------
***Carliegh’s POV***
-
Nandito kami ngayon sa mansyon ng pamilya ni Holland. Inimbita kami ng dinner ng mommy at daddy niya para daw sa final pag- uusap namin sa kasal naming dalawa ni Holland. Isang linggo na lang… at kasal na naming dalawa ni Holland.
Pinili kong patawarin siya. Hindi lang dahil mahal ko siya… kundi dahil na rin sa mga magulang namin. Masasaktan ang mommy niya kung aatras ako sa kasal dahil sa dahilan na hindi naman ako sigurado. Sa apat na taon naming relasyon, naramdaman ko naman talaga na mahal ako ni Holland. Hindi perpekto… pero totoo. At minsan, sapat na ang totoo kahit hindi ito buo. Kaya wala akong dahilan para umatras.
At higit sa lahat… dahil sa ama ko. My father will be disappointed kung aatras ako. Gustong-gusto niya si Holland para sa akin. Nanin
