الفصل الخامس
4885 Words
- رفعت راسي بسرعة....بجد و كملت اصتناع....مش عارفة اشكرك ازاي و ده كويس تفلتي ب*عرك.
- ولا يهمك احنا لبعضينا و متخافيش ربنا مش بينسى حد و بصراحة معنديش أغلى من شعري.
- معاكي حق.
- طيب يلا سلام.
- ابتسمت....سلام.
"اتنفست براحة كدة يا سلام مستغربين لية؟! اه انا مقلتلكوش....انا بحبه اه المصارع الفريزر اللي معندوش دم و مش بيطقني و بدأت اشك انه معقد و مريض بجد اه بحبه عادي انتو عايزني احب واحد يحبني زي الناس عادي؟ انتو ناس غريبة جداً."
- وعد.
- يادي النيلة على وعد بصتله....خير.
- اولاً بطلي برطمة ، ثانياً انتي عملي حاجة لزينب.
- بتوتر....ز زينب اشمعنا.
- مشيت و طلبت راجل يجي مكانها.
- بيجاااااد.
- اه.
- بتهزريييي.
-نعم؟
- احم و انا اش عرفتي حضرتك هو كل حاجة وعد وعد كفاية ضغوطات بقى.
- ببرود....خلصتي؟
- ها.
- يبقى يلا عشان نمشي.
"سابني و مش البني آدم الي براس فريزر اه بامانة لو فتحته دماغه كدة مش هتلاقوا مخ هتلاقوا ايسكريم اه بجد زيمبقولك كدة."
- تيتاااااااة.
- حبيبتي وحشتيني.
- ازيك يا تيتة.
- الحمدلله يا حبيبي ها عملتوا اية؟
- ابن ابنك يا تيتة بهدلني آخر بهدلة.
- هي اللي بتنرفزني.
- ولا انت مولود متنرفز اصلا.
- انتي اللي رخمة.
- انت الي بارد.
- يا مستفزة.
- ياا....
- بس دوشة انتو الاتنين خشوا غيروا عشان اجهز الاكل قبل ما جدكوا ما يجي.
- هو جدو فين صحيح.
- معرفش يا بنتي قال رايح مشوار و اتأخر اما قلقني.
- ايو يا صفصف يا جامد.
- بس يا بنت.
- عيب كدة يا وعد.
- شاطر حبيب تيتة.
- شاطر اية انتِ بتلعبي عيل عنده خمس سنين يا صفاء.
- مسكت الشبشب....صفاء يا ابن أحمد.
- اجري يا مجدييي.
- في ديلك انا في ديلك.
- ابتسمت و رفعت ايديها.....ربنا يخليكم ليا و يفرحني بيكم انتو اللي باقيين من ريحة الحبايب، مسحت دمعة نزلت غصب و راحت تكمل الغدا اللي كان بتعملوا.
- مساء الخير.
- جدوووو.
- حضني....ازيك يا وعد.
- انا تمام.
- ميل عليا و همس في ودني....و رحيم عمل حاجة؟
- المصارع ده؟ ده بتاع زوزو ده.
- باستغراب....زوزو مين؟
- جه و بصلي بطرف عينه....بتاع الزلبطة يا جدو.
- جدو بصلنا باستغراب....مش فاهم حاجة منكم انتم الاتنين!؟
- بصتله بتوتر....طب خش انت لتيتة عشان اتأخرت عليها و انا هشوف الحوار ده.
- قام وقف....ربنا يهد*كم.
- قرب و مسك شعري....بحلقلكم زلبطة يا وعد زلبطة؟!!
- اهدى بس كدة عشان لو مسبتش شعري هتخليني زلبطة بجد.
- و اية حوار خطيبتي دي ها؟
- بارتباك....انت انت عرفت منين؟
- انتي مفكرة زوزو هبلة....
- قاطعته....مفكرة مين؟؟؟
- احم زينب آنسة زينب.
- كمل.
-فاكرة انها صدقتك دي جت بتقولي خطيبتك بتحبك و بتغير عليك جامد و حوار مكنتش فاهم.
- ف...فاهم اية؟!
- غمزلي....انك بتغيري.
- طب طب بص انا همشي و تيتة يا جدووو.
- وقف قدامي....تيجي نخليه بجد؟
- هو....هو اية؟
- انك تبقي زلبطة فتحي مخك معايا اومال.
"سبته و مشيت و هو بيضحك الرخم المشمحترم التلاجة الفريزر البارد ال..."
- سكتي لية كملي.
- اية ده رحيم فينك اومال يا راجل.
- بس غلبة انتم الاتنين و تعالوا كلوا.
"روحنا نقعد و لسة باكل اول لقمة يوم يجيلي جدو"
- متقدملك عريس يا وعد.
- كحكح ماية ماية.
- خدي يا حبيبتي براحة ، لفت لجدو.... عريس اية ده يا محمد.
- كريم الصيدلي اللي على اول الشارع.
- جالي صوت رحيم بهدوء عصبني....شافها فين ده يا جدو.
- يا بني بقولك على اول الشارع يعني هي رايحة جاية هناك.
- ماشي.
- اتعصبت....ماشي اية مشش في ركبك.
- رفعلي حاجبه....نعم.
- هديت نفسي و انا لسة ببص عليه....هفكر يا جدو و ارد عليك.
- متتاخريش يا بنتي.
- رديت و انا بمسح ايدي في الفوطة....حاضر عن اذنكم شبعت امسك الفوطة.
"حدفتها عليه و مشيت اية هو المرار ده طب لو وافقت هيجي و يزعقلي و يقولي لااااا و انتي بتاعتي و كدة ولا هتدبس في كريم ده يارب لو رحيم خير قربه و لو شر خليه خير و قربه بردو عادي يعني بنتكم مهزأة يجماعة."
- موافقة على كريم.
- تفيت الشاي اللي بشربه....يجدع ابقى كح مش كدة.
- ردي على سؤالي.
- بصيت بعيد عنه....اعتقد اني سبق و قولت اني بفكر.
- وعد بصيلي.
- بصتله.
- موافقة على كريم؟
- اتن*دت بتعب....عايز اية يا رحيم؟
- إجابتك.
- اجابتي اني تعبت تعبت اوي.
"سبته و مشيت و انا تعبت عايزة ابطل افكر بس الموضوع بيسوء و انا تعبت لامتى لامتى هفضل افكر و اهتم و اغير و الاقي برود رفضت كريم مش هظلم بني آدم ملوش ذنب عشان بني آدم فريزر تاني بحاول اتجنبه بس عمري ما فكرت ولا حاولت ابطل تفكير فيه و اهو حتى الرواية اللي واقفة بقراها في البلكونة البطل اسمه رحيم شوف سخرية القدر."
- حلوة الرواية بس المفروض يسموا البطلة وعد.
- رحيم!!
- تعب رحيم تعب عارفة يا وعد لية الانسان يبقى عنده سكة توصله للي عايزه و يدور حواليها؟
- عشان غ*ي؟!
- لا عشان فريزر.
- ابتسمت....انت عرفت.
- يا بنتي ده كله عرف انك هتموتي عليا.
- لا يا شيخ.
- اه بجد طب تعرفي لية كريم قفل الصيدلية اسبوع؟
- لية؟
- و انا اش عرفني هو كل حاجة رحيم رحيم كفاية ضغوطات بقى.
- ضحكت.
- ضحكت يبقى قلبها مال و الفرق اللي ما بينا اتشال.
- يولا.
- قلبه.
- رحيم.
- بيحبك.
- مفيش زوزو تاني؟
- ولا زلبطة.
- يبقى بحبك.
"القلب يحب مرة ميحبش مرتين و انا كل ما اشوفك بغرق في العينين."
(((( وجودك أنت يكفي))))
بابا أنا جبت 60%..
• رد بسخرية، أصلًا ما ده المُتوقع من واحدة فاشلة زيك، ما أنتِ لو كُنتِ بتذاكري زي الناس كان زمانك فلحتي.
= يا بابا والله كُنت بذاكر أنا كُنت بذاكر طول اليوم مكنتش بنام غير أربع ساعات.
• رد بقسوة، ومتناميش أصلًا، نوم إيه اللِ ينامه طلبة ثانوية عامة، أمشي غوري من وشي مش عايز أشوفك، هتفضلي طول عمرك فاشلة.
= قومت من علي الأرض بحزن الدُنيا في قلبي بعد ما زقني عليها، دخلت أوضتي أو نقدر عليها القوقعة بتاعتي، أنا أصلًا كُنت مستنية منه يطبطب عليّ ويهديني يعني ! هو طول عمره قاسي وصعب، أنا فاكرة أن محمود أخويا نزل في مادة مرة وقتها طرده برة البيت، كُنت بشوف أهل صُحابي بيتعاملوا معاهم إزاي كُنت بزعل أني ليه هو مش بيتعامل معايا كده ! هو مجرد اسم علي بطاقتي يعني ! ليه مقعدش معاه ونهزر ويناقشني ويتكلم معايا بهدوء من غير عصبية وزعيق وقلة قيمة ليّ ! يعني ايه ميكونش هو الجزء اللطيف اللِ أجري عليه وقت ما اقع في مشكلة! ليه يخليني أعيط واكتم همي في قلبي و أسكت وماما .؟ ماما الله يعينها مش بيهمها حاجة غير أننا نكون واكلين كويس و أكل صحي وننام بدري ومش بتهتم بحد غير البيت والمطبخ، أنا طول عمري اسمع أن البنت صحبة مامتها بس أنا معنديش كده، أنا نفسي أحس أني ليّ أم تخاف عليّ وتحميني بس للأسف.
• رايحة فين.؟
= نتيجة التنسيق ظهرت رايحة أشوف قبلت فين يا بابا.؟
^ متأخريش يا هبة طيب علشان الأكل علي النار.
= بصيت ليهم باهتمام نفسي ألاقي اهتمامهم بيّ ظاهر بس للأسف مش لاقية غير لا مُبالاة كأني مش بنتهم..
شوفت ورقة التنسيق بتاعتي كان نفسي ألحق تربية أنا معرفش كنت كاتباها ليه أصلًا وأنا من جوايا مُقتنعة أني مُستحيل اطولها بس قولت رُبما ربنا يكرمني، لقيت نفسي دخلت آداب، كرمشت الورقة في أيدي وسكت معيطتش منزلتش دمعةl، كأن عيوني جفت من كُتر البُكا
استغفرت وقولت الحمدُلله علي عطائك يارب، روحت حتي محدش فيهم سألني أنا قبلت إيه.! أو كُليتي فين.! سكت وقعدت أكل ب**ت.
كان نفسي يكونلي أخت تخفف عني، أو يكون محمود أخويا ومسافرش كان هون عليّ الهم اللِ أنا فيه بس للأسف أنا وحيدة، حتي مليش صُحاب أقدر احكيلهم همي ويسمعوني بص*ر رحب مفيش حد خالص..
= بلعت ريقي بصعوبة وأنا مُتوقعة الرد من جوايا بس قولت يمكن أتغير، بابا ممكن حضرتك تيجي معايا نقدم علي الكلية، أنا الكُلية بتاعتي في أسيوط مش في القاهرة.!
• رد بسخرية، يعني كمان مش في مُحافظتنا، يعني درجة تق*ف وكمان محافظة بعيدة في آخر الدُنيا، شوح بايده بعيد عني وأتكلم وهو ماشي، خدي مامتك معاكِ أنا مش فاضي للدلع ده..
= دمعة قهر نزلت علي خدي، أنا ذنبي إيه طيب ! أنا والله ذاكرت وعملت اللِ عليَّ بس معرفش إيه اللِ حصل، كان نفسي يكونوا حنين عليَّ أكتر من كده همّ شافوا أنا كُنا بذاكر إزاي وبعمل أكتر من اللِ عليَّ بس النتيجة دي حاجة بتاع ربنا أنا مليش ذنب، اتن*دت بتعب وضحكت بسُخرية علي كلامه أني أخد ماما، ماما اللِ بنتها آخر اهتمامها أصلًا.
صحيت بدري وجهزت ورقي وشنطتي ومشيت لوحدي روحت محطة القطار علشان أركب ل أسيوط البلد اللِ معرفش هي فين أصلًا غير من الخريطة، اتن*دت وأنا بقول بسم الله في قلبي وركبت القطر ..
ركبت و كُنت تايهة، أنا لوحدي ورايحة مكان غريب لوحدي، بصيت يمين وشمال لقيت بنت قاعدة وقاعد جمبها شاب ولابس كاب ومغطي وشه بيه ونايم مشيت بتوتر وأنا ضاغطة بأيدي علي الشنطة وروحت عندها..
= السلام عليكم.
~ وعليكم السلام..
= ممكن أقعد هنا .؟
~ هزت رأسها بسُرعة كأنها كانت مستنية، ياريت اقعدي اقعدي.
= قعدت وأنا ببتسم بتوتر، شكرًا.
~ العفو، رايحة تقدمي علي الكُلية صح.؟ قالتها وهي بتبص للورق اللِ في أيدي.
= هزيت رأسي بأيوة وسكت.
~ طب ورايحة لوحدك .؟
= إحم أيوة لوحدي.
~ أمم طب كلية إيه وفين.؟
= اتن*دت وأنا بقول جوايا أنها رغاية بس أنا حبيتها ف أتكلمت، أسيوط، كلية آداب.
~ صرخت بفرحة، وييييي أنا كمان زيك.
- ض*ب أيدها وهو نايم ومتحركش من مكانه، اخرسي عايز أنام.
~ سوري يا عبدُالله، أتكلمت بصوت واطي، عبدُالله أخويا.
= إبتسمت بهدوء.
~ المهم أننا هنكون صُحاب، أنا أُمنية من إسكندرية، و إنتِ.؟
= أنا هبة، من القاهرة.
~ هنكون صُحاب بقي ونروح ونيجي سوا.
= ضحكت بفرحة طفلة، أكيد.
- رفع الكاب من علي وشه، بتكلمي مي بقي .؟
~ بصتله بفرحة، دي هبة يا عبدُالله أتعرفت عليها وطلعت نفس كُليتي..
- بصلي بتركيز للحظة، أهلًا.
= بلعت ريقي بتوتر من نظراته الحادة، أهلًا بحضرتك.
~ عبدُالله إحنا هنخلي هبة معانا لأنها رايحة لوحدها.
- حط الكاب علي وشه مرة تانية وكمل نوم، ماشي ماشي بس متعملوش صوت بقي علشان أعرف أنام..
= أتكلمت بفضول غريب عليّ، هو تعبان .؟
~ لا بس هو راجع من الجيش الصبح وأنا أخدته معايا علي طول علشان كده هو تعبان.
= بصتله وهو نايم، شاي طويل بملامح حلوة ومُريحة بشرة غامقة شوية بس ده بسبب الشمس أكيد، جاكت جينز علي تيشيرت أبيض وبنطلون أ**د وكوتش أبيض، حد جميل كده برغم من إرهاق ملامحه إلا أنه كان جميل..
~ عبدُالله أصحي بقي إحنا وصلنا باين.!
- رفع الكاب وبص للطريق، لسه آخر محطة دي وننزل.
= بصيت للطريق من الشباك اللِ جمبي وأنا شيفاه مركز نظراته عليَّ.
- وصلنا يلاا.
~ هاتي إيدك ويلا..
= مسكت أيد أُمنية وأنا حاسة بأطمئنان من ناحيتها مش عارفة ليه.!
- تعالوا من هنا ويلا، متسبوش أيد بعض وخليكم ورايا.
= معرفش ليه إبتسمت أول ما قال كده ! حسيت بأننا ولاده وخارجين مع بعض خروجة حلوة، هزينا رأسنا وهو كمل مشي قدامنا وأحنا لسه وراه برضو..
قدمنا الورق وكان هو معانا خطوة بخطوة بيعمل لأخته وبيعمل ورقي قبلها، شخص لطيف جدًا وحنين علي أخته فكرني ب محمود أخويا لأنه كان طيب زيه كده، روحنا أكلنا سوا وهو بيهزر مع أمنية وأنا بتف*ج عليهم باستمتاع وبفتكر محمود.
~ يارب يا هبة نبقي نفس القسم سوا.
= أن شاء الله.
~ هتشوفي سكن مش كده .!
= أكيد.
~ طب بصي هنشوف سكن ونسكن مع بعض .
- أتكلم هو أخيرًا، متقلقوش صحبي من هنا وهو هيلاقي سكن كويس ليكم.
~ أخويا جامد زوحليقة.
- ضحك، هروح اجيبلكم ماية وراجع.
= بصيت لضهره وهو ماشي بتركيز.
~ حلو مش كده .؟
= رديت وأنا مش مركزة، جدًا، انتبهت، قصدي يعني .
~ متت**فيش قوي كده عادي هو فعلًا حلو.
= غيرت الموضوع، هو ليه أنتِ بتناديه عبدُالله مش عبدالله زي ما معروف.
~ بُصي هو بيحب اسمه كده لأنه بيقول أنه هو عبد لله بُصي عبدُالله أخويا غريب في تفكيره بس هو جميل وحنين وأجدع حد ممكن تتعرفي عليه.
= إحم هو رجع أهو.
- يلا بقي علشان نلحق نروح.
= أخدنا شُنطتنا وباقي الحاجات بتاعتنا ومشينا وراه .
وصلت البيت بعد ما يوم طويل ومُرهق، سألوني ليه أتاخرت ورديت بعدم اهتمام لأنهم مش بيسألوا بدافع الاطمئنان أصلًا، دخلت وفتحت فوني لقيت أمنية بعتالي صورنا وتغفيلاتها ليّ، لقيت وسط الصور صورة لأخوها وهو باصص نحيتي باهتمام ونظرة غريبة في عيونه، ركزت في ملامحه ولقيت قلبي بيدق ومعرفش ليه! هو شخص أول مرة أشوفه ليه قلبي يعمل كده علشانه.
قفلت الفون بعد ما اطمنت علي أمنية ونمت بتعب بس بفرحة وأنا بفتكر تفاصيل اليوم أو بالأخص تفاصيل أخوها..
بدأت الدراسة، عرفنا أني و أمنية قبلنا في قسم علم النفس كنت فرحانة أني و أخيرًا لقيت حد يحبني باهتمام ويشاركني لحظات حلوة وكتيرة، كُنا سوا في كُل خطوة بنذاكر سوا ونخرج سوا حتي أننا لو سافرنا بنسافر سوا ومع بعض، كانت بتحكيلي علي عبدُالله أخوها وأنا كُنت بغرق فيه أكتر وأنا مش دريانة..
كُنت بذاكر عايزة أثبت ل بابا أني شاطرة ومش مجموع الثانوية العامة هو المقياس ليّ ولذكائي، أول سنة في الكلية جبت جيد جدًا، فرحت وحاولت أقوله بس هو معطنيش إيه اهتمام واتريق عليّ بقيت بتجبنهم مش بنزل أروح البيت بقيت بستني الدراسة علشان مقعدش معاهم في البيت أحيانًا بيكون تعبنا بسبب أهلنا أصلًا مش بسبب حد غريب..
عدت السنين وحاليًا أنا في آخر سنة في الكلية بقيت بطلع الأولي علي الدُفعة كُل الدكاترة بتحبني، بقي عندنا صُحاب بيحبوني ومعايا صديقة عُمر " أمنية" هي الشخص الوحيد اللِ قادر يطمني لأني شخص ديمًا معندوش ثقة في نفسه وخايف من كُل حاجة و إيه حاجة..
~ هبة هباااة فوقي كده .
= إيه خضتيني.
~ عبدُالله جاي تعالي معايا هجيب منه حاجات.
= قلبي دق بقوة وأتكلمت برجفة، جاي.!
~ غمزت بعيونها، أيوة يختي جاي، يلا بقي علشان متأخرش عليه.
= طيب هلبس بسُرعة.
= لبست فُستان وحطيت خِماري ومشيت معاها وأنا برتعش من جوايا أخيرًا هشوف الحبيب الغايب بقاله سنة.
= وصلنا عنده وهو واقف بثقة بقميص أبيض وماسك جاكت جلد علي أيده وحاطط جمبه حاجات ل أمنية.
~ بوووديييي.
- ضحك وحضنها وهي أتعلقت في رقبته، وحشتيني يا قردة.
~ و إنت كمان يا قلب القردة، ماما عاملة إيه طمني
- كويسة، حضن كتفها وبصلي بتركيز، أزيك يا هبة.
= بصيت في الأرض بتوتر وقلب بيبنض بحبه، الحمد لله وحضرتك.
- حضرتك بخير طول ما أنتِ بخير، قال جملته الأخيرة بصوت واطي.
~ ض*بت كتفه، بس.
- طب تعالوا افسحكم شوية قبل ما أمشي بقي.
أتفسحنا وكُنت فرحانة وهو موجود ومطمنة، عبدُالله شخص كويس ومحترم وحنون، بيحترم أخته وبيحبها بيفكرني ديمًا ب محمود أخويا اللِ سافر ومش راضي يرجع تاني بسبب بابا وقسوته علينا..
- هبة هو ممكن رقم باباكِ.!
= اتصدمت إلا أنه معطاش فُرصة وخ*ف الموبايل من أيدي وخلّي أمنية فتحته وأخدت الرقم وأنا مش مستوعبة أصلًا في إيه.؟
= إيه.؟
~ مفيش يا حبيبي بس باباكِ عنده أمانة وعبدُالله عايز يأخدها..
* معرفش إيه اللِ حصل بعد كده بس لقيت بابا بيقولي أنزل علشان موضوع مهم، نزلت وروحت البيت و أمنية معايا وسنداني بابا مأخدش رأيي حتي، حتي لو كُنت موافقة أنا محتاجة أتسئل دي حياتي وأنا اللِ هعيشها بس هو حتي في دي كان قاسي زي ما هو قاسي عليَّ في كُل حياتي..
- أنا يسعدني أني أطلب أيد بنت حضرتك.
• وأنا موافق يا ابني إنت حد كويس وأنا سألت عليك..
- أتكلم باستغراب، طب حضرتك مش تأخد رأيها.؟
• هي متقدرش تعترض، دي واحدة فاشلة في كُل حاجة و أكيد مش هتعرف تختار حاجة في حياتها علشان كده أنا موافق عليك.
- هي مين اللِ فاشلة حضرتك! بنت حضرتك من أوائل دُفعتها علي مدار التلات سنين وترم أول السنة دي! بنت حضرتك أشطر و أذكي حد أنا شوفته، لو حضرتك مش عارف قيمة بنتك أنا ممكن أعرفك، بنت حضرتك أنا مشوفتش في أدبها ولا شطارتها أنا مش عارف حضرتك بتقول كده ليه بس شكل حضرتك متعرفش قيمة بنتك علشان كده أنا هكتب كتابي عليها علي طول ومش هعمل خطوبة.
• بدون ما يهتم بأي حاجة ولا ياللِ قاله رد، وأنا موافق الأسبوع الجاي كتب الكتاب.
- آسف.
= اتن*دت بتعب وسُخرية،ولا يهمك يا عبدُالله أنا أتعودت علي كده.
- أنا فخور بيكِ ماشي .!
= إبتسمت ليه، شكرًا.
- نسأل السؤال المُهم موافقة عليَّ.!
= بصيت للأرض بخجل، أيوة.
* بارك الله لكما وبارك عليكما وجمع بينكما في خير..
- ضمني بقوة لقلبه ومشي أيده بحنان علي ضهري، مُبارك عليّ أنتِ.
= حطيت إيدي علي ضهره وحاوطته وأنا مرتاحة وبالاخص مع حضنه الدافئ اللِ عمره ما جربته، مُباؤك علينا سوا.
- بحبك يا هبة، بحبك من أول ما فتحت عيني وأنا في القطر وشوفتك.
= عبدُالله.!
- حضني وطبطب علي ضهري، شششش مش عايزك تتكلمي كفاية عليّ إنك معايا وموجودة هنا، قالها وهو بيضمني بقوة أكبر..
- قومي يا زفتة كملي مذاكرة.
= خلصت يا قلب الزفتة وكمان خلصت التكاليف اللِ عليَّ.
- أشطر كتكوت بالله، قالها وهو بيبوس رأسي.
= عبدُالله إنت مزهقتش من المُذاكرة بتاعتي دي كُلها.! من يوم ما تزوجنا وأنا كُل شوية مسافرة علشان دراستي بس إنت اللِ **مت أني أكمل دكتوراة أنا كُنت عايزة أقف لكده.
- قاطعني، ششششش أنا وعدت نفسي طول ما أنا عايش أني هساعدك و هخليكِ ناجحة أكتر من الأول علشان كده مش عايز اسمع الكلام ده تاني.
= عبدُالله، قولتها بصوت هو فاهمه.
- فتح دراعاته وأترميت في حضنه وهو طبطب علي ضهري بحنية ولطافة منه كالعادة، بقيت مُدمنة للحركة دي وهو بيحس بيّ ف بيحضني ويطبطب علي ضهري كُل ما يحس أني زعلانة أو فيّ حاجة، ديمًا بيحاول يعوضني عن قسوة أهلي معايا وكان وخير العوض فعلًا.
= أتكلمت وأنا في حضنه، عبدُالله إحنا بقالنا سنتين متزوجين مش بتفكر في الأطفال.؟
- بفكر طبعًا بس طول ما أنتِ في دراستك مش عايز حاجة تعطلك عن تحقيق حلمك.
= طب ولو حصل هتكون زعلان.؟
- بعدني عن حضنه بهدوء، أنا أزعل من خامة منك.! أزعل أن و أخيرًا هيكون بينا رابط قوي قادر يقوّي علاقتنا أكتر أنتِ مجنونة.! طب ده يبقي يوم المُني والله .
= طب يبقي النهاردة يوم المُني.
- قصدك إيه.؟
= قصدي أن هنا بعد تمن شهور هنكون تلاتة، صرخت بفرحة أنا حامل يا عبدُالله.
- بالله ! أوعي تكوني بتهزري كالعادة .؟
= هزيت رأسي بالنفي وانا شايفة دموع في عيونه، لا والله حقيقي أنا عندي نونو في بطني.
- حضني بقوة ولف بيّ وهو بيصرخ، هكون أب لطفل منك.
= نزلني يا مجنون أنا دوخت.
- نزلني بهدوء، بصي أنا هروح حالًا اتوضي ونصلي سوا علشان ربنا يباركلنا.
= ضحكت علي فرحته وهو طالع يجري علشان يروح يتوضي وماشي يحمد ربنا ، فرحت وحسيت أن هو عوض ربنا ليّ عن القسوة اللِ شوفتها وقلة الاهتمام اللِ كُنت بتعامل بيها زمان..
★ وجودك إنت يكفي، خيالك فقط طمأنينة.."
(((((( وال تخلي صعيدي يحبهااا يبقي ياغلبهااا))))
أنا أتجوز الصعيدي المتخلف ده .!
- وه شوف قلة الرباية بقي .!
= قلة رباية إيه يا مشمُحترم، ما تشوف يا سي بابا الفلجر الِ حضرتك جايبه.
- هي بتشتم صح يا عمي حسين .؟
= وأنا هستني ايه من واحد زيك أكيد جاهل، بابا أنا مش موافقة علي الجوازة دي أصلًا، Au revoir. وسبتهم ومشيت.
- بتبرطمي تقولي إيه يا بت.!
• ضحك، علي أساس مش فاهم هي بتقول ايه يا ولد ؟ ده إنت معاك ييجي ست لُغات.
- والله يا عمي بنتك دي شكلها مجنونة، مش عارف إزاي هي بنتك أصلًا.!
• أتن*د وبص لبعيد، الله يسامحها مامتها دلعتها زيادة عن اللزوم لحد ما بقت كده والِ زود كده أنها سافرت تكمل تعليمها برة علشان كده أنا مفيش غيرك يا يونس الِ هيعرف يعدل البنت دي.
- بس يا عمي حضرتك عارف انا طبعي صعب وهي مش هتستحمل ده، كمان أنا بقضي أغلب وقتي في الصعيد هل هي هتعرف تتأقلم علي الوضع هناك بعد العيشة في أمريكا.؟
• مش عارف بس تتعود، أنا عايز اعودها علي عاداتنا، إنت شايف اهي الإسم أنها مُحجبة بس فين الحجاب ده بنص شعرها الِ برة ولبسها وأنا للأسف مش قادر عليها ولا كلامي نافع معاها، أتاثرت بعيشة برة بطريقة صعبة لدرجة أنها مش بتسمع لحد.
- أتن*د بعمق، هشوف و أرد علي حضرتك.
• متفكرش أنها سهلة عليّ أني اعرض عليك بنتي كده بس أنا معنديش ثقة في حد قدك علشان كده إنت أول حد خطر في بالي أقوله كده .
- ربنا يقدم الِ في الخير أن شاء الله.
~ هيجوزك.؟
= هزيت رأسي، لا وصعيدي جاهل كمان.
~ علي فكرة مش كُل الصعايدة جاهلين، الصعايدة دلوقت بقوا ماشاء الله كويسين جدًا وليه مركز ومُثقفين كمان.
= يمكن بس مش البني آدم ده .
~ طب جربي اتكلمي معاه شوية يمكن يطلع شخص كويس .
= أتكلم معاه إيه هو أنا طيقاه علشان أقعد معاه .!
- لا وأنا الِ ميت في دباديبك يا بت.
= قومت وقفت بسرعة، بت في عينك يا متخلف و إزاي أصلًا تسمح لنفسك تدخل كده.!
- متخلف !! ضغط علي سنانه وقرب مني، تعرف لولا أنك بنت كنت عرفت أربيكِ إزاي علي الكلمة دي بس معلش ملحوقة.
*بارك الله لكما وبارك عليكما وجمع بينكما في خير.
= كُنت واقفة بعض شفايفي وبضغط علي أيدي بغضب وهاين عليّ أني أعيط، أنا مش فاهمة إزاي بابا يجبرني أتجوز بني آدم بي وجاهل زي ده !
- قرب وهو حاطط أيده في جيوب بنطلونه القماش ولابس قميص أبيض شكله حلو مش هنكر، مُبارك يا عروسة.
= بصتله بق*ف ومردتش.
- مسك دقني بإيده وأجبرني أبصلُه، النظرة دي لو بصتيلي بيها تاني هتزعلي، أمشي غيري اللبس ده وألبسي حاجة محترمة وشعرك مشفش شعراية واحدة باينة منه ويلا علشان هنروح البلد.
= بلد ! بلد إيه؟
- هنروح الصعيد يا عيوني.
= صعيد؟ أنا مستحيل اروح هناك في الق*ف والحر ده وبعدين أنا مستحيل أسيب بابا لوحده
- علي أساس السنين الِ فاتت مكنتيش سيباه لوحده صح ؟ بت أنتِ أنجزي ويلا، و إياكِ تقولي كلمة وحشة عن الصعيد تاني ل**نك الحلو ده هقطعه خالص.
= بصتله بعناد بس بعدين خوفت من نظراته، عيونه سودة وحادة وتخوف كده، أنا نظرتي عن الرجالة الصعايدة أنهم بيخوفوا وقاسيين وهو بشكله ونظراته دي بيخليني أتأكد من كده، مشيت من قدامه بسُرعة وجريت علي أوضتي علشان أغير، لبست فُستان واسع وحطيت الطرحة كنت هبين شعري زي ما متعودة بس أفتكرت كلامه وللحقيقة خوفت علشان كده لفيت الطرحة كويس بحيث شعري ميبنش منه حاجة وظبطت شكلي ونزلت لقيته قاعد مع بابا وبيضحك، بيضحك؟؟ الإنسان ده بيعرف يضحك أصلًا! لقيته بيبصلي ولمحت في عيونه نظرة رضا عن لبسي وشكلي وإني سمعت كلامه.
- طب يا عمي ءاية خلصت هنمشي إحنا علشان ورانا سفر وبإذن الله هنجيلك تاني.
• ماشي يا ابني، حضني وطبطب علي ضهري، يونس شاب كويس متخافيش منه أنا لو مش واثقة فيه مكنتش رضيت إنه يأخدك مني مهما حصل، باس جبيني وقالي أشوفك بخير.
= مكنتش حاسة بحاجة غير أنه رماني للبني آدم ده علشان كده مكنتش متأثرة بأني هبعد عنه ولا هيكون بيني وبينه مسافات وبلاد ومش هقدر أشوفه تاني، كنت عادي وماشية هادية.
- غريبة يعني ساكتة كده وهادية.
= كُنت راكنة رأسي علي شباك العربية وسرحانة في الطريق ب**ت مردتش عليه وسألته، إحنا هنسافر بالعربية دي ؟ وبعدين إنت منين .؟
- أنا منين، من سوهاج، هنسافر بالعربية تؤ هنسافر قطر.
= قطر .؟؟
* شاي شاي شاي .!
= كُنت باصة للناس بتعجُب القطر زحمة شوية لا شويات كتير الصراحة، ناس رايحة جاية بأكل وشاي وده نايم علي كتف صاحبه ودي نايمة علي كتف مامتها ودول راجعين من امتحانهم ييضحكوا ويهزروا مع بعض ويتريقوا علي إجاباتهم.
- كُنت قاصد اخليها تسافر بالقطر علشان تشوف الناس وتتعود، تغير فكرتها عن أهل الصعيد وأننا رجالة جدعة ومش مُتخلفين وبنتعلم عادي، كُنت عايزاها تحتك بالناس وتشوف الطيبة الِ فيهم وتبطل تتعامل بالغرور والسطحية دي.
- تعالي اقعدي ارتاحي مكاني.
= بصتله بتعجُب أكبر أنه قام من مكانه وقعد بنت جمبي هز رأسه وحرك عيونه و وقف برا الكرسي بس جمبي، رجعت بصيت شوية للناس وبعدين بصيت من الشباك جمبي وسندت رأسي عليه ببُص للزرع وأشكال الأرض وريحة التراب أخدت نفس طويل وطلعته براحة وأنا حاسة نفسي مرتاحة.
- ميل علي ودني، دي عاداتنا مينفعش نشوف بنت واقفة في وسط زحمة ومنقعدهاش.
= بصتله بغرابة بعد ما رجع قعد مكانه لمَ البنت نزلت، بس ده مكانك .؟
- ودي جدعنة وتقاليد ولاد الصعيد، مش بنستحمل حد يلمس بناتنا ولا يقرب منهم.
= هي قريبتك .؟
- في الصعيد هنا إيه بنت تبقي أختنا و إيه ست تبقي أُمنا ولازم نكرمهم ونريحهم ديمًا دي عاداتنا كده.
= بصيت وأنا مستغربة أكتر لأن شايفة كُل الِ قاعد بنات وستات والرجالة واقفة فعلًا، ولو في ولد قاعد وبنت واقفة بيقوم من مكانه ويقعدها حتي لو كان ولد في الجيش، أستغربت جدعنتهم وعاداتهم الغريبة شوية دي بس حاسة أني مبسوطة بيها ومطمنة لأني عمري ما حد ما تعامل معايا كده ولا عمري أصلًا شوفت كده.
- خلاص قربنا نوصل
= رفعت رأسي من علي كتفه بعد ما كُنت نايمة، أخيرًا أنا تعبت جدًا.
- مسك إيدي وطبطب عليها، معلش .
= بصيت لأيده وبصتله أو بمعني أصح بصيت لعيونه بحاول أفهمه بس معرفتش هو شخص غريب مش عارفة حنين ولا قاسي، عصبي وإلا هادي، جاهل ومتخلف وإلا هو ايه بالظبط.؟
^ دكتور يونس رجع يا حجة.!
= لمحت ست كبيرة لابسة طرحة كبيرة سودة وعباية واسعة سودة برضو وبتجري عليه تحضنه.
• يونس وحشت قلبي يا ابني.
- باس جبينها وأيدها، و إنتِ وحشتي قلب يونس يا أم يونس.
• طبطبت علي ضهره وبعدين لقيتها بتبصلي، هي دي .؟
- بعد عنها وبصلي، أيوة، تعالي يا ءاية سلمي علي ماما.
= كُنت بقرب منها بخوف أنا مش الشخص الإجتماعي أبدًا وبخاف أتعامل مع الناس لأول مرة يمكن محدش يعرف الحتة دي بس أنا فعلًا بخاف من الناس، مديت إيدي علشان أسلم عليها بس هي شدتني لحضنها وطبطبت علي ضهري.
• وه تسلمي علي حماتك كيف الغُرب إياك!
= حضنتها أنا كمان وتبت في حضنها، حضنها دافئ وريحتها حلوة هي مش حاطة إيه برفان بس ريحتها حلوة وجميلة كده ازاي مش عارفة.
• بعدتني عنها بالراحة ومسكت وشي بإيدها، قمر يا بنتي، إحنا لازم نعملكم فرح يحلفوا بيه ده فرح ولدي دكتور يونس علي سِن ورمح.
= بصتلها بصدمة وكررت كلامها، دكتور .؟؟؟
• وه متعرفيش جوزك شغال إيه.؟ بصتله بفخر وبعدين أتكلمت، يونس ولدي أشطر دكتور جراحة في الصعيد كلها .
= بلعت ريقي الناشف أصلًا وبصتله بمعني ليه مقولتش و إزاي.!
- فهم نظراتي وأتكلم، معلش يا حجة هنطلع نرتاح بقي لأننا تعبنا من السفر.
• ماشي يا ولدي ارتاحوا.
= دخلت أوضته أوضة رجالية بحتة، دهان أ**د مش عارفة إيه الكآبة دي ! ومكتبة كبيرة مليانة كُتب وشهادات متعلقة علي الحيطة وشهادة تخرجه بإمتياز من الكُلية، بصيت للأوضة وبعدين بصيت ليه مستنية يحكي ويقول ليه مقلش أنه دكتور..
- شاور علي كرسي ، اقعدي وأنا هحكي.
= قعدت وأنا مشبكة أيدي في بعضها ومستنية كلامه.
- أخد نفس طويل وأتكلم، تفتكري أنا سفرتك في القطر من فراغ يعني ! أنا كُنت قاصد أخليكِ تشوفي الناس وتشوفي أهل الصعيد وتعرفي أننا مش جاهلين ولا مُتخلفين زي ما قولتِ، أول مقابلة لينا مكنتيش طيقاني و كُنتِ مفكرة أهل الصعيد جهلة فأنا سبتكِ تفكري في كده براحتك بس حابب أقولك أن دلوقت الصعايدة بقوا أحسن ناس، ناس شُطار والتعليم بقي شئ مهم عندهم، أينعم مش في كل الأماكن بس يكفي أن الأغلبية بقي يهتم بكده.
^ أزيك.!
= كُنت قاعدة في البلكونة قصاد النيل، أحلي حاجة في البيت هنا أنه علي النيل علي طول وكمان البلكونة هنا واسعة ومريحة نفسيًا، أهلاً إنتِ مين .؟
^ رفعت النقاب من علي وشها كانت بنت جميلة قوي ملامحها مُريحة للعين، أنا يا ستي مريم بنت عم يونس، و إنتِ زوجة يونس صح.!
= اتن*دت، أيوة زوجته.
^ تعرفي إنك محظوظة أن يونس زوجك أيوة والله، يونس أحن حد في الدُنيا كلها، ميغركيش شكله القاسي ولا عيونه الِ تخوف دي بس هو بيداري حنان كبير تحتهم.
= كُنت بصالها بغرابة أنها بتمدح فيه كده وهل هو شخص حنون فعلًا زي ما بتقول! قطع تفكيري صوته وهو بيكُح وداخل علينا، بسُرعة لقيت مريم نزلت النقاب علي وشها وقالتله يدخل.
- الحاجة قالت إنك هنا فكان لازم اجي أطمن عليكِ.
^ أنا بخير يا يونس الحمدلله، طمني عنك إنت.!
- بخير، محمد كويس.؟
^ ضحكت، محمد زي الفُل وكان مستني إنك تيجي علشان يحدد معاك معاد الفرح وكده.
- الله والصغنن بتاع العيلة كبر وهيبقي عروسة .!
^ بس يا يونس الله! اه صحيح لو قالك علي الفرح وكده.
- متخافيش أنا عارف إنك مش عايزة فرح متقلقيش هفهمه.
^ تسلم يا يونس، همشي أنا بقي لأني أتاخرت سلام، لينا قاعدة حلوة تاني يا عروسة.
= شاورتلها وضحكت وبعدين بصيت ليونس الِ قعد قصادي، هي ليه نزلت النقاب لمَ دخلت يا يونس.؟
- لأني مش مِحرم ليها.
= يعني إيه مش فاهمة ؟
- يعني أنا أجوز أني اتزوجها عادي
= طب وده أيه علاقته مش فاهمة.؟
- بص يا ءاية ربنا أمر البنات بحجاب يكون ساتر ولا يصف ولا يشف وقال في كتابه"وَلْيَضْرِبْنَ بِخُمُرِهِنَّ عَلَىٰ جُيُوبِهِنَّ ۖ ." يعني لازم حجابك يكون ساتر جسمك كويس ومفيش إيه حاجة منك ظاهرة، وكمان متظهريش زينتك قدام إيه شخص يجوز ليكِ وكمان مينفعش تسلمي علي إيه حد وخلاص لأنه حرام برضو رسولنا الكريم قال: "لأن يطعن في رأس أحدكم بمخيط من حديد خير له من أن يمس امرأة لا تحل له" شايفة ده ذنب عظيم إزاي! يعني يدخل في أيده سيخ حديد ولا أنه يسلم علي بنت تجوز ليه ، ربنا مكرم البنات ومعظم شأنهم في القرآن ده فيه سورة كاملة في القرآن عن النساء ولسه برضو همّ بيجادلوا في الحجاب وفي كل حاجة الله المُستعان ويهدي الحال يارب، عايز. حاجة أنا رايح المُستشفي.
= كنت سرحانة في كلامه جدًا وبفتكر شكلي وشكل لبسي، ممكن تديني رقم مريم طيب .؟
= كلمت مريم وفهمت منها حاجات كتير زي أني مينفعش أتعامل مع إيه ولد أو راجل غير بحدود، ربنا أمرني بحجاب صحيح وكويس وساتر لجسمي زي ما يونس قال، مينفعش أني أبين شعري قدام إيه حد، مينفعش ألبس بنطلون ولا لبس مجسم جسمي وأخرج بيه، عرفت أني كنت بعمل حاجات كتير غلط ولازم اعدلها علشان ربنا يرضي عني لأني عرفت أن رضا ربنا أهم من إيه حاجة تاني..
- ءاية ممكن،، إيه ده ؟
= ألتفت ليه، إيه.!
- شكلك، شكلك جميل .قالها بأنبهار
= أت**فت وعضيت شفايفي، أحم شكلي حلو .؟
- Writer
