعليكم السلام، آسف يا آنسة هاجر علي بالليل.
= ولا يهمك أتفضل.
- شكرًا بس مبحبش الشاي.
= بصتله بغضب، الشاي الِ مش بيحبك متقولش مبحبوش، وأخدت الكوباية بغضب، بعد إذنك يا جدو هروح أقعد في البلكونة..
- هي زعلت ليه.؟
^ ضحك، كله إلا الشاي عند هاجر..
= كنت طالعة من أوضتي وأنا شيفاه ماشي قُدامي، هو طويل خالص ليه كده !، ده أنا لو قُدامه مش هيشوفني والله وممكن يدوس عليَّ عادي ويكمل مشي، هو شكله حلو ليه كده!، بس برضو هو مهما كان ده رباية قهراوية يعني ميعرفش يلبس زينا، ميعرفش أن الراجل مهما لبس ميبقاش ليه هيبة زي هيبة اللبس الصعيدي والعباية الِ تتحط علي الكتف، ميعرفش أن الجلابية البيضا والمسِك والسواك في جيبها وقت صلاة الجمعة قادرة تخ*ف القلب خ*ف، وهو أساسًا مش هيعرف يلبس لبسنا الحلو ده..
- هتفضلي سرحانة كده كتير .؟
= أنتبهت علي صوته، نعم.؟
- أصل بقالك وقت واقفة علي السلم كده وبتتف*جي عليَّ حلو أنا عارف ..
= مغرور موت، وسبته ومشيت.
= كُنت قاعدة وحاطة الهاند فري في ودني وبسمع أوصفهالك للدكتور محمد الغليظ، كنت بسمع وأنا قلبي بيرجف وبتمني أدخل الجنة، وصفها حلو والكلام عنها حلو، بسمع وأنا قلبي بيدعي يارب أدخلها يارب أدخلها، مسكت النوت بتاعتي وكتبت الجملة دي " الكلام عن الجنة جنة.."، يارب ندخلها يارب، الله هي حلوة ليه كده !، كل ما الدكتور محمد يتمعق في كلامه روحي بترجف وعيوني بتدمع وقلبي بيتألم وبيدعي بقوة يارب ندخلها يارب .، فجأة لقيت مُصطفي ده وقف قُدامي وبيشاورلي هزيت رأسي بمعني عايزة إيه شاور علي ودني ف أنتبهت وشلّت الهاند فري..
= نعم .؟
- بقالب ساعة بنادي عليكِ و إنتِ قاعدة تسمعي أغاني.!
= أغاني.؟، حضرتك كنت سمعت أنا بسمع إيه والا بتهبد وخلاص.!
- أهبد.!، لا مش بهبد بس حاطة الهاند فري هتكوني بتسمعي الشعرواي مثلًا.!
= لا بسمع دكتور محمد الغليظ عندك مانع.!
- مين محمد الغليظ ده .؟
= شقهت، إنت متعرفوش.؟
- لا ، هو حد مشهور جامد كده يعني.؟
= أتن*دت، خلي أدهم يقولك عليه أو أعمل عنه سيرش وأسمع مُحاضراته .
* وسبته ومشيت وأنا حساه متلغبط، جدو قالي عنه أنه مش بيصلي وميعرفش كتير عن دينه، أستغربت إزاي راجل كبير كده وليه شخصية زي مُصطفي ومبيصليش.!، أكتر حاجة بتوجعني وتحرق قلبي أن حد يقولي أنا مش بصلي، أنا بصلي وبقطع، أنا بنام ومكونش صليت!، طب ازاي بالله!، إزاي يجيلك نوم و إنت مش مصلي!، إزاي عايش حياتك الِ ربنا أصلًا عطهالك علشان تُعبده و إنت مش بتصلي، علي فكرة الصلاة دي ليك مش لحد، الصلاة دي أول حاجة الإنسان بيُحاسب عليها، الصلاة ربنا قال عنها" وأنها لكبيرة إلا علي الخاشعين"، وقت الأمتحانات أو لو عندنا حاجة مُهمة بنفضل نصلي ويارب حققلي الحاجة دي ونصلي وندعي بخشوع ولمَ الحاجة تتحقق أو ننجح في الامتحان نسيب الصلاة ونتركها!، طب ليه ؟، إنت أفتكرت ربنا وقت حاجتك وجبرك ورضاك تبعد عنه ليه تاني .!
= النهاردة يوم الجمعة بحب اليوم ده، بصحي علي ريحة البُخور مالية البيت، ريحة أكل مرات عمي، صوت عبد الباسط علي قناة المجد وهو بيقرأ سورة الكهف، ريحة عطور جدو وأعمامي وجلابيتهم البيضة وصوت السبحة في إيدهم، وقت التجمع بتاعنا العصر مع كوباية شاي بنعناع كبيرة وماسكين المصاحف بتاعتنا وبنقرأ سورة الكهف بصوت هادئ وعذب وجدو بيصحح لو حد فينا أخطأ، الجمعة يوم حلو بكل تفصيلة فيه ويوم جميل ولطيف علي قلبي..
^ يلاا يولاد هنأخر علي الصلاة كده .!
• جاهزين يا جدو بس ثواني مُصطفي جاي بس بيلبس حذائه.
= قلبي كان بيدور عليه قبل عيونه، بقالي أسبوع كامل مش بشوفه من وقت ما كلمته عن الدكتور محمد وهو مش بيظهر قدامي ولا بلمح طيفه حتي، كُنت بدعيله في صلاتي أنه ربنا يهديه ويصلح حاله كُنت مستغربة نفسي إزاي أدعي لحد معرفوش!، بس كنت برجح ده أنه قريبنا أوكي أوكي قريبنا من بعيد بس قريبنا برضو الله!.
= قلبي وقف لمَ شوفته وهو لابس جلابية بيضة وحاطط السواك في الجيب الِ عند ص*ره وماسك مسبحة في أيده، كُنت بصاله بأنبهار، أنا قولت أنه مش هيعرف يلبس صعيدي جامد يعني!، هو الحقيقة طلع أحسن حد يلبس صعيدي وأقمر حد يلبس جلاليب عمومًا يعني، أستغفرت و وطيت رأسي لتحت وأنا شيفاه ماشي من قُدامي علشان يحصل باقي العيلة ويروحوا يصلوا سوا، ريحة برفانه لمَ عدي قُدامي أتغلغلت جوايا، ريحة جميلة وأول مرة أشمّ ريحة رجالي بريحة الفانيليا كده إيه الولا القمر ده ياربي.!
* عدت فترة ما بين أنه يحافظ علي شُغله وبين أنه يفهم دينُه كويس، بقي يصلي وديمًا في المسجد، سمع مُحاضرات ودروس كتير للشيخ محمد الغليظ والدكتور حازم شومان، بقي أحسن من الأول، كنت بشتري كُتب دينية وبقرأها ولمَ كان يشوفني بقرأها يقولي خلصي وخلي أدهم يجبهالي أقرأها أنا كمان، بقي يحط حدود في التعامل مع إيه حد حتي مرات أعمامي وبحكم أن البيت كله بنات بقي مبيخرجش من أوضته غير مع أدهم و لو أدهم في الجامعة مش بيخرج، بقي ناضج وعاقل أكتر من الأول هو مكنش صايع أو ضايع لا سمح الله بس الفكرة أنه مكنش فاهم الدين كويس وربنا وفقه وعرف كل حاجة.
^ ممكن أعرف رافضة ليه .؟
= لعبت في إيدي بتوتر، يا جدو أنا مش عايزة أتزوج حد أنا كده تمام.
^ لا مش تمام هتفضلي عمرك كله لوحدك يعني.؟
= ما إنتِ معايا يا جدو اهه و أدهم كمان.!
^ لا أنا ولا أدهم دايمين ليكِ، أنا كبرت وخلاص كلها كام يوم وأموت، وأدهم بكرة وبعده ييتخرج ويتزوج ويبقي مسؤل عن أسرة وعيلة هتفضلي إنتِ لوحدك بقي .!، اسمعي مني وأقعدي معاه وصدقيني ده راجل مُحترم وابن أصول وأنا واثق أنه هو الِ هيصونك.
= أتن*دت، أنا مش عارفة أنا عايزة إيه بس كل الحكاية أني خايفة، أنا ديمًا خايفة ومحتاجة علي طول حد يطمني، مبعرفش أتعامل وخايفة أتزوج واموت وأسيب ولادي زي ما أهلي حصل معاهم ، عندي أسباب كتير مخوفاني ومش عارفة هيقدّر خوفي ويعرف يطمني والا هيسيب الخوف يأكل في قلبي كده .!
= إنت.؟
- إبتسم، أيوة أنا.
= إزاي!، قصدي يعني ليه!، كيف يعني.؟
- إبتسامته وسعت، إيه الأسئلة الغريبة دي !، عمومًا يا ستي ليه لأني شايفك زوجة صالحة قادرة تعين زوجها علي الصح ، إزاي!، زي الناس عادي يعني ، كيف !، قولت لجدو أني عايز أخ*ف الكتكوت الِ عندكم.
= ضحكت علي آخر كلامه، قولت كده لجدو.؟
- ضحك لمَ شاف ضحكتي، أيوة، إيه رأيك، موافقة.؟
= هتقدري تطمني وتقدّر خوفي.؟
- هكون أمانك ديمًا ..
= أبتسمت، مُبارك عليك أروق كتكوت يولا..
★ يا سُكري بين مُر الأيام.."
((((((موطن الامان)))
هو أنا وحشة يا ماما.؟
• مشت إيدها علي شعري وردت،، مين قالك كده أنتِ أجمل بنت في الدنيا.
= طب ليه زمايلي في المدرسة مش بيحبوا يلعبوا معايا و يقولوا إنتِ مريضة وهتعدينا، أنا مريضة فعلًا؟
• أنتِ مش مريضة ولا حاجة إنتِ أحلي بنت في كل العالم.
= يعني يا ماما الِ في وشي ده عادي مش مرض ..!
• مشت إيدها علي وشي الِ البُهاق مالية وباست رأسي وخدي،، ده شئ جميل ومحليكِ ومخليكِ قمر .
= حضنتها، أنا بحبك يا ماما.
• وأنا يا عيون ماما.
° المريضة جت يولاد، أوعوا تلمسوها أحسن تتعدوا منها.
= منعت دموعي بصعوبة ونسيت كل كلام ماما ليا وافتكرت بس أني مؤبؤة وسطهم، مشيت بسرعة من بينهم وأستخبيت بين شجرتين بقعد وسطهم ديمًا لمَ أحاول أستخبي من تنمرهم عليا..
يارب أنا مش مريضة والله، وده شئ إنت خلقتني بيه أنا مش زعلانة منك بس زعلانة منهم كلهم، أنت هترجعلي حقي صح ياربنا ..!
- هيرجعلك حقك متزعليش ..
= قمت بسرعة وأنا بمسح دموعي،، إنت مين .؟
- طيف مارر في حياتك هيراضيكِ ويمشي ، بتعيطي ليه كده ؟!
= الدموع لفت في عيون من تاني ،، زمايلي بيتنمروا عليا علشان شكلي وبيقولوا عليا مريضة ، بصيت لعيونه الِ كانت شبيهه بلون السما وأتكلمت، هو أنا فعلًا شكلي وحش بس دي خلقة ربنا أنا هعترض عليها ليه طيب ؟، همَّ بيقولوا مريضة بس بالله أنا مش مريضة والله ولا مُعدية أنا بني آدم عادي زيهم ونفسي يفهموا ده !
- إنتِ جميلة ومش مريضة، والِ بيقولك كده ميعرفوش حاجة ، ربنا قال "لقد خلقنا الانسان في احسن تقويم.."، علشان كده أنتِ جميلة، جمال الشكل بيروح بس جمال الروح باقي و إنتِ روحك حلوة ونصيفة علشان كده إنتِ جميلة وافتكري ده ديمًا..
= ومشي بسرعة لدرجة أني حسيت نفسي بتخيل أو بحلم بالشخص ده بس إزاي وريحته لسه في الجو حواليا، لسه صورته في عيوني وشكل عيونه في قلبي، أتن*دت بقوة وكلامه لسه بيتعاد في رأسي، مش هنكر أن كلامه عطاني قوة خفية أني أكمل، أني لسه جميلة، أني حلوة بروحي مهما كان شكلي أنا جميلة ..
• سماء أصحي ي حبيبة ماما هتتأخري علي جامعتك يعيوني .
= فركت عيوني و أستعذت من الشيطان وقومت،، صحيت يا ماما خلاص .
• طب يلا قومي كده صلي الضحي وتعالي افطري قبل ما تمشي .
= بوست إيدها،، حاضر يا ست الكل..
• برضو مُ**مة علي الحكاية دي ي سماء .؟
= عدلت نقابي علي وشي ورديت،، يا ماما مش اتكلمنا في الموضوع ده .!
• ي بنتي بس أنتِ لسه صغيرة وبعدين متهتميش بكلام حد إنتِ جميلة .
* أبتسمت من تحت نقابي مش هنكر أني خايفة من تنمرهم عليا بس أنا حابة أني ألبس نقاب ، من بعد كلام الطيف الِ مر صُدفة من سبع سنين وأنا بقيت قوية وبقيت اسمع تنمرهم وابعد عنهم ، مهتمش، مركزش، مخدش الكلام علي قلبي وروحي زي ما كنت بعمل وأنا طفلة، دلوقت بقيت طالبة جامعية وهقدر أرد وهعرف اجيب حقي ..
= أنا جميلة فعلًا يا ماما وعلشان أنا جميلة عايزة اخبي الجمال ده للِـ يستاهله، قربت منها وبوست رأسها ،، سلام بقي يا ست الكل هتأخر علي المحاضرة بسببك من أول يوم ..
- صباح الخير أنا دكتور طيف المُحمدي وأن شاء الله تكون سنة كويسة مع بعض، أولًا ياريت نكون منتظمين ونحترم المواعيد و ..
= فتحت الباب ودخلت،، آسفة علي التأخير ..!
- متأخرة ليه ي آنسة؟!
= صوته رجف قلبي، صوت قوي وخشن بس حلو،، آسف يا دكتور بس مواصلات .
- أول و آخر مرة تتأخري
= هزيت رأسي بأيوة،، ممكن أدخل!!
- أتفضلي .،، ودلوقت هنبدأ مع بعض شرح، أتمني زي قولت نلتزم لأن المادة صعبة ومفيش فيها كورسات للأسف فنركز.
= أخدت نفسي طويل اطلع بيه توتري وقلقي من الموقف والطريق و أخيرًا من نظراته وصوته..
~ صوت تنفسك عالي ليه أهدي.!
= بصيت جمبي لقيتها بنت شكلها لطيف ومُختمرة، مبحبش أبقي متأخرة بتوتر وكده .
~ خدي اشربي ماية طيب ومتقلقيش .
= بدأت أشيل الجوانتي من أيدي وأخدت منها الماية، بس سمعت صوتها بتقولي وهي باصة علي إيدي .
~ إنتِ عندك بُهاق..؟
=وشي أحمر و أت**فت ورجعت القزازة ليها تاني من غير ما أشرب، ورجعت ألبس الجوانتي وأنا خايفة،، رديت بتوتر وصوت مرتعش،، ا ااايوة...
~ مشربتيش ليه وبعدين بتلبسي الجوانتي ليه؟!
= أحم خلاص شربت شكرًا.
~ طب متلبسيش الجوانتي علشان تعرفي تكتبي.
= بعدت عنها شوية وركزت مع الدكتور أو عملت نفسي مركزة علشان اهرب منها ومن كلامها ..
= خلصت المُحاضرة و قومت بسرعة علشان أبعد عنها لأني حسيت أنها عايزة تكلمني وأنا خايفة، أنا طلعت جبانة فعلًا ومش قوية، نسيت كلام الطيف ونسيت كلام ماما ونسيت كلامي لنفسي كل يوم قبل ما أنام أني قوية وهعرف أرد و اجيب حقي أنا طلعت جبانة فعلًا.
~ ممكن أعرف بتهربي مني ليه؟!
= إنتِ؟، إنتِ لقتيني إزاي؟
~ رفعت حاجبها، مشيت وراكِ.
= نعم ؟، إنتِ بتراقبيني.
~ رمت شنطتها جمبي علي الأرض وقعدت جمبي ،، حاجة زي كده!، ممكن بقي أعرف هربتي مني ليه ي ...، صحيح اسمك إيه؟
= فركت إيدي في بعضها ورديت، سماء .
~ سماء الله اسمك حلو ، وأنا يا ستي اسمي دهب .
= أبتسمت ،، اسمك حلو برضو.
~ مش هتضحكي عليا علي فكرة قوليلي هربتي مني ليه ؟
= بصيت لأيدي المتغطية بالجوانتي ومسكتتهم مع بعض جامد،، أصل خوفت تتريقي عليا إنتِ كمان .!
~ أنا كمان ؟؟ و أتريق!! ليه؟!
= شلت الجوانتي من إيدي ورفعت إيدي قصاد عيونها ،، علشان ده .
~ مسكت إيدي وباستها ف أتنفضت من حركتها دي وشلت إيدي بسرعة فضحكت، دي حاجة مش بإيدك دي خلقة ربنا، إنتِ مش مؤبؤة مثلًا، إنتِ قمر .
= إنتِ مشوفتيش وشي علشان تقولي كده ؟ أو شوفتي وشي أكيد مكنتيش هتقولي كده .!
~ أبتسمت ببراءة،، إحنا فيها تعالي معايا مسجد الكلية وهتشوفي هغير رأيي والا لا .؟
= أتخضيت،، إيه لا لا طبعًا..
~ مسكت إيدي بقوة ،، سماء البُهاق مش عيب !، أنتِ مطلبتيش تبقي كده دي حاجة مش بأيدك دي خلقة ربنا و أوعي تخافي أو تعترضي من كده، عارفة مرة و أنا صغيرة حد قالي مهما كان شكلك إيه مش مهم المهم جمال الروح لأنها هي الِ باقية وهي الِ هتقدري تعيشي بيها عمرك كله، أفرضي مثلًا حصلك حاجة ولا قدر الله أتش*هتي جمالك هيروح بس جمال قلبك وروحك باقيين علشان كده مهما كان شكلك أوعي تخافي .
= تعرفي كلامك ده شبهه .
~ شبه مين .؟
= طيف عابر مر صُدفة في حياتي ومشي .
~ طب بس كفاية كلام ويلا علشان نروح المسجد.
= مُ**مة ؟!
~ شدت إيدي و قومتني من علي الأرض،، و جدًا.
* أتفجائت بردة فعلها كانت حلوة، بالع** كانت أحلي حاجة شوفتها، مسكت إيدي بين إيدها وتقولي الجمال ده كله وحش !، ضحكتها ادتني قوة وردة فعلها وفرحتها خلتني مخافش وأبقي مطمنة ، يمكن غريب الِ هقوله بس هي أكتر حد أرتحله بعد أهلي..
~ سماء فينك .؟
= أخدت نفسي ،، جاية اهه يا دهب بس المواصلات صعبة .
~ طب ماشي خدي بالك وحاولي متتأخريش علشان الدكتور ده صعب جدًا ومبيحش التأخير.
= مين ده ؟!
~ طيف المُحمدي.
= بتقولي إيه مش سمعاكي!!،، عمومًا أنا ربع ساعة وهكون عندك تمام.
~ تمام ماشي ..
= بعد اذنك عديني بسرعة.
- ....
~ أخرتي الدكتور طلع يعمل تليفون لولا كده كان زمانك مطرودة.
= طب الحمد لله كويس .
= ده الدكتور؟!
~ أيوة، ليه؟
= أصلي و أنا داخلة شوفته و قولتله عديني وهو دخلني .
~ ضحكت،، كويس أنه مركزش..
= لا ما هو شافني وأن..
- الآنسة الِ جمب الآنسة الِ لسه داخلة بتتكلموا في إيه؟!
بصتله وأنا مخضوضة أنه ركز معايا وأنه عرف أني لسه داخلة ،، آسفة ي دكتور بس .
- رفع إيده كعلامة أني أسكت،، خلاص خلاص ياريت تقعدي وكفاية كلام .
= رجعت اتكلمت تاني بعد ما أنشغل في الشرح، بني آدم قليل الذوق، ومش عارفة لسه بحسك شبهه.
~ شبهه مين؟!
= بصتله تاني وهو مشغول بالشرح، شبه الطيف الِ مر في حياتي.
~ أتكلمت كأنها افتكرت حاجة، تعرفي أن الدكتور ده اسمه طيف .
= بصتلها وأنا مستغربة،، طيف ؟
~ اه
= رجعت بصتله تاني، اسم غريب وحلو، قولتها بصوت هادئ بعد ما ركزت في عيونه شوية، نفس عيون الغريب بالظبط، عيون بلون السما لونها فريد كده مشفتش زيها بس حنون وهادئة .
• ييييعع عندك بُهاق !!
= سمعت الكلام ده من واحدة زميلتي في الكلية بعد ما شافت إيدي لمَ خلعت الجوانتي وكُم البلوزة أترفع شوية،، أت**فت وعيوني دمعت ومعرفتش أرد عليها .
~ يارا لو سمحتِ متقوليش علي سماء كده !، وبعدين البُهاق مش عيب ولا حاجة مق*فة علشان تقولي ييع عليه.
• يعني إنتِ مش شايفة شكل إيدها ي دهب!، شكلها مق*ف خالص وبعدين إنتِ مصحباها إزاي تتعدي منها ي بنتي ، ابعدي عنها .
~ بس ي..
- اطلعي برا ي آنسة .
• بس ي دكتور ..
- قولت أطلعي ، ودلوقتي ي أساتذة هكلمكم شوية علشان الموضوع ده يتقفل ، أولًا البُهاق ما هو إلا خلايا شبهه متية في الجسم علشان كده لون الجسم بيتغير لأن الخلايا المسؤولة عن تظبيط لونه ميتة ودي حاجة مش بأيد حد دي حاجة ربنا وحده الِ مسؤل عنها، ثانيًا البُهاق مش مُعدي ولا هو مرض أصلًا فَـ ياريت محدش يتكلم عنها بالأسلوب ده مرة تاني، البُهاق مش عيب ولا مرض زي ما قولت وإياك اسمع إيه حد فيكم بيتكلم عنها بالأسلوب ده مفهوم...؟
= كل الِ في المدرج وقالوا أيوة، أنا قاعدة بعيط مش بس علشان الكلام الِ قالته البنت لا كمان علشان الكل عرف وهو عرف، كنت م**وفة ومحروجة منه علشان كده أول ما خلص المحاضرة طلعت بسرعة حتي مستنتش دهب ومشيت من الكلية كلها وأنا بهرب منه ومن نفسي ومن مشاعري وقلبي الِ بيرجفوا جوايا كل ما ألمحه.
~ ي سماء بقالك اسبوع غايبة ليه مالك.؟
= رديت عليها وأنا بتن*د،، معلش ي دهب بس كنت محتاجة عزلة شوية علشان أقدر أواجه كل ده.
~ إنتِ بتهربي كده ي سماء !، وبعدين دكتور طيف مخلاش حد يتكلم عليكِ نص كلمة تاني، مش بتحضري ليه بقي حتي هو سأل عليكِ.!
= قلبي أتنفض،، سأل عليا ليه؟؟
~ بيقول مبتحضرش ليه وكده يعني.!
= ااه ماشي، عمومًا أنا جاية بكرة ي دهب .
~ أخيرًا ي شيخة ..!
= حضنتها،، معلش كنت محتاجة أرتاح شوية .
- وياتري أرتحتي ؟!
= أحمم أيوة ي دكتور.
- قرب مننا شوية،، أكتر حاجة بكرهها هي الجُبن والهروب وعدم الأنتظام ..
= أحمم بس يعني هو .
- ششش يلا علي المحاضرة.
= نينينينينيننيييي ده إنت بارد ي شيخ .
~ ضحكت،، أمشي ي هبلة بسرعة ده هيعمل أمتحان الاسبوع الجاي.
= أمتحان إيه أنا معرفش حاجة ده بيهزر.
~ تعالي بس نحضر بدل ما يطردنا وبعدين هفهمك.
= ده بيستهبل ده وإلا إيه ؟؟
~ ضحكت،، للأسف لا بيتكلم جد
= ي ويلي أنا معرفش حاجة .!
~ متقلقيش هفهمك كل حاجة والدنيا هتظبط.
= فركت إيدي في بعضها،، يارب.
- آنسة سماء خلصي وهاتي الورقة .!
= أتوترت زيادة،، حاضر ي دكتور ثواني بس ..
- شد الورقة من إيدي، خلاص وقتك خلص .
= عيطت وبصيت عليه بغضب وضيق وشتمت قلبي الِ بدأ ينبُضله..
~ خلاص ي سماء أهدي بقالك ساعة بتعيطي، وبعدين ده ميد ترم يعني مش مهم .
= مسحت وشي من الدموع وعدلت النقاب علي وشي ورديت،، مش مهم الامتحان يولع ده عاملني وحش خالص وكان بيتكلم معايا بأسلوب زبالة يا دهب .
~ متزعليش هو طبعه صعب ..
= ده إنسان بارد وقليل الذوق ومعندوش دم ولا إيه احترام ومش هحضرله محاضرات تاني ويولع هو ومادته ا****ر الِ مبيفهمش ده.
- شُكرًا ي آنسة ي محترمة.
= أت**فت وأتصدمت أنه سمع كلامي وأنا بشتمه ف رديت وأنا بقطع كلامي،، أنا مش قصدي بس يعني إنت حمار لا قصدي معندكش دم لا لا قصدي يعني حضرتك مش محترم ، دهب حطتها إيدها علي بوقي تمنع سيل الشتايم ده يكمل.
~ ي دكتور هي مش قصدها هي ب..
- شششش انتو الاتنين إياك ألمح واحدة فيكم بتحضرلي تاني.
= ضحكت ،، يعني هنسقط سوا صح !!
~بصتلي بغيظ، ي شيخة ده إنتِ باردة غوري من وشي ي سماااااء.
= فكك ي دهب علي أساس كنت بتفهمي منه يعني؟!
~ طب اسكتي.
= ده أساسًا غ*ي ومبيفهمش وعامل نفسه دكتور .
~ طب بس ي سما.
= ده تور مش دكتور بالله .
- فعلًا؟
= اه والل،، وبصيت لورا لقيته هو، عيونه حمرا وشكله غضبان ويخوف أتكلمت وأنا هعيط،، ي ماما.
- شاور علي نفسه وهو بيتنفس بصوت عالي من الغضب،، أنا غلطان أني قولت حرام عليا ومش مهم هتغاضي عن كمّ الشتايم والتهزيق الِ قولتيه عليا وهخليكم تحضروا بس لا أنا طلعت حمار فعلًا ومش هتحضروا تاني أبدًا وابقي قابلوني لو واحدة فيكم نجحت ..
= تفيت الشاي من بؤقي وأتكلمت،، عريس إيه بس ي ماما أنا لسه صغيرة وبعدين هو يعرف أني..
• إنتِ مش صغيرة ولا حاجة عادي يعني الِ قدك معاهم عيال أصلًا، وبعدين إنتِ فيكي إيه زي القمر ومش فيكي عيب ..
= اتكلمت بسخرية من الِ شوفته وبشوفه لسه،، ي ماما قولي كلام غير ده مفيش عيب إزاي بس مش شايفة وشي .!
• دي حاجة مش هتعيبك وبعدين ده مش بأختيارك دي أرادة ربنا هنعترض بقي علي حُكم ربنا .!
= حاشا لله ي ماما لا بس ..
• مفيش بس هو جاي بكرة وأنتهي، وخدي بالك هتطلعي من غير نقاب هو عايز كده .
= هو عايز كده ده مجنون ده وإلا إيه؟؟
= بصتله بصدمة،، دكتور طيف؟؟
- أبتسم نص أبتسامة،، اه أنا.
= لعبت في صوابعي بتوتر وخوف،، حضرتك جاي ليه يعني ؟!
- أبتسم أكتر،، هي مامتك مقلتش والا إيه!
= يعني حضرتك العريس ؟
- أبتسم بسمة سَمجة ورد،، اه أنا.
= حضرتك جاي تخطبني علشان تنتقم مني صح !، هتعذبني زي ما أبطال الروايات الشريرة بيعذبوا البطلة صح .؟
- رفع حواجبه بذهول،، إنتِ ع**طة !!
= رفعت أبهامي في وشه،، متشتمش بس .
- نزلي صباعك ي طفلة.
= تؤ أستغفر الله يارب، ما تحترم نفسك بقي إنت في بيتنا حتي .!
- اهه بصي سبب أني اجيلك هنا دلوقت هو ل**نك الطويل ده ..
=أن..
° ها ي ولاد نقول مبارك..
= ل.
- رد بسرعة وهو بيبصلي بتحذير،، طبعًا ي عمي قول آنسة سماء موافقة وحتي وافقت علي كتب الكتاب أنه يكون يوم الخميس الجاي
= فتحت عيوني جامد من الصدمة ومعرفتش أرد..
° بس مش بدري كده ي ابني إحنا مش هنلحق نجهز حاجة.
- ي عمي ده مجرد كتب كتاب بس وبعدين لسه قاعد أربع أيام يعني فيه وقت اهه، ما تتكلم ي بابا
^ وافق ي حج محمد وأنا هسأعدك متقلقش شكل ابني اتهطل علي كبر..
~ دكتور طيف..؟؟
= كلت شفايفي من تحت النقاب وأنا بكتم دموعي،، هينتقم مني ي دهب وهيض*بني .
~ مشت إيدها علي الخِمار بحيرة،، مش عارفة بس دكتور طيف مش كده لا أكيد مش هيعمل فيكي حاجة.
= أمال جه خطبني في نفس اليوم ليه؟
~ يمكن يمكن معرفش
= يوووووووه.
* بارك الله لكما وبارك عليكما وجمع بينكما في خير..
- مسك إيدي وخلع الجوانتي منها ولبسني الدبلة وباس إيدي،، مُبارك عليكِ أنا، وغمز بعيونه..
- Writer
